News

POST TYPE

OPINION

ပြည်သူများ ဖေ့စ်ဘွတ်ခ် စနစ်တကျ သုံးစွဲရန် ပညာပေးမည်
ရန်ကုန်၊ ဇွန် ၇

မြန်မာနိုင်ငံတွင် ဖေ့စ်ဘွတ်ခ်သုံးစွဲ၍ အမုန်းစကားပြောကြားမှုများ မရှိစေရန် ဝန်ကြီးဌာနသုံးခုနှင့် ပြည်တွင်းအခြေစိုက် ဆက်သွယ်ရေးအော်ပရေတာများ ပူးပေါင်း၍ ဖေ့စ်ဘွတ်ခ်ကို ပြည်သူများ စနစ်တကျသုံးစွဲရန် ပညာပေးမည်ဖြစ်ကြောင်း ပြန်ကြားရေးဝန်ကြီးဌာန၊ ဒုတိယပြည်ထောင်စု ဝန်ကြီး ဦးအောင်လှထွန်းက ပြောကြားသည်။

“ဖေ့စ်ဘွတ်ခ်တာဝန်ရှိသူတွေနဲ့ အလေးအနက်ဆွေးနွေးဖြစ်တာက ဖေ့စ်ဘွတ်ခ်သုံးတဲ့သူတွေကို ပညာပေးဖို့ပေါ့။ နိုင်ငံတကာမှာလည်း ရှိပါတယ်။လူတွေကို တစ်နေ့တခြား ဖေ့စ်ဘွတ်ခ်သုံးတတ်အောင်ပေါ့။ အကောင့်ဖွင့်တာကအစပေါ့။ အမုန်းစကားတွေ ယဉ်ကျေးမှုနဲ့ ဆန့်ကျင်တာတွေနဲ့ ပို့စ်တွေ မရှိလာအောင်ပါ”ဟု ၎င်းက ဆိုသည်။

ပညာပေးရေးအစီအစဉ်အရ ပြည်တွင်းဆက်သွယ်ရေးအော်ပရေတာ လေးခုအနေနှင့် ပူးပေါင်းကူညီရန် အဆင်သင့်ရှိနေသော်လည်း ပြန်ကြားရေး၊ ပညာရေးနှင့် ပို့ဆောင်ရေးနှင့် ဆက်သွယ်ရေးဝန်ကြီး ဌာနတို့ဖြင့် ညှိနှိုင်းလုပ်ဆောင်ရန် လိုအပ်နေဆဲဖြစ်ကြောင်း ပြန်ကြားရေးဝန်ကြီးဌာနထံမှ သိရသည်။

“အစိုးရက လူမှုကွန်ရက်တွေကို စောင့်ကြည့်တာတွေနဲ့ပတ်သက်လို့ ကျွန်တော်တို့ဝန်ကြီးဌာနက ပါဝင်လုပ်ဆောင်နေတာ မရှိပါဘူး။ ပညာပေးရေးအစီအစဉ်ကိုပဲ တက်တက်ကြွကြွ လုပ်ချင်ပါတယ်”ဟု ဒုတိယဝန်ကြီးကဆက်လက် ပြောဆိုသည်။

ယင်းအစီအစဉ် စတင်ဆောင်ရွက်ပါက နိုင်ငံအနှံ့ရှိ အထက်တန်းကျောင်းအဆင့်မှ ကိုးတန်း၊ ဆယ်တန်းအရွယ် လူငယ်ကျောင်းသားများကို ဦးစားပေးကာ စနစ်တကျ ဖေ့စ်ဘွတ်ခ်ကို သုံးစွဲတတ်ပြီး ဖေ့စ်ဘွတ်ခ်၌ ရှောင်ရှားရမည့် အချက်အလက်များကို သိရှိစေရန် လုပ်ဆောင်မည်ဖြစ်ကြောင်း ပြန်ကြားရေးဝန်ကြီး ဌာနထံမှသိရသည်။

မြန်မာနိုင်ငံတွင် လူဦးရေ ၅၁ သန်းကျော်ရှိရာတွင် ဖေ့စ်ဘွတ်ခ်သုံးစွဲသူ ၁၈ သန်းခန့်ရှိပြီး လူသုံးအများဆုံး လူမှုကွန်ရက်ဖြစ်သည်နှင့်အညီ တစ်ဦးနှင့်တစ်ဦး ကြမ်းတမ်းရိုင်းပျစွာ ရေးသားပြောဆိုမှုများ၊ အမုန်းစကား ရေးသားဖြန့်ဝေမှုများနှင့် လူမျိုးရေး၊ ဘာသာရေးပဋိပက္ခများဖြစ်စေသည့် လှုံ့ဆော်ရေးသားမှုများအပေါ် ထိန်းကျောင်းဆောင်ရွက်ပေးရန် ပြန်ကြားရေးဝန်ကြီးဌာန၊ ပြည်ထောင်စုကြီး ဒေါက်တာဖေမြင့်က ဇွန်လ ၅ ရက်တွင် ဖေ့စ်ဘွတ်ခ်ကုမ္ပဏီ၏အကြီးအကဲ တစ်ဦးဖြစ်သူ Mr. Simon Milner နှင့် တွေ့ဆုံစဉ် ပြောကြားထားသည်။

“အကောင့်တွေ အကုန်လုံးကို Monitoring လိုက်ပြီးတော့ ကြည့်နေတာကို ကျွန်တော်က မလိုလားဘူး။ ဒါပေမဲ့ အမုန်းတရားတွေကို စောင့်ကြည့်ပြီးတော့ ဒီဟာတွေကို research သဘောမျိုး ဘယ်အချိန်မှာ ဘယ်လိုပေါ်တယ်။ ဘယ်လို အမုန်းတရားတွေတော့ဖြင့် ဘယ်လိုအကြောင်းအရာနဲ့ စပ်ဆက်တယ်။ အစိုးရလုပ်မှာထက် တကယ်တမ်း အခြား thirt party ပုံစံမျိုး လွတ်လပ်တဲ့ အဖွဲ့အစည်းတစ်ခုက လုပ်တာမျိုး ပိုလုပ်သင့်တယ်”ဟု သင်္ဃန်းကျွန်းမြို့နယ် လွှတ်တော်ကိုယ်စားလှယ် ဦးနေဘုန်းလတ်က ပြောကြားသည်။

ထို့အပြင် လူမှုကွန်ရက်သုံးစွဲမှုများအပေါ် အစိုးရက စောင့်ကြည့်စစ်ဆေး၍ ထိန်းချုပ်နိုင်ရန် ကျပ်သန်း ၆၄၀၀၀ ခန့် သုံးစွဲမည်ဟု အစိုးရအဖွဲ့က အတည်ပြုထုတ်ပြန်ထားသည်။

လက်ရှိတွင် ဖေ့စ်ဘွတ်ခ်လူမှုကွန်ရက်ကို အဓိကအသုံးပြု၍ ဝေဖန်ရေးသားလေ့ရှိသော အမျိုးသားလွှတ်တော် ကိုယ်စားလှယ်ဟောင်း ဦးလှဆွေ၏ ဖေ့စ်ဘွတ်ခ်အကောင့်ကို ဇွန်လ ၇ ရက်က ဖေ့စ်ဘွတ်ခ် ကုမ္ပဏီက ပိတ်သိမ်းလိုက်ကြောင်း သတင်းမီဒီယာအသိုင်းအဝိုင်းထံမှ စုံစမ်းသိရသည်။

အလားတူ ယခင်ကလည်း ဖေ့စ်ဘွတ်ခ်ကုမ္ပဏီက လူမှုကွန်ရက်တွင် ဘာသာရေးဆိုင်ရာများ စဉ်ဆက်မပြတ် ဝေဖန်ရေးသားလေ့ရှိသူ ဆရာတော်ဦးဝီရသူ၏ ဖေ့စ်ဘွတ်ခ်ကို ယင်းသို့ ပိတ်သိမ်းခဲ့ဖူးသည်။ 

J-17