News

POST TYPE

OPINION

ဥပဒေအထက်တွင် မည်သူမျှမရှိစေလို (Daily, Vol-6/No-50)
07-Jun-2018 tagged as

နိုင်ငံတစ်ခုတွင် မည်မျှ အခြေအနေ ဆိုးနေသည်ဖြစ်စေ ပြည်သူများ၏ နောက်ဆုံး မျှော်လင့်ချက်မှာ မျှတသော တရားစီရင်ရေးစနစ် သို့မဟုတ် နိုင်ငံသားအားလုံး မျှတသော ဥပဒေအောက်တွင် ရှိနေခြင်းဖြစ်သည်။ 

ထိုမျှော်လင့်ချက် တစ်နေ့တခြား ဆုတ်ယုတ်ကျဆင်းလာပါက ထိုနိုင်ငံ၏ ပစ္စုပ္ပန်နှင့် အနာဂတ် နှစ်ခုစလုံးအတွက် အနုတ်လက္ခဏာဆောင်သော အခြေအနေများ ပေါ်ပေါက်လာတတ်သည်။

အာဏာရှင်စနစ်တို့မည်သည် နေရာတိုင်းတွင် အကျင့်ပျက်ခြစားမှုများ၊ အာဏာအလွဲသုံးမှုများ၊ လိမ်လည်လှည့်ဖြားမှုများ၊ အကြီးအကဲအကြိုက် လက်ညှိုးထောင်၊ ခေါင်းညိတ်စီမံခန့်ခွဲမှုများ၊ အရည်အချင်း နိမ့်ကျမှုများ ရှိနေတတ်သည်။

ထိုအခြေအနေများကို နေ့ချင်း၊ ညချင်း ပြောင်းလဲမပစ်နိုင်ကြောင်း ပြည်သူများက နားလည်ထားကြသည်။ ယနေ့ အစိုးရ အပါအဝင် အာဏာသုံးရပ်နှင့် တပ်မတော်အပေါ် ဝေဖန်အကြံပြုနေကြသူများကလည်း အပြောင်းအလဲများ လက်ဖျစ်တစ်တီးအတွင်း တွေ့မြင်လိုသူများ မဟုတ်ပေ။

သို့သော် ယခင်က မှားခဲ့ပြီးသော အမှားများ ထပ်ဆင့်မှားခြင်း၊ ယခင်က ကိုယ်တိုင် ဝေဖန်ရှုတ်ချခဲ့သော အမှုကိစ္စများ ကိုယ်တိုင် ပြန်ကျူးလွန်ခြင်းကဲ့သို့ ဖြစ်စဉ်များကိုမူ နားလည်ပေးရန် ခက်ခဲပေသည်။

အထူးသဖြင့် ဒီမိုကရေစီ တော်လှန်ရေးကာလ တစ်ခုလုံး စွန့်လွှတ် အနစ်နာခံလာခဲ့သူများဖြစ်သည့်အတွက် ပြည်သူလူထု အများစုက ယနေ့အချိန်အထိ အရာအားလုံးကို နားလည်တွေး တွေးပေးနေကြဆဲဖြစ်သည်။

ထိုအခြေအနေမျိုးတွင် ဥပဒေကျော်လွန်နေသော ကိစ္စများ၊ ဥပဒေ ဖောက်ဖျက်ကျူးလွန်မှုများ ပေါ်ပေါက်နေခြင်း၊ ယင်းဖြစ်ရပ်များကို မြေပြင်တွင် ဖြစ်ပျက်ခဲ့သော အခြေအနေမှန်ကို ဖုံးကွယ်ခြင်း၊ တစ်ဖက်စောင်းနင်း သတင်းထုတ်ပြန်ခြင်းတို့ ရှိလာပါက ပြည်သူများ၏ နားလည်မှုရေချိန် လျော့ပါးသွားနိုင်ပေသည်။

ပြဿနာတစ်ခု ဖြစ်ပေါ်တိုင်း တစ်ဖက်တည်းကို အမှန်၊ အမှား ယတိပြတ် ဆုံးဖြတ်စွပ်စွဲ၍ မရပေ။ နှစ်ဖက်စလုံးတွင် အားနည်းချက်၊ လွဲချော်မှုရှိနိုင်သလို ခိုင်မာမှု၊ နည်းလမ်းကျမှုများလည်း ရှိနေနိုင်သည်။ 

အာဏာသုံးရပ်နှင့် ချိတ်ဆက်နေသော ပြဿနာတိုင်းကို ဘက်ပေါင်းစုံမှ ရှုမြင်အကဲ မခတ်နိုင်လျှင်ပင် အထိုင်တစ်ခုတည်း သို့မဟုတ် ခေါက်ရိုးကျိုးနေ သော အမြင်တစ်ခုတည်းမှကြည့်၍ သုံးသပ် အဖြေထုတ်ခြင်းထက် အနည်းဆုံး အခြားတစ်ဖက်နေရာမှ ဝင်ကြည့်ရန် အထူး လိုအပ်ပေသည်။

အထူးအားဖြင့် တရားရေးမဏ္ဍိုင် ယိမ်းယိုင်နေခြင်း၊ ဥပဒေအထက်တွင် တစ်စုံ၊ တစ်ဦး၊ တစ်ဖွဲ့ ရှိနေသကဲ့သို့ ဖြစ်နေခြင်းတို့ကို မပြုပြင်နိုင်ဘဲ ပြဿနာတိုင်းကို ယခင်စနစ်ဟောင်း၊ စဉ်းစားပုံအဟောင်း၊ ချဉ်းကပ်ပုံအဟောင်း၊ နည်းလမ်းအဟောင်းတို့ဖြင့် အဖြေထုတ်၊ ဖြေရှင်းနေပါက ပြည်သူလူထု၏ နားလည်သည်းခံမှု ပျောက်ဆုံးသွားနိုင်ကြောင်း သတိပေးထောက်ပြလိုရင်း ဖြစ်သည်။

အယ်ဒီတာ (၇-၆-၂၀၁၈)
(လက်ရှိဖြစ်ပေါ်နေသော အခြေအနေနှင့် ကိုက်ညီနေသောကြောင့် ၂၁-၁-၂၀၁၈ နေ့ထုတ် The Voice Daily သတင်းစာတွင် ဖော်ပြခဲ့ပြီးသော အယ်ဒီတာ့အာဘော်ကို ပြန်လည်ဖော်ပြခြင်း ဖြစ်ပါသည်။)

  • TAGS