News

POST TYPE

OPINION

ဘတ်စ်ကားစီးသော ကိုထိန်လင်းကို အခြားတစ်ဖက်မှ ကြည့်ခြင်း(Daily, Vol-4/No-133)
12-Sep-2016

လူမှုကွန်ရက်ပေါ်တွင် ဒေါ်အောင်ဆန်းစုကြည်၏ သားငယ် ကိုထိန်လင်း ခေါ် ကင်မ်အဲရစ်စ် လန်ဒန်တွင် ဘတ်စ်ကား စီးနေခြင်းကို ဘီဘီစီ မြန်မာပိုင်း အစီအစဉ်မှ သတင်းထောက် တစ်ဦးက တွေ့ဆုံ မှတ်တမ်း ဓာတ်ပုံရိုက်ကာ ၎င်း၏ လူမှုကွန်ရက်ပေါ်တွင် တင်လိုက်သည့် သတင်းမှာ ယခု ရက်ပိုင်းအတွင်း အထူး ရေပန်းစားနေသည်။

အများစု မှတ်ချက် ပေးကြသည်မှာ နိုင်ငံ့ခေါင်းဆောင် နေရာတွင် ရောက်ရှိနေပြီ ဖြစ်သော မိခင်ဒေါ်အောင်ဆန်းစုကြည်၏ သားဖြစ်သော်လည်း မိခင်ဖြစ်သူ လန်ဒန်မြို့တော်သို့ ဗြိတိသျှ အစိုးရ၏ ဧည့်သည်တော်အဖြစ် လာရောက်ချိန်တွင် ဘတ်စ်ကား စီးနေရသော သားငယ်ကို သနား ကရုဏာ သက်နေကြကြောင်းပင် ဖြစ်သည်။ 

အဓိကအားဖြင့် ဒေါ်အောင်ဆန်းစုကြည်သည် ကိုယ်ပိုင် မိသားစုဘဝကို စွန့်လွှတ်ကာ နိုင်ငံအတွက် အနစ်နာခံခဲ့၍ သား နှစ်ယောက်ကို မစောင့်ရှောက်နိုင်ခဲ့ခြင်းကြောင့် သားငယ်ဖြစ်သူမှာ ပင်ပန်း ဆင်းရဲနေသည့် အသွင်မျိုး ကရုဏာ မှတ်ချက်များ ဖြစ်သည်။

မြန်မာနိုင်ငံအနေနှင့် ကြည့်လျှင် ကိုထိန်လင်း၏ ဖြစ်အင်သည် ရင်နင့်ဖွယ် ပုံပြင် တစ်ပုဒ်၊ ရသဝတ္ထု တစ်ပုဒ်၊ ရုပ်ရှင်ဇာတ်လမ်း တစ်ခုကဲ့သုိ့ ဖြစ်နေသော်လည်း ၎င်း၏ အသက်မွေးဝမ်းကျောင်းမှုနှင့် လန်ဒန်၏ လူနေမှု ဘဝပုံစံကို ကြည့်လျှင်မူ အင်္ဂလန် လူ့အဖွဲ့အစည်းအတွက် ထူးမခြားနားသော ဇာတ်လမ်း တစ်ခုဖြစ်သည်။

အခြားတစ်ဖက်တွင်မူ လန်ဒန် အပါအဝင် ဥရောပရှိ မြို့ကြီး အများစုတွင် အများပြည်သူ သယ်ယူ ပို့ဆောင်ရေးကို အစိုးရက စနစ်တကျ၊ အဆင့်မြင့်မြင့် တည်ဆောက် ပေးထားသဖြင့် ကြွယ်ဝ၊ တတ်နိုင်သူ အချို့ပင် အများသုံး မြေအောက် ရထားနှင့် ဘတ်စ်ကား စီးတတ်ကြခြင်းမှာ မြန်မာနိုင်ငံနှင့်မတူ ခြားနားသော အခြေအနေ ဖြစ်သည်။

ထို့အပြင် လောင်စာဆီ ချွေတာခြင်း၊ ယာဉ်ကြော ပိတ်ဆို့မှု မဖြစ်စေလိုခြင်း ကဲ့သို့ ရည်ရွယ်ချက်များ အပြင် မိမိ ကိုယ်ပိုင်ကားမှ ထွက်သော ကာဗွန်ဒိုင် အောက်ဆိုဒ် ဓာတ်ငွေ့ကို လျှော့ချခြင်းဖြင့် သဘာဝ ပတ်ဝန်းကျင်ကို မြတ်နိုး၊ ကာကွယ်၊ ထိန်းသိမ်းလိုခြင်း ကဲ့သို့ ပို၍ ယဉ်ကျေးကာ၊ ပို၍ ခေတ်မီသော နိုင်ငံကြီးသား၊ ကမ္ဘာသား စိတ်ဓာတ်ကို ပြသလိုသော ရည်ရွယ်ချက်မျိုးလည်း ရှိကြသည်။

ငွေကြေး တတ်နိုင်ကြောင်း ပြသလို၍သော်လည်းကောင်း၊ နိုင်ငံ၏ အများ ပြည်သူ သယ်ယူ ပို့ဆောင်ရေးစနစ် ညံ့ဖျင်း၍သော်လည်းကောင်း ချမ်းသာသူများဆိုလျှင် ကားလေးငါးခြောက်စီးခန့် ဝယ်စီးကာ၊ ကားဝယ်စီးနိုင်ခြင်းအပေါ် ဂုဏ်ယူစိတ် ရှိနေတတ်သော မြန်မာနိုင်ငံ၏ စံနှုန်းများနှင့် ချိန်ထိုး ကြည့်လျှင်မူ ဘတ်စ်ကားစီးသူ၊ မြေအောက် ရထားစီးသူများမှာ ဝင်ငွေနိမ့်ပါး ဆင်းရဲသူများဟု ရှုမြင်ကြပေမည်။

စင်စစ်အားဖြင့် အစိုးရများ၏ စီမံခန့်ခွဲမှု ညံ့ဖျင်းခြင်းကြောင့်သာ ဖွံ့ဖြိုးဆဲ၊ ဆင်းရဲဆဲ နိုင်ငံများတွင် ကိုယ်ပိုင်ကား ဝယ်စီးလိုသူ များပြားကာ ယာဉ်ကြော ပိတ်ဆို့မှု ဒုက္ခနွံအတွင်း သက်ဆင်းနေပြီး သာမန် လူတန်းစားများသာ ဘတ်စ်ကားနှင့် မြို့ပတ်ရထား စီးနေရသည်ဟု အထင် ရောက်နေခြင်း ဖြစ်သည်။

အများပြည်သူ သယ်ယူပို့ဆောင်ရေး ကဲ့သို့ အခြေခံ အဆောက်အဦမျိုးကို ဦးစွာ တည်ဆောက်ခြင်း မရှိဘဲ မော်တော်ယာဉ် တင်သွင်းခွင့် ဖြေလျှော့ ပေးလိုက်ခြင်းကြောင့် အရှေ့တောင်အာရှ နိုင်ငံမြို့တော် အများစု ယာဉ်ကြော ပိတ်ဆို့မှု ပြဿနာ အကြီးအကျယ် ကြုံရခြင်းကို နောက်မှလိုက်သော နိုင်ငံများ ယနေ့အထိ သင်ခန်းစာ မယူနိုင်ကြသေးဘဲ ရှေ့လူမှားပြီးသား အမှားကို နောက်လူများက ထပ်မှားနေကြခြင်းသာ ဖြစ်သည်။

ဤနေရာတွင် ဒေါ်အောင်ဆန်းစုကြည်နှင့် သားငယ်ဖြစ်သူ ကိုထိန်လင်းတို့ နှစ်ဦး၏ စိတ်မကောင်း၊ ဝမ်းနည်းဖွယ် ဖြစ်အင်ကို မူတည်ကာ ယခင် အာဏာရှင် အစိုးရ၏ အငြိုးကြီးကြီး၊ အကြောက်ကြီးကြီး ရက်စက်၊ ဖိနှိပ်မှုကို ဇောင်းပေးကာ နိုင်ငံရေးသဘော ပြောလိုခြင်း မဟုတ်ပေ။ 

ဘတ်စ်ကား စီးခြင်း၊ မစီးခြင်း၊ ကိုယ်ပိုင်ကား စီးခြင်း၊ မစီးခြင်းဖြင့် နိုင်ငံသား တစ်ယောက်၏ အဆင့်အတန်းကို အကဲဖြတ်၍ မရကြောင်းနှင့် စီးပွားရေး၊ ပညာရေး ရေချိန် မြင့်မားလာသော နိုင်ငံများတွင် မိမိနေထိုင်ရာ ပတ်ဝန်းကျင်ကို သာမက မြေကမ္ဘာကြီး တစ်ခုလုံး ရှည်ကြာစွာ တည်တံ့ရေးအထိ ထည့်သွင်း စဉ်းစားလာခြင်းကြောင့် အနိမ့်ဆုံးအဆင့် အများသုံး ဘတ်စ်ကား၊ ရထားစီးခြင်းဖြင့် နိုင်သည့်နေရာမှ ကမ္ဘာသားတာဝန် ထမ်းနေကြခြင်း ဖြစ်ကြောင်း အဓိက ပြောလိုရင်း ဖြစ်သည်။

အယ်ဒီတာ (၁၂-၉-၂ဝ၁၆)

  • VIA