News

POST TYPE

OPINION

စီမံကိန်း အမှားများ မဖြစ်စေလို(Daily, Vol-4/No-237)
11-Jan-2017 tagged as

ဇန်နဝါရီလ ၉ ရက်နေ့က နေပြည်တော်တွင် ကျင်းပခဲ့သည့် အမျိုးသား စီမံကိန်း ကော်မရှင် အစည်းအဝေး ကျင်းပခဲ့ရာတွင် ယခင်အစိုးရ လက်ထက်က စတင်ခဲ့သော စီမံကိန်းများနှင့် ပတ်သက်၍ နိုင်ငံတော်သမ္မတ ဦးထင်ကျော်၏ ပြောကြားချက်အရ အကောင်အထည် ဖော်ရန် ပြင်ဆင်နေသော အငြင်းပွားဖွယ် စီမံကိန်းအချို့ကို ဆန်းစစ် သုံးသပ်ရန် တွန်းအားတစ်ရပ် ဖြစ်စေခဲ့သည်။

မြန်မာနိုင်ငံ၏ စီးပွားရေး အချက်အချာ အကျဆုံးနှင့် နိုင်ငံတော်၏ စီးပွားရေး မြှင့်တင်မှုတွင် အရေးပါ အရာရောက်ဆုံး ဗဟိုချက်ဖြစ်သည့် ရန်ကုန်မြို့တော် ဖွံ့ဖြိုးရေး စီမံကိန်းသည် ယခင်အစိုးရ လက်ထက်က စတင်ခဲ့သည်ဟု ဆိုသော်လည်း လက်ရှိ အစိုးရလက်ထက်မှသာ ယခင်ထက်ပို၍ ပွင့်လင်းမြင်သာမှု ရှိလာခြင်းဖြစ်သည်။

မဟာရန်ကုန်မြို့ပြ ချဲ့ထွင်မှုတွင် အရေးပါသော မြို့သစ်စီမံကိန်း အချို့မှာလည်း မြန်မာ့စီးပွားရေး လောကတွင် လက်ဝါးကြီးအုပ်ခွင့် ရထားသော အုပ်စု နှစ်စုအကြား ဈေးကွက်လုပွဲအသွင် ဆောင်သွားခဲ့သော သတင်းများ ထွက်ပေါ်ခဲ့ခြင်းကြောင့် လက်ရှိ အစိုးရလက်ထက်တွင် မြို့သစ်စီမံကိန်း အသစ်များ ပေါ်ပေါက်လာခဲ့ခြင်းဖြစ်သည်။

မြို့သစ်စီမံကိန်း အပါအ၀င် မြန်မာနိုင်ငံ တစ်ဝန်းရှိ အခြားသော စီမံကိန်း အများစုမှာလည်း အစိုးရ သို့မဟုတ် တပ်မတော်နှင့် အလွန်းသင့် နီးစပ်သူ၊ ခရိုနီလုပ်ငန်းရှင် တစ်စုနှင့် တရုတ်နိုင်ငံမှ ကုမ္ပဏီများ သို့မဟုတ် မြန်မာတရုတ်ကုမ္ပဏီများ ချိတ်ဆက်ထားသည်က များနေသောကြောင့် မြန်မာနိုင်ငံ၏ အဓိက ၀င်ပေါက် ထွက်ပေါက် လေဆိပ်နှင့် ပင်လယ်ဆိပ်ကမ်း အများစုမှာ တရုတ်နိုင်ငံနှင့် မကင်းရာ မကင်းကြောင်း ရှိသူများ လက်ဝယ်သို့ လုပ်ပိုင်ခွင့် ပေးအပ်ထားရသည့်သဘော သက်ရောက်နေပေသည်။

ယခင်အစိုးရလက်ထက်က အပေးအယူ သဘောဖြင့် သဘောတူညီထားသည်ဟု ဝေဖန်မှုများ ရှိနေသည့် ဟံသာဝတီ အပြည်ပြည်ဆိုင်ရာ လေဆိပ် စီမံကိန်းမှာလည်း ရန်ကုန်မြို့တော်မှ မိုင် ၅၀ ကျော် အကွာအဝေးတွင် တည်ရှိနေသောကြောင့် အပိုကုန်ကျစရိတ်များ၊ ထပ်တိုး စီမံကိန်းများကြောင့် စီးပွားရေးအရ တွက်ခြေ မကိုက်နိုင်သော်ငြား ယနေ့အချိန်အထိ ရှေ့ဆက်တိုးမည့် အရိပ်အယောင်ပြနေဆဲ ဖြစ်သည်။

ဒေသတွင်းရှိ တောင်ကုန်းတောင်စွယ် များပြားကာ ပြန့်ပြူးသော လွင်ပြင်ကျယ် နည်းပါးသည့် ဂျပန်နှင့် တောင်ကိုရီးယားနိုင်ငံ အပါအ၀င် နိုင်ငံ အများစုရှိ လေဆိပ် အများစုမှာ မြို့တော်နှင့် ကီလိုမီတာ ၅၀ (မိုင် ၃၀ ခန့်) အတွင်းသာ တည်ရှိကြသော်လည်း ရန်ကုန်မြစ် တစ်ဖက်ကမ်း ကျယ်ပြော ပြန့်ပြူးလှသော မြေဧကပေါင်း များစွာ ပင်လယ်ကို မျက်နှာမူလျက် ရှိနေသည့်ကြားက မိုင် ၅၀ ကျော်(ကီလိုမီတာ ၈၀ ကျော်) ဝေးသည့် ပဲခူးမြို့အနီးတွင် လေဆိပ်သစ် တည်ဆောက်ရန် စီမံကိန်း ရေးဆွဲခြင်းမှာ နားလည်ရ ခက်စရာ ဖြစ်နေပေသည်။

ကမ္ဘာပေါ်တွင် မြို့တော်နှင့် အဝေးဆုံး နေရာတွင် ရှိနေသော လေဆိပ် ဆယ်ခုစာရင်းတွင် ပါဝင်သော မလေးရှား၊ ကွာလာလမ်ပူ လေဆိပ်သည်ပင်လျှင် ၄၂ မိုင် (၆၈ ကီလိုခန့်)သာ ကွာဝေးပေရာ ရန်ကုန်မြို့တော်နှင့် အနီးဆုံး ပင်လယ်ပြင်ကို မျက်နှာမူနေသော ဧရာမ လွင်ပြင်ကျယ်ကြီးများ ရှိနေသည့် မြန်မာနိုင်ငံတွင် မြို့တော်နှင့် မိုင် ၅၀ ဝေးသော နေရာတွင် လေဆိပ်အသစ် တည်ဆောက်ရန် စဉ်းစားခြင်းမှာ ဖြစ်သင့်၊ မဖြစ်သင့် ချင့်ချိန်သင့်လှသည်။

လေဆိပ်ဆိုသည်မှာ အဓိကအားဖြင့် ပြည်တွင်းပြည်ပမှ ခရီးသည်နှင့် ကုန်စည်များကို ၀င်ထွက်သွားလာရာ ဆုံရပ်ဖြစ်သည့်အတွက် အပိုကုန်ကျစရိတ် နည်းနိုင်သမျှ နည်းစေရန်၊ ခရီးသည်နှင့် ကုန်စည်များ လေဆိပ်နှင့် မြို့တော်အကြား အချိန်တိုအတွင်း လိုရာခရီး ရောက်ရှိစေရန်၊ အကွာအဝေးကြောင့် ထပ်မံ တည်ဆောက်ရမည့် အမြန်လမ်း၊ မိုးပျံ သို့မဟုတ် မြေအောက် ရထားလမ်း၊ အဝေးပြေး ကားလမ်း စီမံကိန်းများ ကုန်ကျစရိတ် တတ်နိုင်သမျှ လျှော့ချနိုင်စေရန် အခြေခံအားဖြင့် စဉ်းစားကြရသည်။

အမျိုးသား စီမံကိန်း ကော်မရှင် အစည်းအဝေးတွင် ပြောကြားခဲ့သော နိုင်ငံတော် သမ္မတ၏ မိန့်ခွန်းပါ အကြောင်းအရာများကို ထောက်ရှုခြင်းအားဖြင့် အကွာအဝေးကြောင့် အချိန်ကြာမြင့်မှုနှင့် စီမံကိန်း အပိုကုန်ကျစရိတ် ကြီးစွာ မြင့်တက်သွားနိုင်သည့် ဟံသာဝတီ အပြည်ပြည်ဆိုင်ရာ လေဆိပ် စီမံကိန်း နေရာထက်စာလျှင် ရန်ကုန်မြစ် တစ်ဖက်ကမ်း ကွမ်းခြံကုန်းမြို့နယ် အတွင်းရှိ ပင်လယ်ပြင်ဘက်သို့ ပျံတက်သွားနိုင်သည့် ကျယ်ပြောပြန့်ပြူးလှသော မြေနေရာများက ပို၍သင့်တော်ကြောင်း အကြံပြု ထောက်ပြလိုရင်း ဖြစ်သည်။

အယ်ဒီတာ (၁၁-၁-၂၀၁၇)

  • TAGS