News

POST TYPE

OPINION

ကမ္ဘာ့အကျိုးဆောင် ပုဂ္ဂိုလ်ဟူသည် (Daily, Vol-6/No-113)
20-Aug-2018

ကုလသမဂ္ဂအထွေထွေအတွင်းရေးမှူးချုပ်ဟောင်း ဒေါက်တာကိုဖီအာနန် (အသက် ၈၀) ကွယ်လွန်သွားပြီးနောက် နိုင်ငံတကာ အသိုင်းအဝိုင်းမှ လူသားချင်း စာနာထောက်ထားမှုဆိုင်ရာ အဖွဲ့အစည်းများသာမက ကမ္ဘာ့ခေါင်းဆောင်များနှင့် အစိုးရများကပါ အစားထိုးမရနိုင်သည့် ဆုံးရှုံးမှုအဖြစ် ထုတ်ဖော်ခဲ့ကြပေသည်။ ဘင်္ဂါလီနှင့် ရခိုင်ပြည်နယ် အရေးကိစ္စကြောင့် နိုင်ငံတကာ အသိုင်းအဝိုင်း၏ ဖိအားပေးမှုမျိုးစုံနှင့် ရင်ဆိုင်နေရသော မြန်မာအတွက်မူ ကိုဖီအာနန် ကွယ်လွန်အနိစ္စရောက်သွားခြင်းသည် ကြီးမားသည့် ဆုံးရှုံးမှုဟုပင်ဆိုရတော့မည်။

ဒေါက်တာကိုဖီအာနန်ဦးဆောင်သည့် ရခိုင်ပြည်နယ်ရေးရာကော်မရှင်၏ ရခိုင်ပြည်နယ်အတွက် အကြံပြုချက်များကို အကောင်အထည်ဖော်နိုင်ရန် မြန်မာနိုင်ငံအစိုးရက ကြိုးပမ်းနေချိန်တွင် ၎င်းကိုလက်လွတ်ဆုံးရှုံးလိုက်ရခြင်းလည်းဖြစ်သည်။ ရခိုင်ပြဿနာကြောင့် ကမ္ဘာ့အလယ်တွင် အများနှင့် တစ်ယောက် အနေအထားမျိုးရောက်ခဲ့သည့် အခြေအနေတွင် ရခိုင်ပြည်နယ်ဆိုင်ရာ အကြံပေးကော်မရှင်ကိုဦးဆောင်ခဲ့ရာ ကိုဖီအာနန်သည် မြန်မာပြည်တွင်း သာမက နိုင်ငံတကာမှ လော်ဘီအုပ်စုများ၊ အစွန်းရောက် အမျိုးသားရေးအမြင် ရှိသူများ၏ ထိုးနှက်တိုက်ခိုက်ခြင်းကို ခံခဲ့ရပေသည်။ နိုင်ငံတကာမှ လော်ဘီ အုပ်စုများက ကိုဖီအာနန်ကို “အပုပ်နံ့ဖျောက် နံ့သာဆီ”အဖြစ် အသုံးချခံနေရသူဟု ဝေဖန်ခဲ့ကြသလို ပြည်တွင်းမှ အစွန်းရောက် အမျိုးသားရေး အင်အားစုများကမူ ဘင်္ဂါလီဘက်တော်သားအဖြစ် သမုတ်ခဲ့ကြပေသည်။

အခြားပြည်နယ်များနှင့် နှိုင်းယှဉ်မည်ဆိုပါက ဖွံ့ဖြိုးမှုလွန်စွာနိမ့်ကျသည့် ရခိုင်ပြည်နယ်တွင်ဖြစ်ပွားခဲ့သော ပဋိပက္ခများကြောင့် မတူကွဲပြားသူများ ငြိမ်းချမ်းစွာ ယှဉ်တွဲနေထိုင်ရေးဟူသည်မှာ လတ်တလော မလွယ်ကူသေးသည့်အချက်ကို ကောင်းစွာ နားလည်သဘောပေါက်သည့် ကိုဖီအာနန်၏ ကြိုးပမ်းချက်များနှင့် အကြံပြုချက်များက မြန်မာနိုင်ငံအနေနှင့် ကမ္ဘာ့အလယ်တွင်ဆိုးရွားသည့် ဖိအားများကို ရှောင်ရှားနိုင်ခဲ့ခြင်းဖြစ်ပေသည်။ ရခိုင်ပြည်နယ်နှင့်ပတ်သက်သော ကော်မရှင်အစီရင်ခံစာတွင် “အတိတ်ကို ဘေးဖယ်ကာ အမြင်သစ်များ ပေါ်ထွက်လာအောင် လုပ်ဆောင်ပါမှ ထူးခြားလှပသည့် အနာဂတ်ကို ဖန်တီးနိုင်မည်ဖြစ်သည်”ဟု ဒေါက်တာကိုဖီအာနန်က ၎င်း၏ယုံကြည်ချက်ကို ဖော်ပြခဲ့သည်။

ရခိုင်ပြည်နယ်ရေးရာ အကြံပေးကော်မရှင်တွင် ပါဝင်သူများကမူ ကိုဖီအာနန်သည် မြန်မာနိုင်ငံအပေါ် ကိုယ်ချင်းစာနာစိတ် အပြည့်အဝရှိသလို ရခိုင်ပြဿနာကိုလည်း ပြေလည်အောင် ဖြေရှင်းပေးလိုစိတ်ရှိသည့် လူတော်လူကောင်းတစ်ဦးဖြစ်ရာ ၎င်းကွယ်လွန်သွားခြင်းသည် ကြီးမားသည့် ဆုံးရှုံးမှုအဖြစ် ရှုမြင်ကြပါသည်။ အမြင်ချင်း၊ အယူဝါဒချင်း မတူညီကြသည့် ကမ္ဘာ့ခေါင်းဆောင်ကြီးများ၊ နိုင်ငံရေးပြိုင်ဘက်များသည်ပင် ကိုဖီအာနန်သည် ကမ္ဘာကြီးကောင်းစားရေးအတွက် အမှန်တကယ် အလုပ်လုပ်ခဲ့သူ၊ တစ်နည်းအားဖြင့် ကမ္ဘာ့အကျိုးပြုပုဂ္ဂိုလ်အဖြစ် တူညီစွာ ချီးမွမ်းပြောဆိုကြသည်ကို သတိပြုမိပါသည်။

လူသားတို့သည် မိမိ၏မိသားစု၊ လူမှုပတ်ဝန်းကျင်၊ လူမျိုးနှင့် နိုင်ငံကို ချစ်ရမည်၊ စောင့်ရှောက်ရမည်၊ တိုင်းပြုပြည်ပြုပုဂ္ဂိုလ်ဖြစ်အောင်လုပ်ရမည်ဟု ငယ်စဉ်အခါ ပညာစတင်သင်ယူသည့်အချိန်ကတည်းက ဆုံးမသွန်သင်ခြင်း ခံခဲ့ကြရသည်။ နိုင်ငံနှင့် လူမျိုးကောင်းစားရေးအတွက် ကောင်းမွန်သည့် အဆုံးအမများပင်ဖြစ်သည်ဟု ဆိုရပေမည်။ သို့သော် တစ်နိုင်ငံနှင့် တစ်နိုင်ငံ မပတ်သက်ဘဲ တံခါးပိတ်နေထိုင်၍ မည်သို့မျှမဖြစ်နိုင်တော့သည့် ခေတ်ကာလထဲတွင် နိုင်ငံပြု ပုဂ္ဂိုလ်ချည်းသက်သက်ဖြင့်သော်လည်းကောင်း၊ မိမိနိုင်ငံနှင့်လူမျိုးအကျိုးကို ကွက်၍ကြည့်သော အမြင်တစ်ခုတည်းဖြင့်သော်လည်းကောင်း နိုင်ငံတကာ အသိုင်းအဝိုင်းတွင် ရပ်တည်၍မရနိုင်သည်ကိုလည်း တစ်ဖက်တွင် သတိပြုသင့်သည်ဟု ထင်ပါသည်။ ဆိုလိုသည်မှာ အမျိုးသားရေးစိတ်(မျိုးချစ်စိတ်)တို့ဟူသည် မရှိမဖြစ်ကျန်ရစ်ရမည့် အခြေခံလိုအပ်ချက်ဖြစ်သည်မှာ မှန်သော်လည်း မိမိနိုင်ငံနှင့် နိုင်ငံသားများကို နိုင်ငံတကာအသိုင်းအဝိုင်းတွင် အောက်တန်းမကျစေရန် ဆောင်ကြဉ်းပေးလိုသည်ဆိုပါက လူမျိုးစုတစ်စုတည်း၏ အကျိုး သာမက လူသားအားလုံး၏အကျိုးကိုလည်း စစ်မှန်သည့် မေတ္တာဖြင့်ရှေးရှုတတ်ရမည်ဖြစ်ကြောင်း ဖော်ပြလိုရင်းဖြစ်ပေသည်။

အယ်ဒီတာ (၂၀-၈-၂၀၁၈)