News

POST TYPE

OPINION

ပုဂ္ဂိုလ်ရေးနှင့် နိုင်ငံ့အရေး (Daily, Vol-5/No-32)
19-May-2017 tagged as

မြန်မာ့နိုင်ငံရေးသမိုင်းကို ပြန်ပြောင်းကြည့်ပါက လူပုဂ္ဂိုလ်ကို ဦးတည်သော နိုင်ငံရေးက များနေသောကြောင့် နိုင်ငံလုံးနှင့်ချီသော အရေးကိစ္စများတွင် မူကိစ္စထက် လူကိစ္စကိုသာ အာရုံစိုက်လွန်းကာ အပြန်အလှန် ရန်ဖြစ်ပြီး လိုရင်း မရောက်ခဲ့သည့် သာဓကများစွာ ရှိခဲ့သည်။

အနီးဆုံး ကုန်သွားခဲ့သည့် ငါးနှစ်တာ ကာလကိုပြန်ကြည့်လျှင်ပင် အာဏာ သုံးရပ်အကြား၊ နိုင်ငံရေးပါတီများအကြား၊ တပ်မတော်နှင့် အခြား အင်အားစုများအကြား မဆိုထားနှင့် စတုတ္ထ မဏ္ဍိုင်တွင် ရပ်တည်ကြောင်း ကြွေးကြော်နေသူများ အကြားတွင်ပင် လူနှင့် မူမကွဲသော ပြဿနာများနှင့် နပန်းလုံးနေခဲ့သည်။

ထို့ကြောင့် လူပုဂ္ဂိုလ်ကို ဦးတည်သော ပြောဆို၊ ဆွေးနွေး၊ ငြင်းခုံ၊ ကန့်ကွက်၊ ထောက်ခံ၊ မြှောက်ပင့်၊ အပုပ်ချ၊ တိုက်ခိုက်၊ ခြေထိုး၊ လုပ်ကြံမှုများနှင့်ပင် အချိန်ကုန်သွားကာ နိုင်ငံတော်နှင့် နိုင်ငံသားများအရေး ဆောင်ရွက်ချိန် နည်းခဲ့သည်ဟု ဆိုနိုင်သည်။

ဆိုလိုသည်မှာ လူပုဂ္ဂိုလ်တစ်ဦး ယင်းလူပုဂ္ဂိုလ် ဦးဆောင်သော အဖွဲ့အစည်းကို ဆန့်ကျင်၊ ထောက်ခံသည့်အပေါ် မူတည်ကာ ထောက်ခံသူနှင့် ဆန့်ကျင်သူများ အချင်းချင်း သို့မဟုတ် တစ်ဖက်နှင့်တစ်ဖက်အကြား ကျီး ဘုတ်မြှောက်၊ ဘုတ် ကျီးမြှောက်သကဲ့သို့ အပြန်အလှန် ချီးပ၊ မြှောက်ပင့်၊ အမွှမ်းတင်၊ ဂုဏ်ဖော်ခြင်း၊ ငြိုးသူရန်ဘက်များပမာ အပြစ်တင်၊ အဆိုးပြော၊ ဆန့်ကျင်၊ ရှုတ်ချ၊ တိုက်ခိုက်ခြင်းဖြင့်သာ တန်ဖိုးရှိသော အချိန်များကို ဖြုန်းတီးပစ်နေကြခြင်းကို ဆိုလိုသည်။

အကျိုးဆက်မှာ တစ်နိုင်ငံတည်းတွင် နေထိုင်သူ နိုင်ငံသား အချင်းချင်းအကြား အကောင်းမြင်စိတ်၊ အသိအမှတ်ပြုမှုနှင့် ပူးပေါင်း ဆောင်ရွက်မှု အားနည်းသွားပြီး အရေး မကြီးသော သို့မဟုတ် သာမည ကိစ္စများကို အရေးကြီး ကိစ္စသဖွယ်၊ အဓိက ပြဿနာသဖွယ် ယူဆကာ ယင်းတို့နှင့်ပင် အချိန် ကုန်သွားတော့သည်။

ထို့အပြင် ပြဿနာတိုင်း၊ အရေးကိစ္စတိုင်းကို ကျယ်ပြန့်သော အမြင်ဖြင့်ကြည့်ကာ မူဖြင့် စဉ်းစား ဆုံးဖြတ်ခြင်းထက် ကျဉ်းမြောင်းသောအမြင်ဖြင့် လူကိုသာကြည့်ပြီး အဖြေထုတ်နေခြင်းကြောင့် “လူခင်လျှင် မူပြင်”ဆိုသော ဆိုရိုးစကားကဲ့သို့ အတွေ့ရများလာခြင်းမှာ ကောင်းသည့် လက္ခဏာ မဟုတ်ပေ။

အထူးသဖြင့် ယနေ့ မြန်မာ့နိုင်ငံရေး လောကတွင် လူပြော များနေသော ပြဿနာများကို ကြည့်လျှင် နိုင်ငံတော်နှင့် နိုင်ငံသားများ၏ မျက်နှာ တစ်နည်းအားဖြင့် နှစ်ပေါင်းများစွာ အာဏာရှင်တို့ လိမ်သမျှ၊ ဖိနှိပ်၊ ကန့်သတ်၊ ချုပ်ချယ်သမျှ ခါးစည်းခံလာခဲ့ကြရသော မဲဆန္ဒရှင်များ၏ မျက်နှာ(ဝါ) နိုင်ငံတော်၏ ဂုဏ်သိက္ခာနှင့် လူတစ်ဦး၊ ပါတီတစ်ရပ်၊ အစိုးရတစ်ဖွဲ့ သက်သက်၏ မျက်နှာ (ဝါ) ဂုဏ်သိက္ခာ မည်သည့်အရာကို ရွေးချယ်မည်နည်း ဆိုသော မေးခွန်းကို အဓိက တာဝန်ရှိသက်ဆိုင်သူများ ဖြေကြည့်ရန် လိုပေသည်။
 
ထိုမေးခွန်းကို ဖြေရာတွင် လူပုဂ္ဂိုလ်၊ ပါတီ၊ အဖွဲ့အစည်း တစ်ရပ်ရပ်အပေါ် ချစ်ခြင်း၊ မုန်းခြင်းကဲ့သို့ နှလုံးသား ခံစားချက်နှစ်ခုမှ တတ်နိုင်သမျှ ဖယ်ခွာကာ နိုင်ငံ့အရေး သို့မဟုတ် နိုင်ငံတော်နှင့် နိုင်ငံသားများအတွက် နိုင်ငံတကာ မျက်နှာစာတွင် ထင်ဟပ်စေမည့် ဂုဏ်သိက္ခာ အဆင့်အတန်းတို့ကို ဦးတည်သော စဉ်းစားဆင်ခြင်ဉာဏ်ဖြင့် ဖြေကြားကြစေလိုကြောင်း တိုက်တွန်း အကြံပြု အပ်ပေသည်။

အယ်ဒီတာ (၁၈-၅-၂၀၁၇)

(လက်ရှိဖြစ်ပေါ်နေသော အခြေအနေနှင့် ကိုက်ညီနေသောကြောင့် ၂၄-၃-၂၀၁၆ နေ့ထုတ် The Voice Daily သတင်းစာတွင် ဖော်ပြခဲ့ပြီးသော အယ်ဒီတာ့ အာဘော်ကို ပြန်လည် ဖော်ပြခြင်း ဖြစ်ပါသည်။)

  • TAGS