News

POST TYPE

OPINION

အကြိမ်ကြိမ် ထိုးနေသော သတိပေးခေါင်းလောင်းသံများနှင့် တာဝန်သိ၊ တာဝန်ယူ၊ တာဝန်ခံမှု (Daily, Vol-6/No-122)
30-Aug-2018

ဆွာချောင်းတမံ ရေပိုလွှဲမြောင်းတမံ ပြိုကျမှုကြောင့် ရန်ကုန်၊ နေပြည်တော်၊ မန္တလေး အမြန်လမ်း၊ လမ်းဟောင်းနှင့် ရထားလမ်းများပေါ်သို့ ရေကျော်သွားခဲ့သည့်အပြင် တမံအနီးဝန်းကျင်ရှိ ကျေးရွာ ၂၃ ရွာမှ လူပေါင်း ငါးသောင်း လေးထောင်ကျော် အရေးပေါ် ပြောင်းရွှေ့ခဲ့ရပြီး လူသုံးဦး ပျောက်ဆုံးသွားသည့် အခြေအနေမှာ ဆည်မြောင်း၊ တမံများနှင့်ပတ်သက်၍ ထပ်မံသတိပေးခေါင်းလောင်း ထိုးလိုက်ခြင်းဖြစ်သည်။

ထို့အပြင် ဘေးအန္တရာယ်ဖြစ်ပေါ်မည့်အခြေအနေကို ကြိုတင်သတိပေးမှု၊ ဒေသခံပြည်သူများ၏ အသက်၊ အိုးအိမ်၊ စည်းစိမ် ကာကွယ်စောင့်ရှောက်နိုင်မှု တို့နှင့်ပတ်သက်၍လည်း သက်ဆိုင်ရာ တာဝန်ရှိသူများ၏ တာဝန်သိမှု၊ တာဝန် ယူမှု၊ တာဝန်ခံမှုကိုလည်း ကြီးစွာမေးခွန်းထုတ်စရာ ဖြစ်သွားခဲ့သည်။

ယင်းရေပိုလွှဲရေမြောင်းတမံ ပြိုမကျမီ တစ်ရက်အလိုက ပြန်ကြားရေး ဝန်ကြီးဌာနက တာဝန်ယူထုတ်ဝေနေသော အစိုးရအာဘော် နိုင်ငံပိုင်သတင်းစာ မြန်မာ့အလင်းသတင်းစာတွင် ဆွာချောင်းတမံမှ ရေများစတင်ကျော်ကျနေပြီး တမံကြံ့ခိုင်မှုကောင်းမွန်၍ စိုးရိမ်ဖွယ်ရာမရှိ ဟူသောခေါင်းစဉ်ဖြင့် သတင်းဖော်ပြ ခဲ့ခြင်းမှာ များစွာအံ့အားသင့်စရာ ကောင်းလှသည်။

တမံရေပိုလွှဲမြောင်း ပြိုကျပြီး ၆ နာရီခန့်အကြာမှသာ ဒေသခံများကို အသိပေးနိုင်ခဲ့ခြင်းကြောင့် မလိုလားအပ်သော ဆုံးရှုံးမှုများ ကြုံတွေ့ခဲ့ရခြင်းမှာလည်း ဆည်မြောင်း၊ တာတမံဆိုင်ရာ တာဝန်ရှိသူများ၏ ကြိုတင်သတိပေးမှု နောက်ကျမှု၊ ယင်းတမံရေပိုလွှဲမြောင်း တည်ဆောက်စဉ်၊ တည်ဆောက်ပြီး ကာလနှင့် ပြိုမကျမီ ရက်ပိုင်းအလို စစ်ဆေး၊ အတည်ပြု၊ ထုတ်ပြန်မှုတို့တွင် အကြီးအကျယ် အားနည်းလစ်ဟာမှုများ ရှိနေခြင်းကြောင့်ဖြစ်သည်။

စင်စစ်အားဖြင့် နိုင်ငံများစွာတို့တွင် ယခုကဲ့သို့ ပြဿနာမျိုး ပေါ်ပေါက်ပါက သက်ဆိုင်ရာ တာဝန်ရှိသူတစ်ဦးဦးက ဆုံးရှုံးနစ်နာမှုများအတွက် မိမိတွင် အပြည့်အဝ တာဝန်ရှိကြောင်း လူသိရှင်ကြား ထုတ်ဖော်ဝန်ခံကာ အလုပ်မှနုတ်ထွက်၍ တာဝန်သိ၊ တာဝန်ခံကြောင်း ပြသလေ့ရှိသည်။ မြန်မာနိုင်ငံတွင်မူ ယခင်ခေတ်အဆက်ဆက်ကပင် ဤသို့ တာဝန်သိ၊ တာဝန်ယူ၊ တာဝန်ခံတတ်သူများ မရှိခဲ့သောကြောင့် ယနေ့အချိန်အထိ မည်သူကမျှ တာဝန်ရှိကြောင်း ထုတ်ဖော်ဝန်ခံခြင်း၊ အရေးယူခံရခြင်း၊ အလုပ်မှ နုတ်ထွက်ခြင်းမျိုး မရှိသေးပေ။

အစိုးရအဖွဲ့မှ တာဝန်ရှိသူများ ကိုယ်တိုင် တာဝန်သိ၊ တာဝန်ယူ၊ တာဝန်ခံမှုကို လက်တွေ့ပြသနိုင်ခြင်းမရှိပါက နိုင်ငံသားများကို တာဝန်သိ၊ တာဝန်ခံ၊ တာဝန်ယူကြရန် တိုက်တွန်းရန် မဖြစ်နိုင်ပေ။ အစိုးရအဖွဲ့ သို့မဟုတ် သက်ဆိုင်ရာဌာနများရှိ တိုက်ရိုက် တာဝန်ရှိသူများ၏ ပေါ့လျော့မှု၊ အလေး မထားမှုတို့ကြောင့် လက်တွေ့ပျက်စီး၊ ဆုံးရှုံး၊ နစ်နာရသည်မှာ သက်ဆိုင်ရာ ဒေသခံပြည်သူများနှင့် နိုင်ငံတော်၏ အခြေခံ အဆောက်အဦများဖြစ်သည်။

ရှေ့တွင်လည်း အလားတူ ပြဿနာများ အကြိမ်ကြိမ် ဖြစ်ပေါ်ကာ အစိုးရတာဝန်ရှိသူများကို သတိပေးနေလင့်ကစား ယနေ့အချိန်အထိ ပေါ့လျော့မြဲ၊ လျစ်လျူရှုမြဲ၊ အလေးမထားမြဲ၊ အရေးကြီးကိစ္စဟု မရှုမြင်ဆဲ ဖြစ်နေခြင်းမှာ နှစ်ပေါင်းများစွာ အမေ့လျော့ခံ မြန်မာနိုင်ငံသားများအတွက် များစွာ ဝမ်းနည်း ဖွယ်ကောင်းလှသည်။

အထူးသဖြင့် ၁၉၈၈ ခုနှစ်နောက်ပိုင်း နိုင်ငံတော်၏ အခွန်ဘဏ္ဍာငွေများ အလုံးအရင်းသုံးကာ နိုင်ငံ့အနှံ့ သဲအိမ်ဆောက်တမ်းကစားသကဲ့သို့ တည်ဆောက်ထားခဲ့သည့် ဆည်၊ မြောင်း၊ တာ၊ တမံ၊ လမ်း၊ တံတား အပါအဝင် အခြေခံအဆောက်အဦ အများစုသည် စနစ်ဆိုးနှင့် တွဲဖက်ပါလာခဲ့သော အကျင့်ပျက်ခြစားမှုများကြောင့် အရည်အသွေး များစွာ နိမ့်ကျခြင်း၊ ရာသီဥတု ပို၍ ဆိုးရွားဖောက်ပြန်လာခြင်းတို့ ဒဏ်ကို သတ်မှတ်သက်တမ်းမလွန်မီ ယိုယွင်း၊ ပျက်စီး၊ ပြိုကျခြင်းများ ဆက်တိုက် ဖြစ်ပေါ်လာဦးမည်ဖြစ်သည်။

ထိုအခြေအနေကို ဆောက်လုပ်ရေး၊ ဆည်မြောင်း၊ ရေအားလျှပ်စစ်၊ စွမ်းအင်စသည့် အစိုးရဌာနဆိုင်ရာများ၏ အမှီအခိုနှင့် လွတ်ကင်းသည့် လွတ်လပ်သောပညာရှင်များဖြင့် ဖွဲ့စည်းထားသည့် အရည်အသွေး တိုင်းတာစစ်ဆေးရေးအဖွဲ့က အာဆီယံ သို့မဟုတ် မြန်မာနိုင်ငံ စံချိန်စံညွှန်းများနှင့်အညီ စနစ်တကျ ပြန်လည် စစ်ဆေး၊ ထိန်းသိမ်း၊ ပြုပြင်ခြင်း၊ တပ်မတော် အပါအဝင် ဌာနစုံပါဝင်သော အရေးပေါ် ကူညီကယ်ဆယ်ရေး အထူးအဖွဲ့တစ်ရပ် ဖွဲ့စည်းကာ ဘေးအန္တရာယ် မကျရောက်မီ လုံလောက်သော အချိန်ကာလအတွင်း ဒေသခံ ပြည်သူများကို ကြိုတင်သတိပေး၊ ဘေးလွတ်ရာ ရွှေ့ပြောင်းနေရာချထားခြင်း၊ ဘေးအန္တရာယ် ကျရောက်ချိန်တွင် ကယ်ဆယ်ကူညီခြင်းများကို စနစ်တကျ လေ့ကျင့်ပြင်ဆင်ထားရန် အချိန်တန်ပြီဖြစ်ကြောင်း ဆော်ဩတိုက်တွန်းအပ်ပေသည်။

အယ်ဒီတာ (၃၀-၈-၂၀၁၈)