News

POST TYPE

OPINION

မြန်မာနိုင်ငံအား ယူကေက မိတ်ဆွေရင်းအဖြစ် ဆက်လက်ကူညီသွားလို
27-Aug-2018

လွန်ခဲ့သောသုံးလက ဗြိတိသျှသံအမတ်ကြီးအဖြစ် ရောက်ရှိလာခဲ့ချိန်မှစတင်ပြီး ကျွန်တော်သည် ရန်ကုန်မှ မန္တလေး၊ မကွေးမှ မော်လမြိုင်၊ ဘားအံမှ ပြင်ဦးလွင် စသည့်ဒေသ များသို့ သွားရောက်ဖြစ်ခဲ့ပါသည်။ ဤနှယ် လှပသောနိုင်ငံအကြောင်းကို လေ့လာမှတ်သားရသည်မှာ ကျွန်တော့်အတွက် အခွင့်ထူးပင် ဖြစ်လေသည်။ အထူးတလည် နွေးထွေးသောကြိုဆိုမှုကို ခံယူရသည့်အတွက်လည်းကောင်း၊ လူအများအပြားက ဗြိတိန်နိုင်ငံအပေါ်ထားသည့် ချစ်ခင်မှုအတွက်လည်းကောင်း ကျေးဇူးတင်ရှိရပါသည်။ သို့ရာတွင် တချို့သူများမှာ မြန်မာနိုင်ငံနှင့်စပ်လျဉ်းသည့် ဗြိတိန်နိုင်ငံ၏ မူဝါဒများကို ဝေခွဲမရဖြစ်နေကြောင်း ကျွန်တော်သတိထားမိခဲ့ပါသည်။ ဗြိတိသျှကောင်စီ၏ ထူးကဲသောဆောင်ရွက်ချက်ကို သူတို့ သိရှိနေကြသလို မြန်မာနိုင်ငံအတွက် ဗြိတိန်နိုင်ငံက ဖွံ့ဖြိုးတိုးတက်မှု ငွေကြေးပေးအပ်လျက်ရှိသည်ကိုလည်း ရေးရေးမျှ သတိထားမိကြပါသည်။ သို့ရာတွင် ဗြိတိန်နိုင်ငံမှ ထွက်ပေါ်လာသောအသံများကိုလည်း သူတို့ ကြားထားကြရပြီး ကျွန်တော်တို့သည် ဝေဖန်ခြင်း၊ မကျေမနပ်ပြောဆိုခြင်းဖြင့် အချိန်ကုန်လျက်ရှိကြသည်ဟု ယူဆနေကြပါသည်။ သို့ဖြစ်ရာ ကျွန်တော်တို့၏ အနေအထားကို ရှင်းပြလျှင် အထောက်အကူဖြစ်မည်ဟု မျှော်လင့်မိပါသည်။

ဗြိတိန်နိုင်ငံသည် မြန်မာလူထု၏ မိတ်ဆွေအဖြစ် ခံယူထားပါသည်။ ယမန်နှစ်က ဤနိုင်ငံမှ လူသားချင်းစာနာထောက်ထားမှု၊ ဖွံ့ဖြိုးတိုးတက်မှုအထောက်အပံ့တွင် ဗြိတိန်အခွန်ထမ်းများ၏ငွေထဲမှ အမေရိကန်ဒေါ်လာ သန်းနှစ်ရာကို ကျွန်ုပ်တို့ အသုံးပြုခဲ့ကြပါသည်။ ဂျပန်နိုင်ငံပြီးလျှင် ကျွန်တော်တို့သည် မြန်မာနိုင်ငံ၏ အကြီးဆုံးအလှူရှင် ဖြစ်ပါသည်။ ကျန်းမာရေးစောင့်ရှောက်မှု၊ ပညာရေး၊ စီးပွားရေးတို့ တိုးတက်ကေင်းမွန်လာစေရန် ပံ့ပိုးလျက်ရှိကာ အရပ်သားအစိုးရနှင့် ရင်းနှီးစွာ ပူးပေါင်းဆောင်ရွက်လျက်ရှိသော LIFT နှင့် 3MDG အစီအစဉ်များကို လှူဒါန်းရာတွင်လည်း ကျွန်တော်တို့သည် အကြီးဆုံးအလှူရှင် ဖြစ်ပြန်ပါသည်။ သောင်းနှင့်ချီသော ကလေးသူငယ်များ သင့်တင့်လျောက်ပတ်သောပညာရေး ရရှိစေရေး၊ သိန်းနှင့်ချီသောလူထုအတွက် သန့်ရှင်းသောရေ၊ မိလ္လာရေဆိုးနုတ်စနစ် ရရှိလာရေး၊ လူပေါင်းတစ်သန်းကျော်အတွက် ပိုမိုတိုးတက်ကောင်းမွန်သော အစားအသောက် လုံခြုံမှုရရှိရေးတို့အတွက် ကျွန်တော်တို့ ပံ့ပိုးပေးခဲ့ပါသည်။ ကျွန်တော်တို့၏ ကူညီထောက်ပံ့မှုမှာ အဝေးလံအသီခေါင်ဆုံး ရပ်ရွာအသိုင်း အဝိုင်းများထဲအထိ နိုင်ငံတစ်လွှားကို ရောက်ရှိနေပါသည်။ ဇာတိမျိုးနွယ်မရွေး၊ ကိုးကွယ်ရာဘာသာမရွေး၊ တည်နေရာမရွေးတွင် ရှိနေသော လူ့ ဘောင်အတွင်းမှ ဘေးအန္တရာယ်ကျရောက်လွယ်ဆုံး လူထုကို ကျွန်တော်တို့ ကူညီပံ့ပိုးပေးလိုပါသည်။ ပိုမိုငြိမ်းချမ်း၊ ပိုမိုဝပြောပြီး ပိုမိုဒီမိုကရေစီ နည်းကျသည့် မြန်မာနိုင်ငံကို တည်ဆောက်ရန် အားထုတ်ရာတွင် မြန်မာလူထုကို ကျွန်တော်တို့က အောင်မြင်စေချင်ပါသည်။ 

ကျွန်တော်တို့ ဒါကို ဘာ့ကြောင့်လုပ်နေကြပါသနည်း။ ဗြိတိန်နိုင်ငံ၌ ခြိုးခြံနေရချိန်တွင် ဗြိတိန်နိုင်ငံမှ ကျောင်းများ၊ ဆေးရုံများ၊ ကလေးငယ်များအတွက် သုံးနိုင်သည့်ငွေကို မြန်မာနိုင်ငံမှ ကျောင်းများ၊ ဆေးရုံများ၊ ကလေးငယ်များအတွက် အဘယ့်ကြောင့် ကျွန်ုပ်တို့ တစ်နှစ်လျှင် အမေရိကန်ဒေါ်လာ သန်း ၂၀၀ အထိ သုံးစွဲနေကြပါသနည်း။ အကြောင်းမှာ ကမ္ဘာတစ်လွှားမှ အဆင်းရဲဆုံး၊ ဘေးအန္တရာယ်ကျရောက်လွယ်ဆုံးလူများကို ကူညီပံ့ပိုးပေးရန် ဗြိတိန်နိုင်ငံက ထက်သန်စွာ ကတိကဝတ်ပြုထားသောကြောင့်ပင်ဖြစ်ပါသည်။ ထိုမျှမကသေး ပွင့်ပွင့်လင်းလင်းပြောရလျှင် ဗြိတိန်နိုင်ငံအတွက် နိုင်ငံရေးအရရော ကုန်သွယ်ရေးအရပါ အရေးကြီးသော မိတ်ဖက်ဖြစ်နေပေရာ မြန်မာနိုင်ငံက ငြိမ်းချမ်းတည်ငြိမ်ပြီး ဒီမိုကရေစီ နည်းကျသည့် နိုင်ငံတစ်နိုင်ငံအဖြစ်သို့ ရောက်ရှိသွားခြင်းမှာ ဗြိတိန်နိုင်ငံအတွက်လည်း အကျိုးရှိသောကြောင့်လည်းဖြစ်ပါသည်။ ထို့အကြောင်းကြောင့် ဒေါ်အောင်ဆန်းစုကြည်၏ အစိုးရက ကြိုးပမ်းလျက်ရှိသော ပြုပြင်ပြောင်းလဲရေးများ အားလုံးကို ကျွန်ုပ်တို့ ဤမျှအထိ ထောက်ခံပံ့ပိုးပေးနေခြင်းပင် ဖြစ်ပါသည်။ 

အဆိုပါငွေကို သုံးရခြင်းအကြောင်းရင်းမှာ ဘေးအန္တရာယ်ကျရောက် လွယ်သူများအား ကူညီခြင်းသည် သမ္မာကမ္မန္တမှန်ကန်သောလုပ်ရပ်ဟု ကျွန်ုပ်တို့ ယုံကြည်သောကြောင့်သာမဟုတ်ဘဲ မြန်မာနိုင်ငံ ဝပြောသာယာလာခြင်းမှာလည်း ကျွန်ုပ်တို့အတွက် အကျိုးရှိမည်ဖြစ်သောကြောင့်လည်း ဖြစ်ပါသည်။

ထို့ကြောင့်ပင်လျှင် ရခိုင်ပြည်နယ်တွင် ဖြစ်ပွားခဲ့သည်များအတွက် ကျွန်ုပ်တို့ အထူးတလည် ကြောင့်ကြမကင်းဖြစ်နေရခြင်း ဖြစ်ပါသည်။

တုန်လှုပ်ချောက်ချားဖွယ်ရာ အကြမ်းဖက်မှုမှာ ယခင်တစ်ပတ်က နှစ်ပတ်လည်ခဲ့ပါသည်။ အဆိုပါ အကြမ်းဖက်မှုမှာ ARSA (အာရကန် ရိုဟင်ဂျာ ကယ်တင်ရေးတပ်) ၏ တိုက်ခိုက်မှုကြောင့် စတင်ဖြစ်ပွားခဲ့သော်လည်း အဆိုပါအကြမ်းဖက်မှုမှာ ARSA (အာရကန် ရိုဟင်ဂျာ ကယ်တင် ရေးတပ်) ၏ တိုက်ခိုက်မှုကြောင့် စတင်ဖြစ်ပွားခဲ့သော်လည်း လုံခြုံရေးတပ်ဖွဲ့များ၏ အင်အားမညီမျှစွာ တုံ့ပြန်မှု၊ ထိန်းသိမ်းမရသည့် အခြေအနေများကို တားဆီးရန် လိုအပ်ချက်ရှိမှုတို့က နောက်ဆက်တွဲဖြစ်ပါသည်။

ကနဦးတိုက်ခိုက်မှုများကိုရော၊ နောက်ပိုင်းတွင် ဆက်လက်ဆောင်ရွက်သည့်စစ်ဆင်ရေးများကိုပါ ကျွန်တော်တို့ ရှင်းရှင်းလင်းလင်းပင် ကန့်ကွက်ရှုတ်ချခဲ့ပါသည်။ ရခိုင်ပြည်နယ်မှ အရေးကိစ္စများမှာ ကာလတောင်တာ ရှည်ကြာလှပြီဖြစ်သလို နက်ရှိုင်းစွာ အမြစ်တွယ်နေသော အရေးကိစ္စများပင်ဖြစ်ပါသည်။ သို့ရာတွင် အကြမ်းဖက်မှုက အခြေအနေကိုသာ ပိုဆိုးလာစေခဲ့ပါသည်။ မနှစ်က တိုက်ခိုက်မှုများနှင့် အကြမ်းဖက်မှုများကြောင့် ယောကျာ်း၊ မိန်းမ၊ ကလေးငယ်ပေါင်း ၇၀၀,၀၀၀ မှာ ထိတ်လန့်လွန်းသဖြင့် ဘာကိုမှမယူဘဲ အစုအပြုံလိုက် ထွက်ပြေးခဲ့ကြရပါသည်။ ဘင်္ဂလားဒေ့ရှ် နိုင်ငံတွင် ကမ္ဘာကြီးတုန်လှုပ်သွားစေသည့် အတိုင်းအဆအထိ ပြင်းထန်လှသည့် လူသားချင်းစာနာထောက်ထားမှု အရေးအခင်းကို ယင်းက ဖန်တီးခဲ့ပါသည်။ ထွက်ပြေးသွားကြသူများ၏ နိုင်ငံသားဖြစ်မှုအနေအထား၊ ပြည်တွင်းသို့ ရွှေ့ပြောင်းဝင်ရောက်လာမှုအနေအထားနှင့်စပ်လျဉ်းပြီး မည်သို့ပင်ယူဆထားစေကာမူ ထိုသူတိုင်းမှာ လူသားသာလျှင် ဖြစ်နေသည်မှာတော့ ငြင်းမရသောအချက်ပင်ဖြစ်ပါသည်။ ထိုသူတို့၏ လူ့အခွင့်အရေးများကို ကာကွယ်စောင့်ရှောက်ပေးရန် ကျွန်တော်တို့အားလုံး အစုလိုက်အပြုံလိုက် ပျက်ကွက်ခဲ့ကြပါသည်။ 

ဤဖြစ်ရပ်မှာ မြန်မာနိုင်ငံအတွက်လည်း ပြင်းထန်သော သက်ရောက်မှုများ ရှိပါသည်။ နိုင်ငံအတွင်းမှ အဆင်းရဲဆုံးပြည်နယ်တစ်ခုဖြစ်သည့် ရခိုင်ပြည်နယ်တွင် ရပ်ရွာအသိုင်းအဝိုင်းများကို သွေးကွဲသွားစေခဲ့ပြီး လူတိုင်းမှာ ယခင်ကထက်ပင် ပိုမိုဆင်းရဲနွမ်းပါးလာခဲ့ပါသည်။ လယ်ယာမြေများမှာ စိုက်ပျိုးမွေးမြူခြင်း မရှိတော့ဘဲ ယခင်ကထက် အစားအစာ နည်းပါးလာခဲ့ပါသည်။ တစ်နိုင်ငံလုံးအတိုင်းအတာအရဆိုလျှင် ယင်းမှာ လျော့ပါးသက်သာအောင် မလုပ်ရသေးသော ဘေးဒုက္ခပင်ဖြစ်ပါသည်။ အဓိက နိုင်ငံခြားကုမ္ပဏီတစ်ခုက ယင်းတို့၏ စားသောက်ဆိုင်များအား ဤနိုင်ငံတွင် ဖွင့်လှစ်မည့်အစီအစဉ်များကို ရပ်ဆိုင်းထားလိုက်ပြီဖြစ်ကြောင်း၊ အခြားကုမ္ပဏီများမှာလည်း ဝန်ထမ်းများလျှော့ချလျက်ရှိကြောင်း၊ အစိုးရများကလည်း သူတို့၏ သဒ္ဓါတရားထက်သန်သော ကူညီထောက်ပံ့မှုအစီအစဉ်များကို ပြန်လှန်သုံးသပ်လျက်ရှိကြောင်း၊ လေ့ကျင့်သင်ကြားမှု အခွင့်အလမ်းများလည်း လျော့ကျလျက်ရှိကြောင်း၊ နိုင်ငံရပ်ခြား တပ်မတော်အချို့ကလည်း မြန်မာ့တပ်မတော်နှင့် ဆက်ဆံရေးကို ကန့်သတ်လိုက်ကြောင်း ကျွန်တော့်ကို ပြောပြပါသည်။ 

အရပ်သားအစိုးရက သည်တိုင်းရပ်ကြည့်မနေသည်ကတော့ ထင်ရှားပါသည်။ သူတို့သည် ကိုဖီအာနန်၏ ရခိုင်ပြည်နယ် အကြံပေးအဖွဲ့ အကြံပြုချက်များကို စတင်အကောင်အထည်ဖော်လျက် ရှိပါသည်။ ကုလသမဂ္ဂနှင့်လည်း နားလည်မှုစာချွန်လွှာကို သဘောတူ လက်မှတ်ရေးထိုးခဲ့ပါသည်။ စုံစမ်းရေး ကော်မရှင်ကိုလည်း ဖွဲ့စည်းထားပါသည်။ မိမိတို့ စွန့်ခွာထားရစ်ခဲ့ရသော နေအိမ်များတွင်မဟုတ်ဘဲ ထိန်းသိမ်းရေးစခန်းများတွင်သာ နေရမည်ဆိုလျှင် မည်သည့်ဒုက္ခသည်မျှ မိမိသဘောဆန္ဒအလျောက် ပြန်လာလိမ့်မည် မဟုတ်ပါ။ နိုင်ငံတော်အဆင့် မူဝါဒများက ဆက်လက် ခွဲခြားနှိမ့်ချနေဦးမည်ဆိုလျှင် ရပ်ရွာအသိုင်းအဝိုင်းများမှာလည်း ဘေးအန္တရာယ် ကင်းရှင်းလုံခြုံသည်ဟု ခံစားကြရမည် မဟုတ်ပါ။ မိမိတို့၏ အသက်မွေးမှုများ တည်မှီရာ လယ်ယာမြေများ၊ ငါးဖမ်းလှေများ၊ ဈေးများအား လူတိုင်းမရောက်နိုင်၊ အသုံးမပြုနိုင်ပါက စီးပွားရေးမှာလည်း တိုးတက်ကောင်းမွန်လာမည် မဟုတ်ပါ။

သေချာသည့်အချက်မှာ ဤအတိုင်းအဆရှိသည့် အရေးအခင်းမျိုးကို မည်သည့်နိုင်ငံကမျှ မိမိဘာသာ ကိုင်တွယ်ဖြေရှင်းနိုင်စွမ်းမရှိခြင်းပင် ဖြစ်ပါသည်။ မြန်မာနိုင်ငံကလည်း ယင်းသို့ဖြေရှင်းလိမ့်မည်ဟု မည်သူကမျှ မမျှော်လင့်ပါ။ ဗြိတိန်နိုင်ငံအပါအဝင် နိုင်ငံအများအပြားမှာ ရခိုင်ပြည်နယ်သို့ ပေးအပ်နိုင်သည့် ငွေကြေးနှင့် ကျွမ်းကျင်မှုများ အသင့်ရှိနေကြပါသည်။ ကုလသမဂ္ဂမှာလည်း ဒုက္ခသည်များအား ကိုင်တွယ်ဖြေရှင်းသည့် အတွေ့အကြုံရင့်ကျက်သလို ကူညီလိုလျက်လည်း ရှိပါသည်။ ကမ္ဘာတစ်လွှားတွင် လူအများက မြန်မာနိုင်ငံကို အောင်မြင်အောင် တိုက်တွန်းလျက်ရှိပါသည်။ သို့ရာတွင် ကျွန်တော်တို့ ပံ့ပိုးကူညီရန် စီမံချက်တစ်ရပ်တော့ ရှိဖို့လိုပါသည်။ အကောင်းဆုံး မည်သို့ကူညီနိုင်မည်ကို တွက်ဆနိုင်ရန် ကုလသမဂ္ဂမှာလည်း ရခိုင်ပြည်နယ်တစ်လွှားသို့ ထိထိရောက်ရောက်သွားရောက်နိုင်ဖို့ လိုပါသည်။ 

လာမည့် ရက်သတ္တပတ်များ၌ မြန်မာနိုင်ငံသည် မိမိတို့ ရရှိခဲ့သော တိုးတက်မှု၊ ကျန်ရှိနေသေးသော စိန်ခေါ်မှုများ၊ ကုလသမဂ္ဂလုပ်ငန်းအစည်းအဝေးများတွင် လိုအပ်သော ပံ့ပိုးမှုများနှင့် စပ်လျဉ်းပြီး နယူးယောက်မြို့၊ ဂျနီဗာမြို့တို့တွင် ချပြနိုင်မည့်အခွင့်အရေးကို ရပါလိမ့်မည်။ ဒေါ်အောင်ဆန်းစုကြည်၏ အစိုးရအားအောင်မြင်မှုရရှိစေရန် ကမ္ဘာကြီးက လွန်စွာထက်သန်လျက်ရှိသလို ကူလည်း ကူညီပေးချင်ကြပါသည်။ သို့ရာတွင် အခွင့်အရေးပေးရန်တော့ လိုပါသည်။ ဗြိတိန်နှင့်တကွ နိုင်ငံတကာ အသိုင်းအဝိုင်းသည် မြန်မာနိုင်ငံ၏ ရန်သူမဟုတ်ကြပါ။ ကျွန်တော်တို့သည် မြန်မာနိုင်ငံ၏ မိတ်ဆွေများသာဖြစ်ပါသတည်း။

ဗြိတိသျှသံအမတ်ကြီး ဒန်ချက်

ဒန်ချက်သည် ဗြိတိန်နိုင်ငံဆိုင်ရာ မြန်မာသံအမတ်ကြီးအဖြစ် ယခုနှစ်ဇွန်လဆန်းက စတင်တာဝန်ထမ်းဆောင်လျက်ရှိပြီး မြန်မာနိုင်ငံ၏ အိမ်နီးချင်းနိုင်ငံများဖြစ်သည့် အိန္ဒိယနှင့် တရုတ်နိုင်ငံတို့တွင်လည်း တာဝန်ထမ်းဆောင်ခဲ့ပါသည်။