News

POST TYPE

OPINION

ဖွဲ့စည်းပုံအခြေခံဥပဒေအရ ဗဟိုချုပ်ကိုင်မှု လျှော့ချရေး(Daily, Vol-6/No-104)
09-Aug-2018

ဒီမိုကရေစီနည်းကျ အုပ်ချုပ်စီမံခန့်ခွဲသော နိုင်ငံများတွင် အစိုးရတို့သည် ကိုယ်တိုင်စီးပွားရေးလုပ်ခြင်းမျိုးထက် နိုင်ငံသားများအားလုံး ကိုယ်စွမ်း၊ ဉာဏ်စွမ်းရှိသရွေ့ ကြီးပွားတိုးတက်နိုင်မည့် အခွင့်အလမ်းနှင့် ရေခံမြေခံများ ဖန်တီးတည်ဆောက်ပေးခြင်းတို့သာ ဆောင်ရွက်သည်။

ဗဟိုချုပ်ကိုင်သောစနစ် သို့မဟုတ် အာဏာရှင်စနစ်ကျင့်သုံးသောနိုင်ငံတို့တွင်မူ အစိုးရက အရာရာ ထိန်းချုပ်ထားပြီး အစိုးရနှင့် အလွန်းသင့်သူများကိုသာ လုပ်ပိုင်ခွင့်ပေးခြင်း၊ နိုင်ငံပိုင်စီးပွားရေးလုပ်ငန်းများ ထူထောင်ကာ အစိုးရကိုယ်တိုင် ပြည်သူ့ဘဏ္ဍာငွေများဖြင့် စီးပွားရေးလုပ်ကိုင်ခြင်းတို့ တွေ့ရသည်။

အထက်ဆိုခဲ့ပါ အခြေအနေနှစ်ရပ်သည် စနစ်နှစ်မျိုးကို စီးပွားရေး ရှုထောင့်မှ ယေဘုယျအားဖြင့် ခွဲခြားပိုင်းဖြတ်ပေးပြီး ထိုအချက်များကိုအခြေခံကာ သက်ဆိုင်ရာနိုင်ငံတစ်ခု၏ လက်ရှိကျင့်သုံးအုပ်ချုပ်နေသောစနစ်ကို ကောက်ချက်ချသုံးသပ်နိုင်သည်။

မြန်မာနိုင်ငံကို အဆိုပါအချက်နှစ်ချက်ဖြင့် တိုင်းတာကြည့်ပါက ဒီမိုကရေစီစနစ်ဖြင့် သွားနေသလော၊ ဗဟိုချုပ်ကိုင်မှုဖြင့် သွားနေသလော တိကျစွာ ပြောဆိုရန် ခက်ခဲလှသည်။ အကြောင်းမှာ ဖွဲ့စည်းပုံအခြေခံဥပဒေအရပင် ပြည်ထောင်စုအစိုးရက တိုက်ရိုက်ချုပ်ကိုင်ထားသော ဗဟိုဦးစီးပုံစံမျိုး တရားဝင် ထည့်သွင်းထားပြီး တစ်ချိန်တည်းမှာပင် လွှတ်တော်ကို ဒီမိုကရေစီနည်းကျ ရွေးကောက်တင်မြှောက်သောစနစ်ကို ကျင့်သုံးနေသောကြောင့်ဖြစ်သည်။

၂၀၁၀ ရွေးကောက်ပွဲအပြီး ရှစ်လေးလုံး အရေးတော်ပုံနောက်ပိုင်း အာဏာသုံးရပ်ကို ခွဲခြားကျင့်သုံးသည့်စနစ်ကို ပထမဦးဆုံးအကြိမ် စတင်ကျင့်သုံးကာ အရပ်သားတစ်ပိုင်း အစိုးရအဖွဲ့ စတင်တာဝန်ယူစဉ်က ဒီမိုကရေစီ အသွင်ကူးပြောင်းစ ကာလဖြစ်သောကြောင့် ဗဟိုချုပ်ကိုင်မှုအရိပ် အုပ်မိုးနေခဲ့ခြင်းကို သဘောမတူလှသော်ငြား နားလည်ပေးနိုင်ခဲ့သည်။

ယနေ့ ဒီမိုကရေစီ အသွင်ကူးပြောင်းမှုသက်တမ်း ခုနစ်နှစ်ကျော် ရှစ်နှစ်ကာလအတွင်း ဝင်ရောက်လာချိန်တွင်မူ အချို့နေရာများ အထူးသဖြင့် ဖွဲ့စည်းပုံအခြေခံဥပဒေက တရားဝင်ခွင့်ပြုထားသော နေရာအချို့တွင်ပင် ဆက်လက်၍ ဗဟိုချုပ်ကိုင်မှု တင်းကျပ်စွာရှိနေသေးခြင်းမှာ နားလည်ရခက်လှသည်။

ဥပမာအားဖြင့် ပြည်နယ်နှင့်တိုင်းဒေသကြီးများရှိ လွှတ်တော်နှင့် အစိုးရအဖွဲ့ကို သီးခြားလုပ်ကိုင်ခွင့်ပြုထားသည့် စည်ပင်သာယာဥပဒေနှင့် စည်ပင်သာယာရေး လုပ်ငန်းများကိုပင် ယနေ့ ဒီမိုကရေစီနည်းကျ ရွေးကောက်တင်မြှောက်ထားသည့် အရပ်သားအများစုပါဝင်သော လွှတ်တော်နှင့် အစိုးရအဖွဲ့များက အကောင်အထည် မဖော်နိုင်သေးခြင်းမှာ အံ့အားသင့်စရာ ကောင်းလှသည်။

ဒီမိုကရေစီအစိုးရတို့၏ အခြေခံကျသော တာဝန်တစ်ရပ်မှာ နိုင်ငံတော် သာယာလှပဖွံ့ဖြိုးတိုးတက်စေရန်အလို့ငှာ လူထုက တိုက်ရိုက် သို့မဟုတ် သွယ်ဝိုက် အုပ်ချုပ် စီမံခန့်ခွဲနိုင်သည့်စနစ် သို့မဟုတ် မူဘောင်၊ စည်းမျဉ်း၊ စည်းကမ်းများ ရေးဆွဲသတ်မှတ်ပေးပြီး ယင်းမူဘောင်ဥပဒေများနှင့်အညီ အစိုးရက စောင့်ကြည့်ထိန်းသိမ်းကြပ်မတ်ရေး၊ လိုအပ်ပါက ဥပဒေနှင့်အညီ သတိပေး၊ အရေးယူဆောင်ရွက်ရေးဖြစ်သည်။

မြို့ပြများ စည်ပင်သာယာလှပရေးကို မြို့လူထုက ရွေးချယ်တာဝန်ပေးသော လူထုကိုယ်စားလှယ်များက တာဝန်ယူစီမံခန့်ခွဲနိုင်သည့် ဥပဒေ၊ မူဘောင်များ ရေးဆွဲသတ်မှတ်ပေးခြင်းနှင့် နိုင်ငံတစ်ဝန်းရှိ အခြေခံအဆောက်အဦများ တည်ဆောက်ရေးကို နိုင်ငံသား ပုဂ္ဂလိကလုပ်ငန်းများကို စည်းမျဉ်းစည်းကမ်းနှင့်အညီ လုပ်ကိုင်ခွင့်ပြုခြင်း၊ တည်ဆောက်ပြီးစီးမှုများကို သတ်မှတ်ထားသော စံချိန်စံညွှန်းများနှင့် ညီ၊ မညီ စစ်ဆေး၊ အတည်ပြု၊ လက်ခံခြင်းတို့ကိုသာ ဆောင်ရွက်ရမည်ဖြစ်သည်။

လက်တွေ့အားဖြင့်မူ မြို့တော်ဝန်နှင့် မြို့တော်စည်ပင်သာယာရေး ကော်မတီဝင်အများစုကို နိုင်ငံတော်သမ္မတရုံးက တိုက်ရိုက်ခန့်ထားနေခြင်း၊ နိုင်ငံအတွင်းရှိ လမ်း၊ တံတား၊ ဆည်မြောင်း၊ တာတမံများကို သက်ဆိုင်ရာဝန်ကြီးဌာနများက စီးပွားရေးဆန်ဆန် ဝင်ရောက်လုပ်ကိုင်နေခြင်းတို့မှာ ယခင် အာဏာရှင်အစိုးရများနှင့် ထူးမခြားနား ဗဟိုချုပ်ကိုင်မှုများပင်ဖြစ်သည်။

အကျိုးဆက်အားဖြင့် အကျင့်ပျက်ခြစားမှုများစွာကြောင့် နိုင်ငံတစ်ဝန်းရှိ မြို့ပြများ စည်းကမ်းမဲ့ ပရမ်းပတာ ကြီးထွားလာခြင်း၊ မလိုအပ်သော စီမံချက်များဖြင့် တိုင်းပြည် အခွန်ဘဏ္ဍာငွေများ ဖြုန်းတီးခြင်း၊ စံချိန်စံညွှန်းမမီသော အခြေခံအဆောက်အဦများ အချိန်မတိုင်မီ ပြိုကျပျက်စီးခြင်းကြောင့် ပြည်သူ့ဘဏ္ဍာငွေ၊ အချိန်၊ လုပ်အားတို့ အချည်းအနှီးဖြစ်သွားခြင်းနှင့် အခန့်မသင့်ပါက တန်ဖိုးရှိလှသော နိုင်ငံသားများ၏ အသက်၊ အိုးအိမ်၊ စည်းစိမ်များ ဆုံးရှုံးခြင်း ကဲ့သို့ ဆိုးကျိုးများ ခံစားကြရသည်။ 

ဖွဲ့စည်းပုံအခြေခံဥပဒေပြင်ဆင်ရေးနှင့် နိုင်ငံတစ်ဝန်း ငြိမ်းချမ်းမှု တည်ဆောက်ရေးကဲ့သို့ ခက်ခဲနက်နဲလှသော လုပ်ငန်းတာဝန်ကြီးများ မဟုတ်ဘဲ လက်ရှိ ဖွဲ့စည်းပုံအခြေခံဥပဒေကပင် တရားဝင်ပေးအပ်ထားသော ဗဟိုချုပ်ကိုင်မှု လျှော့ချနိုင်မည့် လုပ်ငန်းစဉ်များကိုပင် ခွင့်ပြုဆောင်ရွက်ခြင်းမရှိပါက ပြောင်းလဲချိန်တန်ပြီဆိုသော ဆောင်ပုဒ်၊ မဲဆန္ဒရှင် ပြည်သူလူထုနှင့် ဒီမိုကရေစီစနစ်၏ အခြေခံသဘောတရားများကို ပြက်ရယ်ပြုသကဲ့သို့ဖြစ်သွားနိုင်သဖြင့် အချိန်မီ ပြုပြင်နိုင်စေကြောင်း အကြံပြုတိုက်တွန်းလိုရင်းဖြစ်သည်။

အယ်ဒီတာ (၉-၈-၂၀၁၈)