News

POST TYPE

OPINION

ကမ္ဘောဒီးယား ရွေးကောက်ပွဲ
07-Aug-2018

(၁)
ကမ္ဘောဒီးယားနိုင်ငံမှ ခေါင်းဆောင်ကြီး မစ္စတာဟွန်ဆင် (Mr Hun Sen) ကို လူတိုင်းမသိကြပါ။ အနေရိုးသားပြီး ရှေးဆန်ဆန်နေလိုကြသော လူထုအဖို့ နိုင်ငံကို ဘယ်သူအုပ်ချုပ်နေသည်ကို မသိ၍လည်း ဘာမှမဖြစ်ပါ။ တနင်္ဂနွေနေ့က (ဇူလိုင် ၂၉) ရက်နေ့က ပြီးဆုံးသွားသော ရွေးကောက်ပွဲတွင် သူ၏ (Canbodian People’s Party) က အနိုင်ရအောင် ဆောင်ရွက်နိုင်ခဲ့သော အာရှ၏သက်တမ်းအရှည်ကြာဆုံး ခေါင်းဆောင်ကြီးသည် အဘက်ဘက်က သေချာအောင်ပြုလုပ်ခဲ့ခြင်းဖြစ်ပါသည်။

(၂)
နိုဝင်ဘာလက အထက်ကခိုင်းသလိုသာ လုပ်တတ်သော ကမ္ဘောဒီးယားတရားရေးဌာနက အတိုက်အခံပါတီကိုဖျက်သိမ်းကြောင်း ကြေညာသည်။ ထိုပါတီသည် ၂၀၁၃ ရွေးကောက်ပွဲကျင်းပစဉ်က ဟွန်ဆင်ပါတီကို အနိုင်ရလုနီးပါးရှိခဲ့သည်။ 

အတိုက်အခံခေါင်းဆောင် (Kem Sokha) မှာ နိုင်ငံတော်သစ္စာဖောက်မှုပုဒ်မများနှင့် ထောင်ကျနေသည်။ သူသည် အမေရိကန်နိုင်ငံနှင့်ပေါင်း၍ ဟွန်ဆင်အစိုးရကို ပြုတ်ကျအောင် ဖန်တီးသည်ကိုစွပ်စွဲခံရသည်။ ထိုစွပ်စွဲချက်များကို အတိုက်အခံခေါင်းဆောင်က ငြင်းဆိုပါသည်။

လွန်ခဲ့သော တစ်နှစ်ကျော်ကာလအတွင်း အစိုးရအတွင်း ခြစားမှုများ ခရိုနီတို့၏ မိုက်ရူးရဲလုပ်ရက်များကို သတင်းပို့နေခဲ့သော မီဒီယာများမှာလည်း ငြိမ်သက်နေခဲ့သည်။ မစ္စတာဟွန်ဆင်နှင့် ကမ္ဘောဒီးယားပြည်သူ့ပါတီအပေါ် ကောင်းသောအမြင်ဖြင့် ရေးနေခဲ့သော ဝက်ဘ်ဆိုက်မှာလည်း တနင်္ဂနွေနေ့က မဲပေးခါနီးညနေတွင် Block အလုပ်ခံထားရသည်။

အနောက်မှ အစိုးရမဟုတ်သောအဖွဲ့အစည်းများက ကမ္ဘောဒီးယားနိုင်ငံအပေါ် ရာစုနှစ်ပေါင်းများစွာ စိုးမိုးထားခဲ့သော လူသတ်ဝါဒကို အဆုံးသတ်၍ ဒီမိုကရေစီရေးအတွက် ပိုက်ဆံများပုံအောပေးခဲ့ရာမှ ရွေးကောက်ပွဲ ကျင်းပခါနီးတွင် နိုင်ငံတွင်းမှထွက်သွားရန် အမိန့်ပေးခြင်းခံရသည်။ အသက် ၆၅ နှစ်ရှိပြီဖြစ်သော မစ္စတာဟွန်ဆင်က သူတို့ကို အာဏာလက်ကိုင်မရှိအောင် ပြုလုပ်နေသူများကို အားပေးနေသူများဖြစ်သည်ဟု စွပ်စွဲသည်။ တစ်ချိန်တည်းမှာပင် သူ့အပြုအမူများမှာ အာဏာရှင်ဆန်သည်ဟု ဝေဖန်သူများ တိုးပွားလျက်ရှိသည်။

ထည့်လိုက်သော မဲများအပေါ် ဘယ်သို့ပင် ထိန်းချုပ်နိုင်သည်ဆိုစေ၊ ရွေးကောက်ပွဲအဖြေကို သိနေသည်ပဲဖြစ်စေ ဟွန်ဆင်၏ နာမည်တစ်ခုသာ ကမ္ဘောဒီးယားတွင် ရေပန်းစားလျက်ရှိသည်။ ကျောင်းပေါင်းရာပေါင်း များစွာတို့၌ သူ့နာမည်တစ်ခုတည်းသာ ပြောနေကြသည်။ ထို့ကြောင့် ကမ္ဘောဒီးယားလူမျိုးတို့အတွက် မဲပေးခြင်းနှင့် ခပ်ကင်းကင်းနေ၍ဖြစ်စေ သို့မဟုတ် ထည့်သောမဲကို ပယ်မဲဖြစ်အောင်လုပ်၍ဖြစ်စေ ရွေးချယ်စရာ အနည်းငယ်သာရှိတော့သည်။

နိုင်ငံတော်ရွေးကောက်ပွဲကော်မရှင်က မဲလာပေးသူ ၈၂ ဒသမ ၁၇ ရှိပါသည်ဟုဆိုသည်။ တကယ့်လက်တွေ့တွင် ဖနွမ်းပင်မြို့ပေါ်မဲရုံများ၌ မဲလာထည့်သူများ များပြားလှသည်ဟု မဆိုနိုင်ပါ။ ထွက်လာသောလူများကို ကြည့်လိုက်လျှင်လည်း လက်များတွင် မဲထည့်ပေးသည့်လက္ခဏာ မင်ပေမနေပါ။

ယမန်နှစ်ကကျင်းပခဲ့သော Commune Election တွင် အတိုက်ခံတို့က အစိုးရပါတီမှ နေရာပေါင်းများစွာ အနိုင်ရရှိခဲ့ရာ မဲပေးသူဦးရေမှာ ထိုအချိန်က ၉၀ ရာခိုင်နှုန်းရှိသည်။ “မဲပေးရင်လည်း ဘာမှအကျိုးသက် ရောက်မှုမရှိနိုင်ဘူး” ဟူသော အယူအဆသာ လွှမ်းမိုးနေသည်။

သောကြာနေ့က မဲမပေးဘဲနေသည့်သူတွေဟာ ဒီမိုကရေစီရေးကို ဖျက်ဆီးသူတွေပဲဟု မစ္စတာဟွန်ဆင်ကဆိုသည်။ ပြည်သူ့ပါတီနှင့်အတူ စုစုပေါင်း ၁၉ ပါတီမှ ဝင်ရောက်အရွေးခံကြသည်။ ထိုပါတီများမှာ “ပိုးစုန်းကြူး” ကဲ့သို့ မဲပေးသည့် ခဏသာပေါ်လာပြီး မကြာမီပျောက်သွားကြမည့် ပါတီများဖြစ်သည်။ သို့တိုင် တနင်္ဂနွေနေ့ ညနေပိုင်းက ထုတ်ပြန်သော ကြေညာချက်တစ်ခုတွင် အနိုင်ရပါတီက “ကမ္ဘောဒီးယားပြည်သူတွေဟာ စိတ်ဝင်တစားနှင့် မဲပေးမှုကြောင့် ပါတီစုံဒီမိုကရေစီစနစ်ကို တစ်ခဲနက် ကောက်ခံမှုပြု” ကြသည်ဟု ပါဝင်သည်။

ပါတီကမျှော်မှန်းသည်မှာ အမတ်နေရာ ၁၂၅ ရှိသည့်အနက် နေရာ ၁၀၀ ကို ရရှိသည်ဟု ခန့်မှန်းသည်။ ယခင် ရွေးကောက်ပွဲနှင့်စာသော် သိသာသော တိုးတက်မှုပင်ဖြစ်သည်။ တချို့ကလည်း ပြိုင်ဘက်မရှိဘဲ ရရှိတဲ့အောင်မြင်မှုဟာ အနှစ်သာရမရှိဘဲ အခွန်သာသာ အောင်မြင်မှုပါပဲဟု ဆိုကြသည်။

စမ်ရိန်စီ (Sam Rainsy) ပြည်ပရောက် Cambodia National Rescue Party ယခု ဖျက်သိမ်းခြင်းခံရသော အတိုက်အခံပါတီခေါင်းဆောင်က တနင်္ဂနွေနေ့က ကြေညာချက်ထုတ်ပြန်ရာတွင် “အဓိပ္ပာယ်မရှိ သောအောင်မြင်မှုက ကမ္ဘောဒီးယားရဲ့ နိုင်ငံရေးပြဿနာတွေကို ဖြေရှင်းမပေးနိုင်ပါ။ လွန်ခဲ့သော ၁၂ လလုံးလုံး အစိုးရဟာ အာဏာရှင်ဆန်တဲ့ အပြုအမူတွေပဲ လုပ်နေပါတယ်” ဟု ဝေဖန်လိုက်သည်။

စနေနေ့က အယ်စီသာ (El Sitha) ဆိုသူ ပါတီအဖျက်ခံရသော အတိုက်အခံပါတီဝင်တစ်ယောက်က ဖေ့စ်ဘွတ်ခ်တွင် မင်မဆွတ်ထား သောလက်ချောင်းများကို တင်မိရာက သူ့ကိုသက်ဆိုင်ရာ အုပ်ချုပ်သူများက ဆင့်ခေါ်ခြင်းခံရသည်။ လူအများက နိုင်ငံခြားမှဝင်နေသောပိုက်ဆံများနှင့် ကမ္ဘောဒီးယားတွင် ဒီမိုကရေစီနိုင်ငံအဖြစ်ရောက်အောင် ပို့ဆောင်ပေးနိုင်မည်ဟု ယူဆခဲ့ကြသည်။

၁၉၇၀ ခု (Khmer Rouge) တို့ လက်ထက်တွင် ပြည်သူငါးပုံတစ်ပုံကို သေစေခဲ့ပြီး ကမ္ဘောဒီးယားသည် ပထမ ဗီယက်နမ်၊ နောက် တစ်ဖန် ကုလသမဂ္ဂ၏ အုပ်ချုပ်မှုလက်အောက်တွင် ရှိနေခဲ့သည်။

အနောက်နိုင်ငံသားတို့က ပါတီဒီမိုကရေစီစနစ်ကောင်းပုံများကို လက်ချာပေးနေကြချိန်တွင် မစ္စတာဟွန်ဆင်က သူ့ကိုပြိုင်ဘက်ဖြစ်လာမည့်သူများကို ဖယ်ရှားနိုင်ခဲ့သည်။ အမေရိကန်တို့၏လွှမ်းမိုးမှု ဆုတ်ယုတ်သွားချိန်တွင် တရုတ်တို့က အစားဝင်ရောက်လာကြသည်။ ထိုအချိန်တွင် လူ့အခွင့်အရေးဆိုသည်မှာ နောက်တန်းမှာသာရှိနေခဲ့သည်။

ယခုမဲဆွယ်ပွဲများတွင် တရုတ်နိုင်ငံ သံအမတ်ကြီး တက်ရောက်လာခဲ့ပြီး ကမ္ဘောဒီးယားနိုင်ငံအပေါ် ဥရောပကောင်စီ (EU) က အရေးယူရန် ပြင်ဆင်နေခြင်းကို ရယ်စရာတစ်ခုအဖြစ်ပြောခဲ့သည်။ မစ္စတာဟွန်ဆင်ကလည်း တရုတ်တို့ကို “အားကိုးရသောမိတ်ဆွေ” အဖြစ် အမွှမ်းတင်ခဲ့သည်။ အမေရိကန်တို့နှင့် အနောက်နိုင်ငံများကို ကမ္ဘောဒီးယားတွင် တော်လှန်ရေးကြီးတစ်ရပ်ပေါ်ပေါက်ရန် နှိုးဆော်နေသည်ဟု စွပ်စွဲသည်။

ဗုဒ္ဓဟူးနေ့က အမေရိကန်လွှတ်တော်တွင် ကမ္ဘောဒီးယားနိုင်ငံကို အရေးယူရန် ပြင်ဆင်သည့်အနေနှင့် ဥပဒေတစ်ရပ် ပြဋ္ဌာန်းနိုင်ခဲ့သည်။ ဆီးနိတ်က သဘောတူပါလျှင် ကမ္ဘောဒီးယားနိုင်ငံသားပိုင်ငွေများကို Block လုပ်ခြင်း၊ လူကိုနိုင်ငံတွင်းသို့ ဝင်မလာနိုင်အောင် တားဆီးနိုင်သည်။ တနင်္ဂနွေနေ့တွင်မှု ကမ္ဘောဒီးယားအစိုးရကို ရှုတ်ချကြောင်းအဆိုကို သူတို့ ထုတ်ပြန်ခဲ့သည်။ ဇူလိုင်လ ၂၉ ရက်နေ့ကကျင်းပခဲ့သော ကမ္ဘောဒီးယားရွေးကောက်ပွဲကို “ပြည်သူတို့၏အလိုအတိုင်းမဟုတ်” ဟု စွပ်စွဲလိုက်သည်။

ရွေးကောက်ပွဲကို လေ့လာသူအနေနှင့် ကိုယ်စားလှယ်လွှတ်ရန် အမေရိကန်၊ ဥရောပကောင်စီနှင့် ဂျပန်နိုင်ငံတို့က ငြင်းဆိုခဲ့ကြသည်။ ရွေးကောက်ပွဲကိုစောင့်ကြည့်ရန် အရင်ကမ္ဘောဒီးယားအစိုးရက အဖွဲ့တစ်ဖွဲ့ ဖွဲ့ထားခဲ့ရာ ဟွန်ဆင်၏ သားဖြစ်သူက ဦးဆောင်သည်။ ရုရှားနှင့် တရုတ်တို့က ရွေးကောက်ပွဲကိုစောင့်ကြည့်ရန် အဖွဲ့များစေလွှတ်ခဲ့ကြသည်။

၂၀၁၇ ခုနှစ်က ကမ္ဘောဒီးယားလူငယ်တို့၏လုပ်အားဖြင့် အတိုက်အခံပါတီကို တစ်ခဲနက်မဲပေးခဲ့ကြရာ ထိုရွေးကောက်ပွဲအင်အားတက်ကြွမူ စိတ်ဝင်စားမှုတို့ကို ယခုအခါ၌ မတွေ့ခဲ့ရပေ။ ရွေးကောက်ပွဲမှ ပယ်မဲဖြစ်အောင် ဖျက်ဆီးပစ်သူများလည်းရှိသည်။ မစ္စတာဟွန်ဆင်အပေါ် အနှစ် ၃၀ နီးပါးမျှ တိုင်းပြည်ကို ငြိမ်းငြိမ်းချမ်းချမ်း အုပ်ချုပ်နိုင်ပြီး တိုင်းပြည်၏ ထုတ်ကုန် (Export) ကို အခြေခံသော စီးပွားရေးကို ထူထောင်ခဲ့သူအဖြစ် အသိအမှတ်ပြုကြပါသည်။ ဝန်ကြီးချုပ်၏ သားများသည် စစ်တပ် ထိပ်တန်းအဆင့်ခေါင်းဆောင်များ၊ စီးပွားရေးပညာရှင်များဖြစ်နေကြသည်။ တစ်ချိန်တွင် အမေရိကန်၏ Sanctions List ထဲတွင် ပါဝင်ကြမည့်သူများဖြစ်သည်။

ဖနွမ်းပင်ပတ်ဝန်းကျင်တွင် အစိုးရကုမ္ပဏီများ ဟွန်ဆင်၏ ညီမဖြစ်သူနှင့် ခရိုနီများကသိမ်းထားသော လယ်ယာမြေများ အများအပြားရှိ နေကြသည်။

(၃)
အတိုက်အခံခေါင်းဆောင်တစ်ဦးကို ထောင်သွင်းအကျဉ်းချ၍ ရွေးကောက်ပွဲလုပ်ခြင်းသည် ဘယ်သောအခါမျှ ဒီမိုကရေစီကျသောရွေး ကောက်ပွဲဖြစ်မလာနိုင်ပါ၊ မစ္စတာဟွန်ဆင်က အဘယ်မျှ စကားပြောကောင်းကောင်း တရားမျှတမှုရှိသော ရွေးကောက်ပွဲဖြစ်မလာနိုင်ပါ၊ သူ၏သားသမီးများက နေရာအသီးသီးယူပြီးကြပြီဆိုသည်နှင့် ကမ္ဘောဒီးယားနိုင်ငံ၏ ရှေ့ရေးသည် အလားအလာ ကောင်းမကောင်း စောင့်ကြည့်ရမည် ဖြစ်ပါသည်။

ကိုသန်းလွင်
Ref: Cambodia Re Elect Its Leader a Result Predetermined by One. By Hannah Beech New York Times July 29, 2018.