News

POST TYPE

OPINION

မဲဆန္ဒရှင်များ၏ မျက်နှာကို အိုးမဲမသုတ်စေလို (Daily, Vol-6/No-110)
16-Aug-2018

နိုင်ငံတော်အတိုင်ပင်ခံ၊ ပြည်ထောင်စုအစိုးရအဖွဲ့၊ တိုင်းအစိုးရအဖွဲ့တို့ကို အကြည်ညိုပျက်စေရန် ရေးသားသူများအား တရားစွဲဆိုရန် မကွေးတိုင်း အမျိုးသားဒီမိုကရေစီအဖွဲ့ချုပ် အလုပ်အမှုဆောင်အဖွဲ့က ၎င်း၏ ခရိုင်၊ မြို့နယ်အဆင့် အလုပ်အမှုဆောင်အဖွဲ့များထံ ညွှန်ကြားချက်ထုတ်ပြန်ခြင်းသည် ရည်ရွယ်သည်ဖြစ်စေ၊ မရည်ရွယ်သည်ဖြစ်စေ နိုင်ငံသားတို့၏ အခြေခံအခွင့်အရေးကို ခြိမ်းခြောက်သည့်သဘော သက်ရောက်သွားခဲ့သည်။

အွန်လိုင်းလူမှုကွန်ရက်ပေါ်မှတစ်ဆင့် ပြည်သူလူထုအကြား ပျံ့နှံ့သွားသော အဆိုပါညွှန်ကြားချက်သည် မကွေးတိုင်း NLD ပါတီ အလုပ်အမှုဆောင်အဖွဲ့၏ သီးခြားဆုံးဖြတ်ချက်လော၊ NLD ဌာနချုပ်၏ လမ်းညွှန်ချက်အရ ဆောင်ရွက်ခြင်းလော သေချာစွာ မသိရှိရသေးသော်ငြား ပါတီဂုဏ်သိက္ခာ ထိခိုက်သွားရန်မှာမူ သေချာသလောက် ရှိနေပြီဖြစ်သည်။

ပြည်သူအများစုက မယုံကြည်ကြသောကြောင့် ထောက်ခံမဲ မရသလောက် ဖြစ်ခဲ့သည့် ကြံ့ခိုင်ရေးပါတီသည်ပင်လျှင် ဒီမိုကရေစီနည်းကျ ထူထောင်ထားခြင်းမဟုတ်သည့် ၎င်းတို့ပါတီတွင်း၌ပင် ဤကဲ့သို့ ဒီမိုကရေစီနှင့် ဆန့်ကျင်နေသော ညွှန်ကြားချက်မျိုး ထုတ်ပြန်ခဲ့ကြောင်း အထောက်အထား မရှိခဲ့ပေ။

ကျောင်းသားများ ဦးဆောင်ခဲ့သော ၈၈ လူထုအုံကြွမှုကြီး ပေါ်ပေါက်လာပြီးနောက် ဒီမိုကရေစီတိုက်ပွဲတွင် ရှေ့တန်းက ဦးဆောင်ခဲ့သည့်အပြင် စစ်အာဏာရှင်များ၏ နည်းမျိုးစုံ ဖိနှိပ်၊ ကန့်သတ်၊ ဖမ်းဆီး၊ ထောင်ချ၊ နှိပ်စက်မှုများ ခါးစည်းခံလာခဲ့ရသူများ ဦးဆောင်ထူထောင်ထားသည့် ဒီမိုကရေစီရှေးရှုပါတီက ယခုကဲ့သို့ ညွှန်ကြားချက်မျိုး ထွက်ပေါ်လာခြင်းမှာ များစွာ ဝမ်းနည်းဖွယ်ကောင်းလှသည်။

အာဏာဖြင့် ဖိနှိပ်အုပ်ချုပ်သောစနစ်ကို တော်လှန်ခဲ့သူများ ဦးဆောင်နေသော ယနေ့ကာလမျိုးတွင် ယခင် တစ်ပါတီအာဏာရှင်စနစ်နှင့် အလားသဏ္ဌာန်တူသော လုပ်နည်းလုပ်ဟန်များ တစ်နေ့တခြား အတွေ့ရများလာပြီး ယခင်အရပ်သားတစ်ပိုင်း၊ စစ်အာဏာရှင်တစ်ပိုင်း အစိုးရလောက်ပင် အစိုးရအပေါ် ဝေဖန်ထောက်ပြမှုများကို သည်းခံနိုင်စွမ်းမရှိပေ။

ထိုအချက်ကို လက်ရှိအစိုးရသက်တမ်းမပြည့်ခင် သတင်းမီဒီယာများနှင့် လူပုဂ္ဂိုလ်များအပေါ် စွဲဆိုထားသော အမှုအခင်းအရေအတွက်နှင့် ယခင်အစိုးရ ငါးနှစ်သက်တမ်းအတွင်း စွဲဆိုခဲ့သော အမှုအခင်းများ ကွာဟချက်ကို နှိုင်းယှဉ်ကြည့်လျှင်ပင် သိသာထင်ရှားနေပေသည်။

ထို့အတူ ယခင် အစိုးရလက်ထက်က ဆက်သွယ်ရေးဥပဒေနှင့် တရားကိုယ်သဘော သို့မဟုတ် မူလရည်ရွယ်ချက်နှင့် ဆီလျော်မှုမရှိဘဲ ပြဋ္ဌာန်းထားခဲ့သော ၆၆ (ဃ) ကဲ့သို့ အငြင်းပွားဖွယ် ပုဒ်မဆိုးကိုပင် ၎င်းတို့ကိုယ်တိုင် အတိုက်အခံဘဝက ယင်းပုဒ်မဖြင့် တရားစွဲဆို အရေးယူခံခဲ့ရသည့်ကြားက ၎င်းတို့ အာဏာရသည့်အခါ ဆက်လက်အသုံးပြုခဲ့ခြင်းမှာလည်း နားလည်ရခက်လှသည်။

မီဒီယာများ၊ အရပ်ဘက် လူ့အဖွဲ့အစည်းများနှင့် ဥပဒေပညာရှင်များက ဝိုင်းဝန်းတောင်းဆို၊ ဆန္ဒပြခြင်း၊ နိုင်ငံတကာ အဖွဲ့အစည်းအချို့က တိုက်တွန်း အကြံပြုခြင်းတို့ကြောင့်သာ မဆိုစလောက် ပြင်ဆင်ပေးခဲ့ပြီး ယင်းပုဒ်မကို ဆက်လက် တည်မြဲနေစေခြင်းသည် အစိုးရအပေါ် တုံ့ပြန်ဝေဖန်သူများအား ခြိမ်းခြောက်၊ နှိပ်ကွပ်ရန် ရည်ရွယ်ချက်ရှိသလောဟု မေးခွန်းထုတ်စရာ ဖြစ်ခဲ့သည်။

စင်စစ်အားဖြင့် ညွှန်ကြားချက်တွင် ဖော်ပြထားသကဲ့သို့ နိုင်ငံတော် အတိုင်ပင်ခံ၊ ပြည်ထောင်စုအစိုးရနှင့် ဒေသအစိုးရများအား တိုက်ခိုက်စွပ်စွဲသူများ ရှိလာပါကလည်း သီးသန့် ညွှန်ကြားချက် ထုတ်နေစရာမလိုလောက်အောင်ပင် မဆိုင်းမတွ စွဲဆိုမှုများက အသားကျနှင့်ပြီးဖြစ်သည့်အတွက် ယခုညွှန်ကြားချက်သည် မိမိပါတီကို မိမိဘာသာ လူသိရှင်ကြား သိက္ခာချသည့် သဘောဆောင်သွားခဲ့သည်။

မည်သို့ပင်ဖြစ်စေ ဒီမိုကရေစီ ခေါင်းစဉ်ကြီးအောက်တွင် ပြည်သူလူထုက အားကိုးယုံကြည်ထိုက်သည့် အာဏာရ နိုင်ငံရေးပါတီကြီး တစ်ခုအနေနှင့် ဒီမိုကရေစီစနစ်၏ အခြေခံသဘောသဘာဝနှင့် များစွာ ဆန့်ကျင်နေသော ကြံစည်၊ ပြောဆို၊ လုပ်ကိုင်မှုများ မထိန်းသိမ်းနိုင်ပါက ဒီမိုကရေစီကို အမှန်တကယ် လိုလားမြတ်နိုး၍ ထောက်ခံမဲပေးခဲ့ကြသော မဲဆန္ဒရှင်ပြည်သူများ၏ မျက်နှာကို အိုးမဲသုတ်လိုက်သကဲ့သို့ ဖြစ်သွားနိုင်ကြောင်း သတိပေးထောက်ပြလိုရင်း ဖြစ်သည်။

အယ်ဒီတာ (၁၆-၈-၂၀၁၈)