News

POST TYPE

OPINION

ကျော် အောင် ညာသော ပုဂ္ဂလိကကျောင်းများနှင့် နိုင်ငံပိုင်သတင်းစာ (Daily, Vol-4/No-70)
01-Jul-2016

နိုင်ငံတကာအဆင့်မီ ပညာရေးဖြင့် နှစ်ပေါင်းများစွာ အဆက်ပြတ်ခဲ့သော မြန်မာနိုင်ငံတွင် နိုင်ငံတကာအဆင့်မီ ပညာရေး ခေါင်းစဉ်ဖြင့် ဖွင့်လှစ်ထားသော ပုဂ္ဂလိကကျောင်းများအနက် ယုံကြည်စိတ်ချရသည့် ကျောင်းအနည်းငယ်သာရှိပြီး ကျောင်းအချို့မှာ ဟုတ်ယောင်ယောင် စကားလုံးများဖြင့် မဖြစ်နိုင်သော အလွန်အကျွံ ကြော်ငြာစာသားများဖြင့် ဆွဲဆောင်နေသည်ကို တွေ့ရသည်။

အထူးသဖြင့် နိုင်ငံပိုင်ဘဏ္ဍာငွေ တစ်နည်းအားဖြင့် ပြည်သူ့ဘဏ္ဍာငွေဖြင့် ထုတ်ဝေနေသော အစိုးရအာဘော် သတင်းစာတစ်စောင်တွင် ပုဂ္ဂလိကကျောင်း တစ်ကျောင်းက တက္ကသိုလ်ဝင်တန်း မအောင်မြင်သူများ နိုင်ငံတကာ ပညာရေးကို တက်လှမ်းနိုင်သည့် သဘောမျိုး သက်ရောက်သည့် ကြော်ငြာထည့် ထားသည်ကို တွေ့မြင်ရခြင်းမှာ ကောင်းသည့်လက္ခဏာ မဟုတ်ပေ။

မြန်မာနိုင်ငံတွင် ပညာရေး ဝန်ကြီးဌာနက တရားဝင် အသိအမှတ် ပြုထားသည့် တက္ကသိုလ်ဝင်တန်း စာမေးပွဲ ကျရှုံးပါကလည်း စိတ်ဓာတ်ကျစရာ မလိုကြောင်း၊ ယင်းကျောင်းက ဖွင့်လှစ်ထားသည့် တက္ကသိုလ်ဝင် သင်တန်းတွင် တက်ရောက်ပြီးသည်နှင့် ၎င်းတို့ကျောင်းတွင် သာမက နိုင်ငံတကာ တက္ကသိုလ်များတွင်ပါ ပညာဆက်လက် ဆည်းပူးနိုင်ကြောင်း ယင်းကြော်ငြာတွင် လွန်လွန်ကဲကဲ ရေးသားထားသည်။

စာမေးပွဲ ကျရှုံးသော ကျောင်းသားများနှင့် ကျောင်းသားမိဘများကို ဦးတည်ပစ်မှတ်ထားကာ မည်သို့မျှ လက်ခံနိုင်ဖွယ် မရှိသော မက်လုံးမျိုးပေး၍ ဆွဲဆောင်ကြော်ငြာခြင်းကို နိုင်ငံတော်ပိုင် အစိုးရအာဘော် သတင်းစာမျိုးတွင် လက်ခံဖော်ပြပေးခြင်းမှာ အလိမ်အညာ ကျောင်းများကို အစိုးရက သွယ်ဝိုက်၍ အသိအမှတ်ပြုပေးသည့် သဘော သက်ရောက်သွားနိုင်ပေသည်။

ထိုကဲ့သို့ ကြော်ငြာမျိုးမှာ ကင်ဆာရောဂါ၊ ခုခံအားကျဆင်းမှု ကူးစက်ရောဂါ အပါအဝင် ၉၆ ပါး ရောဂါများ ပျောက်ကင်းနိုင်ကြောင်း လွန်ကဲစွာ ညွှန်းဆိုရောင်းချသည့် ဆေးဝါးကြော်ငြာများနည်းတူ ရောဂါရှင်များထံမှ ငွေကြေးလိမ်ညာယူသကဲ့သို့ စာမေးပွဲ ကျရှုံးသူများထံမှ ငွေလိမ်သည့် သဘောမျိုး သက်ရောက်နေပေသည်။

မြန်မာနိုင်ငံတွင် ပညာရေး ဝန်ကြီးဌာန၏ သင်ရိုးညွှန်းတမ်းများအတိုင်း မဟုတ်ဘဲ နိုင်ငံတကာ သင်ရိုးညွှန်းတမ်းများဟု အမည်ပေးထားသည့် သင်ရိုးညွှန်းတမ်းများဖြင့် သင်ကြားပေးသည့် ပုဂ္ဂလိကကျောင်းများနှင့် ပတ်သက်၍ တိကျသည့် မူဝါဒ၊ စည်းမျဉ်း၊ စည်းကမ်း၊ ဥပဒေများ မရှိသေးသဖြင့် ထိုကဲ့သို့ အငြင်းပွားဖွယ်ရာ၊ မယုံကြည်ထိုက်သော ပုဂ္ဂလိကကျောင်း ကြော်ငြာများက ကျောင်းသားမိဘများ၏ အိတ်ကပ်အတွင်းမှ ငွေကြေးများစွာကို နှိုက်ယူနေပေသည်။

ထို့အပြင် စာမေးပွဲ ကျရှုံးသူ ကျောင်းသား၊ ကျောင်းသူများနှင့် သား သမီးကို အဆင့်မြင့်မြင့် ပညာတတ်စေလိုခြင်းကိုသာ သိပြီး ဗဟုသုတ နည်းပါးသည့် ကျောင်းသားမိဘများသည်လည်း တက္ကသိုလ်ပေါင်းကူး သင်တန်း Bridge Course လောက်မျှကို နိုင်ငံတကာအဆင့်မီ ပညာရေး၊ နိုင်ငံတကာ တက္ကသိုလ်များ ဟူသော စကားလုံးများဖြင့် ထိုသို့ ချဲ့ကားဆွဲဆောင်နေခြင်းကို နားယောင်သွားပါက အချိန်နှင့် ငွေကြေးများ နစ်နာဆုံးရှုံးနိုင်ပေသည်။

ယင်းကျောင်းသည် ရန်ကုန်မြို့တော်တွင် သာမက မန္တလေးမြို့တော်တွင်ပါ ကျောင်းခွဲနှင့် ကျောင်းသားလက်ခံရာ ဌာနများ ဖွင့်လှစ်ထားရာ မြန်မာကျောင်းသားများ၊ ကျောင်းသားမိဘများကို မည်သည့်နိုင်ငံတွင်မှ မရှိသည့် ကျောင်းမျိုး၊ ကြော်ငြာမျိုး၊ သင်ကြားမှုမျိုးဖြင့် လှည့်စားနေသည့် သဘော သက်ရောက်နေခြင်းကို နိုင်ငံပိုင် သတင်းစာများက အားပေးအားမြှောက် မဖြစ်သင့်ကြောင်း သိစေအပ်ပေသည်။

အယ်ဒီတာ (၃၀-၆-၂၀၁၆)