News

POST TYPE

OPINION

ပေးထားချက် စုံအောင် ကြည့်ရမည့် စီးပွားရေးပုစ္ဆာ(Daily, Vol-4/No-235)
09-Jan-2017 tagged as

မြန်မာ့စီးပွားရေးနှင့် ပတ်သက်၍ ကျွမ်းကျင်သူများက အမျိုးမျိုး သုံးသပ်ကြရာတွင် ပညာရှင်အမြင်ဖြင့် သုံးသပ်ကြသည်များ ရှိသလို စီးပွားရေး သဘောကို သာမန် နားလည်မှုမျိုးဖြင့် သုံးသပ်ကြသည်များလည်း ရှိသည်။

ကျွမ်းကျင်သူတို့ကမူ ထုံးစံအတိုင်း စီးပွားရေး မူဝါဒကို အခြေခံ၍ ဘဏ်လုပ်ငန်း အပါအဝင် အစိုးရ၏ ဘဏ္ဍာရေးနှင့် ငွေကြေးပေါ်လစီများ၊ ဗဟိုဘဏ်၏ အခန်းကဏ္ဍ၊ အခြေခံ အဆောက်အဦများ၊ စီးပွားရေး နယ်ပယ်နှင့် ဆက်စပ်နေသော ရင်းနှီးမြှုပ်နှံမှုဆိုင်ရာ ဥပဒေများ၊ အခွန်ဥပဒေများ စသည့် အချက်အလက်များ၊ ကိန်းဂဏန်းများကို အခြေခံ၍ သုံးသပ် အဖြေရှာပေးတတ်ကြသည်။

သာမန် အမြင်ရှိသူများကမူ ပြည်တွင်းရှိ မြင့်မားနေသော ဒေါ်လာဈေးနှင့် ချိတ်ဆက်နေသည်ဟုဆိုကာ ဒေါ်လာဈေး ငွေလဲနှုန်း၊ ဆန် အပါအဝင် ကုန်ဈေးနှုန်းများ လျှော့ချပေးရေးကို အဓိက ဇောင်းပေး ပြောဆိုကြသည်။

အထက်ဆိုခဲ့ပါ အမြင် သုံးသပ်ချက် နှစ်ခုစလုံးမှာ သီအိုရီအရရော လက်တွေ့ ဈေးကွက် အခြေအနေအရပါ မှန်ကန်သော်ငြား မြန်မာ့စီးပွားရေး ဦးမော့လာစေရေးမှာ ထိုနှစ်ချက်ဖြင့် မလုံလောက်ပေ။

ဈေးကွက်အတွင်း နိုင်ငံသားတို့၏ ပကတိ အခြေအနေနှင့် များစွာ ခြားနားကွဲပြားစွာ ဖြစ်ပေါ်နေသည့် ပုံမှန် မဟုတ်သော အခြေအနေ၊ ပြဿနာရပ်များကိုလည်း ထည့်သွင်း စဉ်းစားကြည့်မှသာ နည်းလမ်းမှန်သော သို့မဟုတ် အနီးစပ်ဆုံး ဖြေရှင်းနည်း တစ်ရပ် ထွက်ပေါ်လာနိုင်သည်။

မြန်မာနိုင်ငံ၏ အခြေခံ အဆောက်အဦ ကဏ္ဍတွင် ပါဝင်သော အိမ်၊ ခြံ၊ မြေ အများစုမှာ နိုင်ငံတော် အဆင့်မှ မြို့နယ်၊ ကျေးလက်အဆင့်အထိ ခရိုနီခေါ် ယခင် အာဏာရှင် အစိုးရနှင့် အလွန်းသင့်ခဲ့သော လုပ်ငန်းရှင် အကြီး၊ အလတ်၊ အသေးများထံတွင် စုပြုံ ရောက်ရှိနေခြင်းမှာ ကိုင်တွယ်ရ ခက်သည့် ပြဿနာ တစ်ရပ်ဖြစ်သည်။

ရန်ကုန်မြို့တော်တွင် ခေတ်အဆက်ဆက်က ငွေကြေး အချမ်းသာဆုံး လူများသာ နေထိုင်သည့် ရပ်ကွက် တစ်ခုတည်းတွင်ပင် တန်ဖိုးကြီး ဇိမ်ခံအိမ်ပေါင်း နှစ်ဆယ်ခန့်ကို တစ်ဦးတည်း အမည်ပေါက်ဖြင့် မကြာသေးခင် နှစ်အပိုင်းအခြားကမှ အလုံးအရင်းဖြင့် ၀ယ်ယူထားသည်ဆိုသော သတင်းမျိုး ထွက်ပေါ်လာခြင်းမှာ ကောင်းသည့်လက္ခဏာ မဟုတ်ပေ။

ထို့အတူ ရန်ကုန်မြို့တော် အပါအ၀င် မြန်မာနိုင်ငံ တစ်နံတစ်လျားရှိ မြို့ကြီး၊ မြို့ငယ်၊ အားလုံး၏ အထင်ကရ မြေနေရာများ၊ မြေလွတ် မြေရိုင်းများ၊ သဘာဝ သစ်တောများပါမချန် ဒေသပေါက်ဈေး သို့မဟုတ် ပေါက်ဈေးထက် အဆ များစွာ ပိုပေးကာ မြေပုံပေါ် လက်ထောက်ဝယ်ယူထားသည့် နာမည်ကျော် လုပ်ငန်းကြီးအချို့ ရှိနေခြင်းမှာလည်း ဆက်စပ် ပြဿနာ တစ်ရပ်ဖြစ်သည်။

ကုန်ခဲ့သည့် အနှစ် ၂၀ ကျော်အတွင်း နိုင်ငံ၏ ဂျီဒီပီခေါ် ပြည်တွင်း အသားတင် ထုတ်လုပ်မှု တန်ဖိုးတွင် ထည့်သွင်း တွက်ချက်၍ မရသော နိုင်ငံတော် ၀င်ငွေများစွာ စာရင်းမရှိ အင်းမရှိ၊ အစစ်အဆေး၊ အမေးအမြန်း မရှိ မည်သည့် နေရာတွင် ရောက်ရှိသွားသနည်း၊ မည်သူ့တွင် တာဝန်ရှိသနည်း ဆိုခြင်းတို့မှာလည်း မေးရမည့် မေးခွန်းများ ဖြစ်သည်။ 

ဆိုလိုသည်မှာ မြန်မာနိုင်ငံ၏ စီးပွားရေးပုစ္ဆာမှာ သမားရိုးကျ သီအိုရီစံနှုန်းများ၊ သာမန် ကုန်ဈေးနှုန်း ကျဆင်းရေး၊ သွင်းကုန် အစားထိုးရေး ပေါ်လစီများ၊ ယေဘုယျဆန်လွန်း၊ ဆောင်ပုဒ်ဆန်လွန်းသော မူဝါဒများ စသည့် မြင်လွယ်သော ပေးထားချက်များဖြင့် တွက်ချက်၍ မရဘဲ ဖုံးကွယ်ထားသော ပေးထားချက်များကိုသာ ရှာဖွေ ထည့်သွင်း တွက်ချက်နိုင်မှသာ အဖြေမှန် သို့မဟုတ် စီးပွားရေး ပြန်လည် ဦးမော့လာမည့် နည်းလမ်းကောင်းများ ရှာတွေ့နိုင်မည်ဖြစ်ကြောင်း သိစေလိုရင်း ဖြစ်သည်။

အယ်ဒီတာ (၉-၁-၂၀၁၇)

  • TAGS