News

14-Nov-2019
လုပ်ငန်းတာဝန်တစ်ခုပေးရာတွင်လည်း လက်တွေ့အကောင်အထည်ဖော်မည့်သူများကို တိုက်ရိုက်တွေ့ဆုံညွှန်ကြားသွားသင့်သည်။ ကြားခံလူသည် မူဝါဒချမှတ်ပေးသူ၏ ညွှန်ကြားချက်ကို တိကျစွာ မှတ်သားနာယူနိုင်စွမ်းမရှိလျှင် လက်တွေ့အကောင်အထည်ဖော်သူများ အခက်အခဲ ကြုံတွေ့ရမည်ဖြစ်သည်။ လုပ်ငန်းမစ်ရှင်ကို လက်ခံလာသူကလည်း တိကျသည့် လိုလားချက်ကို လက်အောက်သို့ ချပြနိုင်စွမ်းရှိရမည် ဖြစ်သည်။ အမှန်တော့ တာဝန်ရှိသူတစ်ဦးသည် လက်အောက်ကို မတိကျမရေရာသော ညွှန်ကြားချက်များ ပေးနေရုံမျှဖြင့် တာဝန်ကျေပွန်မည် မဟုတ်ချေ။ လုပ်ငန်းတာဝန်အပေါ် အချိန်ပြည့်နှစ်ထားမှသာလျှင် တန်ကာကျပေမည်။
14-Nov-2019
ကုန်ဆုံးသွားသည့် တန်ဆောင်မုန်းလပြည့်ကာလရုံးပိတ်ရက်များတွင် ရန်ကုန်အပါအဝင် မြန်မာပြည်နေရာအတော်များများ၌ ဘာသာရေးဆိုင်ရာပွဲလမ်း အခမ်းအနားများ၊ ကထိန်ခင်းပွဲများ၊ စတုဒိသာများ၊ နိဗ္ဗာန်ဈေးပွဲများဖြင့် စည်ကားခဲ့ပါသည်။ “သဒ္ဓါကြည်လင် ပါရမီရှင်များ” အနေနှင့် အလှူအတန်းများကို ရက်ရက်ရောရော ပြုလုပ်ခွင့်ရခဲ့သည့် ပွင့်လင်းကာလတစ်ခုဟုလည်း ဆိုရပေမည်။
13-Nov-2019
ကျွန်မတို့ဟာ လုပ်ချင်တာနဲ့လုပ်သင့်တာ၊ ဖြစ်ချင်တာနဲ့ဖြစ်သင့်တာကြားမှာ ရွေးချယ်မှုတွေပြုလုပ်ကြတယ်။ ရွေးချယ်မှုမှားသွားခဲ့ရင်လည်း ကျွန်မတို့တွေရဲ့ဘဝဟာ ကမောက်ကမဖြစ်သွားနိုင်တယ်။ ဒုက္ခတွေ တစ်ပွေ့တစ်ပိုက်နဲ့ကြုံရနိုင်တယ်။ ‘တစ်ကွက်မှားတဲ့ကျား အစားခံရ’ ဆိုသလို အစားမခံရအောင်လည်း ဦးနှောက်နဲ့ သေချာသုံးသပ်ပြီး ရွေးချယ်တတ်ဖို့လိုပါတယ်။ စာအုပ်လေးတစ်အုပ်မှာ ဖတ်ခဲ့ဖူးတယ်။ ဘဝမှာလုပ်သင့်တာလုပ်ခဲ့သူဟာ နောင်တစ်ချိန်မှာ လုပ်ချင်တာ မလုပ်လိုက်ရလို့ နောင်တရနေတတ်တယ်တဲ့။ အဲဒီလိုပဲ အလားတူ ဘဝမှာ လုပ်ချင်တာ ကိုလုပ်ခဲ့သူဟာ နောင်တစ်ချိန်မှာ လုပ်သင့်တာကိုမလုပ်လိုက်ရခြင်း ဆိုပြီး နောင်တရနေတတ်ပြန်ပါတယ်တဲ့။
13-Nov-2019
အုပ်ချုပ်ရေးအဖွဲ့အစည်းများအနေနှင့် မြန်မာနိုင်ငံ ရဲတပ်ဖွဲ့၏ အကူအညီကိုရယူကာ ရပ်ကွက်အုပ်ချုပ်ရေးအဖွဲ့များနှင့်အတူ ညစဉ်ညတိုင်း ရပ်ကွက်များအတွင်း ကင်းလှည့်ခြင်း၊ ရှာဖွေခြင်း စသည်တို့ကို ဆောင်ရွက်ပါသည်။ (ယခုအခါ မြို့ဝင်မြို့ထွက်များတွင် ရှာဖွေပိတ်ဆို့အရေးယူခြင်းတို့ ဆောင်ရွက်ကြသော်လည်း ရပ်ကွက်အုပ်ချုပ်ရေးအဖွဲ့များနှင့်အတူ ရပ်ကွက်များအတွင်း လှည့်လည်ဆောင်ရွက်ခြင်းကို မတွေ့ရှိရပါ)။ ထိုသို့ဖြစ်ရသည်မှာ မြန်မာနိုင်ငံရဲတပ်ဖွဲ့တွင် အင်အားမလုံလောက်ခြင်းနှင့် ရပ်ကွက်အုပ်ချုပ်ရေးတွင်လည်း အုပ်ချုပ်ရေးမှူး တစ်ဦးသာရှိပြီး အဖွဲ့ဝင်များမရှိခြင်းနှင့် ရာအိမ်မှူး၊ ဆယ်အိမ်မှူး စသည်တို့၏ ကူညီဆောင်ရွက်မှုကိုလည်း ယခင်ကလောက်မရရှိ၍ ဖြစ်ပါသည်။
13-Nov-2019
ဆိုရှယ်လစ်ခေတ်၊ စစ်တပ်ခေတ်၊ ဒီမိုကရေစီခေတ် စသည်ဖြင့် ဘယ်ခေတ်က ပိုကောင်းသလဲဟူ၍ ငြင်းခုံစရာများ မည်သို့ပင်ရှိနေစေကာမူ မြန်မာနိုင်ငံသားများ ယခင်တစ်ချိန်တစ်ခါကထက် ပြည်ပနိုင်ငံနှင့် လူ့အဖွဲ့အစည်းများအကြောင်း ပိုမိုအနီးကပ်သိရှိခွင့်ရလာခြင်းသည် ၎င်းတို့ထံမှ မည်သည့်အရာများကို ဆောင်ပြီး မည်သည့်အရာများကို ရှောင်ရန် သိခွင့်ရလာခြင်းဖြစ်ကြောင်း “မြန်မာတွေကိုယ် တိုင်စဉ်းစားရမည့်ကိစ္စ” ဟူသည့် ခေါင်းစဉ်ဖြင့် တစ်နေ့ကဖော်ပြခဲ့ပါသည်။
12-Nov-2019
ရုံးဌာနတွေမှာ ရုံးလုပ်ငန်းအခက်အခဲတွေကြောင့် မတတ်သာတဲ့ ရုံးကိစ္စတွေကလွဲလို့ ပြည်သူအများစုကတော့ ရုံးဌာနတွေကို မသွားချင်၊ မဆက်သွယ်ချင်၊ မလုပ်ချင်ကြတော့တာ ကောင်းတဲ့အလားအလာ မဟုတ်ပါဘူး။ ဒီမိုကရေစီကျင့်စဉ်တွေ၊ အကျင့်စရိုက်တွေ၊ စိတ်ထားတွေဆိုတာ စဉ်းစားဖို့ပင် အလှမ်းကွာဝေးဆဲလို့ ဆိုနိုင်ပါလိမ့်မယ်။ စနစ်တွေ၊ အကျင့်စရိုက်တွေ၊ စိတ်ထားတွေပြောင်းလဲဖို့ဆိုရင် ကိုယ်တိုင်ပြောင်းလဲကြရမှာ ဖြစ်ပါတယ်။ လာဘ်ပေးလာဘ်ယူတိုက်ဖျက်ရေး အားစိုက်လုပ်ဆောင်နေပေမယ့် ယခင်အတိုင်းပဲရှိနေရခြင်း အကြောင်းအရင်းတွေကို ပြုပြင်ဖို့ဦးစွာ လိုအပ်ပါလိမ့်မယ်။
12-Nov-2019
နောက်တစ်မျိုးကတော့ နိုင်ငံ့ဝန်ထမ်းတွေပါ။ သူတို့ကတော့ အမြဲတမ်းဝန်ထမ်းတွေဖြစ်ပြီး အသက်  ၆၀ အထိ နိုင်ငံ့တာဝန်တွေကို ထမ်းဆောင်ရတဲ့သူတွေဖြစ်တဲ့ အစိုးရဌာနဆိုင်ရာအားလုံးက ညွှန်ကြားရေးမှူးချုပ်၊ ဦးဆောင်ညွှန်ကြာရေးမှူးနဲ့ သူ့အောက်အဆင့် ဝန်ထမ်းအားလုံး၊ ပြည်ထဲရေး၊ ကာကွယ်ရေးအောက်က တပ်ချုပ်၊ ရဲချုပ်နဲ့တကွ သူ့အောက်ကတပ်သား အဆင့်အထိအားလုံးတို့ ပါဝင်ပါတယ်။ သူတို့အားလုံးမှာတူညီတဲ့ အချက်တစ်ချက်ကတော့  နိုင်ငံတော်က ပေးတဲ့လစာ၊ စရိတ်၊ အဆောင်အယောင်တွေကို လစဉ်ခံစားကြရတယ်။ အဆင့်နဲ့တူညီတဲ့ တာဝန်တွေကို ထမ်းဆောင်ကြရတယ်။ အဆင့်နဲ့ညီတဲ့ တာဝန်ယူမှု၊ တာဝန်ခံမှုတွေ ရှိကြရတယ်။ ပြည်သူတွေထံကရတဲ့ အခွန် အခတွေ စုဆောင်းထားတဲ့ပြည်သူ့ဘဏ္ဍာတွေထဲက ကျခံပြီး လစဉ်လစာ ပေးထားတာမို့ သူတို့အနေနဲ့ကလည်း ပြည်သူတွေအတွက်ပြန်ပြီး အလုပ်အကျွေးပြုရတယ်။ ပြည်သူတွေအတွက်ဝန်ဆောင်မှု၊ လုံခြုံမှုပြန်ပေးရတယ်၊ ပြည်သူတွေရဲ့ အခက်အခဲ အကျပ်အတည်းကိုဖြေရှင်းပေးရတယ်၊ ပြည်သူတွေ မျက်နှာကိုသာ ကြည့်ရတယ်၊ အစောကပြောတဲ့ ပြည်သူ့ ဝန်ထမ်းတွေဆိုတာလည်း အလားတူ ပြည်သူ့မျက်နှာကိုသာကြည့်ရသူတွေပါပဲ။
12-Nov-2019
မြန်မာနိုင်ငံကိုလာရောက်လည်ပတ်သည့် ကမ္ဘာလှည့်တိုးရစ်များ အထူးစိတ်ဝင်စားသည့်မြို့တစ်မြို့လည်းဖြစ်၊ အဖိုးတန်ရှေးဟောင်းအဆောက်အအုံများနှင့် အထင်ကရနေရာများလည်းရှိသည့် မြို့တော်ဟောင်း ရန်ကုန်မှာ နှစ်အတန်ကြာ ညစ်ပတ်ပေရေသည့် နောက်ဖေးလမ်းကြားများကြောင့် ရုပ်ဆိုးအကျည်းတန်ခဲ့ရာမှ ယခုအခါ မြို့တွင်းမြို့နယ်အချို့က နောက်ဖေးလမ်းကြားများ၌ နာမည်ကျော်ပုဂ္ဂိုလ်များနှင့် အနုပညာရှင်များ၏ ပုံတူပန်းချီများရေးဆွဲခြင်းဖြင့် သန့်ရှင်းသပ်ရပ်အောင် ရပ်ကွက်အလိုက်ကြိုးပမ်းယှဉ်ပြိုင်နေကြသည်ကိုတွေ့ရသည်မှာ ရန်ကုန်နေပြည်သူများအတွက် ဝမ်းသာစရာကိစ္စပင်ဖြစ်ပေသည်။
11-Nov-2019
မဆလခေတ် အလုပ်သမားဆန္ဒပြပွဲတွေ၊ ကျောင်းသားဆန္ဒပြပွဲတွေ ရှိလာပြီဆိုလျှင် ဆန္ဒပြသူတွေ၏ အဓိကဟစ်တိုင်နေရာက ဝန်ကြီးများရုံးပဲဖြစ်သည်။ ဝန်ကြီးများရုံးပတ်လည် အော်ဟစ်ဆန္ဒပြကြသည်။ ထို့ကြောင့် ရုံး၏ ခြံစည်းရိုးပတ်ပတ်လည်မှာ ဟိုတစ်ချိန်တုန်းက ရဲအစောင့်အကြပ် အမြဲချထားသည်။ ၈၈ အရေးအခင်း စဖြစ်ခါစတုန်းကဆိုလျှင် ထိုရုံးဝင်းပတ်လည်ကို သံဆူးကြိုးအကာအရံတွေ၊ ချထားခဲ့သလို ရုံးပတ်လည်လမ်းထောင့်တွေမှာ သဲအိတ်ဘန်ကာတွေ လက်နက်ကိုင်စစ်သားတွေ စောင့်ကြပ်နေတာ တွေ့ရသည်။ ထို့ကြောင့် ထိုနေရာသည် တစ်ခါတုန်းက အရေးပါသော “တားမြစ်နယ်မြေ” တစ်ခု ဖြစ်ခဲ့သည်။ အစိုးရဝန်ထမ်းအချို့ကလွဲလျှင် သာမန် ရန်ကုန်မြို့သူမြို့သားတွေနှင့် သိပ်မသက်ဆိုင်လှသော နေရာတစ်ခု။
11-Nov-2019
သင့်ဘဝမှာ သင်ဘာဖြစ်ချင်တာပါလဲ။ ဒီမေးခွန်းကို ကိုယ်တိုင် သေသေချာချာပြန်မေးပြီး အဖြေရအောင်ထုတ်ဖို့ အရေးကြီးပါတယ်။ ကိုယ်သွားချင်တဲ့ခရီးကို ကိုယ်တိုင်သိပါမှ ဘယ်လောက်ကြာမလဲ၊ အဲသည်မှာ ဘယ်လိုရာသီဥတုရှိသလဲ ဆိုတာတွေ ချင့်ချိန်ပြီး ဘာတွေပြင်ဆင် စုဆောင်းသွားရမလဲဆိုတာကို ဒီခရီးအပေါ် အတွေ့အကြုံရှိသူတွေထံက နည်းနာယူလို့ရမှာပါ။ တချို့အရာတွေဟာ ကြိုတင် အလေးခံသယ်သွား စရာမလိုဘဲ ဟိုရောက်ရင်လည်း သုံးဖို့အဆင်သင့်ရှိနေမယ် ဆိုတာလည်း ကိုယ်တိုင်သဘောပေါက်သင့်ပါတယ်။ ကျွန်တော်ကတော့ ဘာလုပ်ရမလဲလို့ မေးတဲ့သူတွေထက် ဘာလုပ်ချင်တယ်လို့ ပြောလာတဲ့သူတွေကို လမ်းညွှန်ရတာ၊ ကူညီရတာ ပိုထိရောက်တယ်လို့ လက်ခံထားပါတယ်။ ဘာလုပ်ချင်တယ်လို့ပြောတဲ့အခါလည်း အတိအကျ အသေးစိတ်ဖို့လိုပါတယ်။
11-Nov-2019
ယခုရက်ပိုင်းသည် တန်ဆောင်တိုင်ရုံးပိတ်ရက်ဖြစ်ပေရာ မြန်မာနိုင်ငံသားအတော်များများ ပြည်တွင်းခရီးသာမက ပြည်ပခရီးလည်းထွက်ကြသည်ကို တွေ့မြင်ရပေသည်။ မိသားစုအလိုက်သော်လည်းကောင်း၊ မိတ်ဆွေသူငယ်ချင်းများစုဖွဲ့၍သော်လည်းကောင်း၊ လုပ်ငန်းခွင်တစ်ခုမှ ဝန်ထမ်းများစုဖွဲ့၍သော်လည်းကောင်း ပြည်တွင်းရော၊ ပြည်ပကိုပါ ခရီးသွားလာကြသည်ကို မင်္ဂလာဒုံလေဆိပ်၌ ယခုလို ပွင့်လင်းရာသီတွင် ပိုမိုတွေ့မြင်ရပေသည်။
10-Nov-2019
နိုင်ငံတော်အတိုင်ပင်ခံပုဂ္ဂိုလ်နဲ့ အရပ်ဘက်လူ့အဖွဲ့အစည်းတွေအပါအဝင် ပြည်သူတွေ တွေ့ဆုံခွင့်ရခဲ့ကြတဲ့ပွဲတွေ အတော်များများရှိခဲ့ပါတယ်။ အဲဒီလိုတွေ့ဆုံတိုင်း သူမပြောဆိုခဲ့တဲ့အကြောင်းအရာတွေ အမျိုးမျိုးရှိခဲ့တဲ့အထဲမှာ ယနေ့အထိ မှတ်မှတ်ရရဖြစ်နေတာကတော့ အုပ်ချုပ်ရေးယန္တရားကဖြစ်ဖြစ်၊ အာဏာရှိတဲ့ အဖွဲ့အစည်းကပဲဖြစ်ဖြစ် ပြည်သူတွေအပေါ် မတရားလုပ်လာတာတွေရှိရင် ငြိမ်ခံမနေဘဲ တိုင်တန်းဖို့တွန်းအားပေးခဲ့တာပါပဲ။
08-Nov-2019
သဘောတရားရေးရာချည်း ကျွမ်းကျင်တဲ့သူက သဘောတရားရေးရာတွေချည်း ဖိဖိပြောနေတတ်ပါတယ်။ လက်တွေ့နယ်ပယ်ကလူတွေကိုလည်း ဘာမှမသိကြောင်း၊ ဘာမှနားမလည်ကြောင်းတွေ ဝေဖန်နေတတ် ပြန်ပါတယ်။ လက်တွေ့သမားက တစ်ခုခုလုပ်လိုက်ပြန်ပြီဟေ့ဆိုရင် သဘောတရားသမားက ဒီဟာက ဘယ်သီအိုရီနဲ့မကိုက်ဘူး၊ ဒီဟာကတော့ ဘယ်အယူအဆအရ လွဲပြန်ပြီဆိုတာမျိုးနဲ့ ကြက်ခြေခတ်ပေးဖို့သာ စိတ်ကစောနေတတ်ပါတယ်။ အများအားဖြင့် သဘောတရားရေးရာချည်း ကျွမ်းကျင်သူတွေဟာ အပြောသန်တဲ့ဘက်ကို ရောက်သွားတတ်ပါတယ်။ “လူပြောမသန်၊ လူသန်မပြော” ဆိုတာလည်း ရှိသေးတယ် မဟုတ်လား။
08-Nov-2019
သူဟာ ပညာကိုလေ့လာပြီး တတ်မြောက်ကျွမ်းကျင်အောင် လုပ်ဆောင်တဲ့နေရာမှာ လူငယ်များစံထားရမယ့် ပုဂ္ဂိုလ်ကြီးပါ။ သုတေသနကို တစိုက်မတ်မတ်နဲ့ ပြည်သူကိုအကျိုးပြုနိုင်တဲ့အဆင့်ထိအောင် ပြုသွားသူပါ။ ဦးထွန်းလွင်ဟာ တကယ်ထူးခြားတဲ့ပုဂ္ဂိုလ်ပါ။ မြန်မာ့သမိုင်းကိုလှန်ကြည့်ရင် သူလိုပုဂ္ဂိုလ်မျိုး မပေါ်ခဲ့ဖူးသေးပါ။ မိုး/ဇလသတင်းကြေညာတဲ့အခါ သူ့ရဲ့အသံက တစ်မူထူးခြားပါတယ်၊ အသံဩဇာနဲ့ပြည့်စုံတယ်။ ယုံကြည်မှုအပြည့်အဝရရှိတဲ့ အသံပိုင်ရှင်ဖြစ်တယ်။ ကိုယ့်ပညာကိုယ် ယုံယုံကြည်ကြည် ကျွမ်းကျင်ပိုင်နိုင်မှုရှိတယ်။ ပြည်သူရဲ့နှလုံးသားထဲမှာ စိမ့်ဝင်တယ်။ ဦးနှောက်ထဲမှာ အသိစွဲစေတယ်။
07-Nov-2019
ကျွန်မတို့နိုင်ငံဟာ သေချာလေ့လာဆန်းစစ်ကြည့်ရင် ကမ္ဘာမှာ ပြည်တွင်းစစ်သက်တမ်းကြာနေတယ်လို့ ပြောလို့ရပါတယ်။ တစ်ဦးဦးရဲ့ မကျေနပ်ချက်ကြောင့် ရန်မီးခဏခဏပွားနေတတ်တာတွေဟာ ရပ်ဆိုင်းသင့်နေပါပြီ။ တကယ်တော့ လူ့ဘဝဆိုတာ လူသားအချင်းချင်းတွန်းထိုး တိုက်ခိုက်ရင်း ယှဉ်ပြိုင်မှုမှာ အောင်မြင်တာထက် ချစ်ခြင်းတရားမှာ အောင်မြင်တာက ပိုပြီးတန်ဖိုးရှိပါတယ်။ ချစ်ခြင်းမေတ္တာကြောင့်ပြုံးတဲ့ အပြုံးဟာ ယှဉ်ပြိုင်မှုမှာအောင်မြင်လို့ ပြုံးတဲ့အပြုံးထက် ပိုပြီးလှပပါတယ်။