News

POST TYPE

OPINION

အရှက်၊ အကြောက်ရှိတဲ့ လူ့အဖွဲ့အစည်း (Daily, Vol-5/No-93)
29-Jul-2017

ဘယ်လိုနိုင်ငံရေးစနစ်တွေပဲ ကျင့်သုံးသည်ဖြစ်စေ လောကလူ့ဘောင် သာယာအေးချမ်းရေးကို အမှန်တကယ် ဆောင်ကြဉ်းပေးနိုင်ဖို့အတွက်ဆိုရင် ဟီရိ၊ သြတ္တပ္ပဆိုတဲ့ လောကပါလတရားတွေ ထွန်းကားဖို့သာ အရေးအကြီးဆုံးပါပဲ။

သည်ကနေ့ လူ့အဖွဲ့အစည်းထဲမှာ လူသတ်မှုတွေ၊ ခိုးမှုတွေ၊ လုယက်မှုတွေနဲ့ မတရားမှုတွေ အမျိုးမျိုး ဖြစ်ပေါ် ကြုံတွေ့နေကြရတာဟာ ရုပ်ဝတ္ထုပစ္စည်းတွေ ဘယ်လိုပဲ တိုးတက်သည်ဖြစ်စေ လောကကို စောင့်ရှောက်တဲ့ လောကပါလတရားတွေ  လျော့နည်းနိမ့်ပါးလာလို့ပဲလို့ဆိုရပါမယ်။

အများပြည်သူတွေရဲ့အမှုကို ထမ်းဆောင်ကြရတဲ့ ပြည်သူ့ဝန်ထမ်းတွေနဲ့ နိုင်ငံ့ဝန်ထမ်းတွေအကြား အဂတိလိုက်စားမှုကို မိမိရပိုင်ခွင့် တစ်ရပ်သဖွယ် သတ်မှတ်လာကြတဲ့ အလေ့အထနဲ့ စားသုံးသူတွေကို စားသောက်ကုန်ပစ္စည်း အမျိုးမျိုး ထုတ်လုပ်ရောင်းချကြတဲ့ လုပ်ငန်းတွေမှာ အမြတ်အစွန်းဆိုတဲ့ ကိစ္စတစ်ခုတည်းကို ကြည့်ပြီး လူတွေရဲ့အသက်အန္တရာယ် ထိခိုက်နိုင်လောက်တဲ့ အရာတွေကို ထည့်သွင်း ရောင်းချလာကြတာဟာလည်း လောကပါလတရား နိမ့်ပါးလာတဲ့ သာဓကတွေလို့ပဲ ပြောရမှာပါပဲ။

သင်ကောင်းလျှင် ကျွန်ုပ်မဆိုးပါတို့ ၊ စေတနာသည် လူတိုင်းနဲ့ မထိုက်တန်တို့ စတဲ့ လောကရဲ့အမှန်တရားကို ထောက်ပြတဲ့ လော့ဂျစ်ကောင်းတွေသဖွယ် ဖြစ်လာတာကလည်း လေးလေးနက်နက် စဉ်းစားကြည့်မယ်ဆိုရင် လောကပါလ တရားတွေကွယ်ပျောက်စ ပြုနေပြီဆိုတဲ့ သာဓကတွေပါပဲ။ 

ငွေကြေးပေးပြီး ဝယ်စရာမလိုတဲ့ စိတ်စေတနာကောင်းကို နှမြောတွန့်တိုတတ်အောင် တွန်းအားပေးပြီး သင်လူဆိုးလုပ်လျှင် သင် သူခိုးလုပ်လျှင် ကျွန်ုပ်လည်း လိုက်လုပ်မယ်ဆိုတဲ့ သဘောမျိုးတွေဖြစ်အောင်၊ တစ်မျိုးပြောရမယ်ဆိုရင် တစ်ဖက်သား အရှက်၊ အကြောက် ကင်းမဲ့တိုင်း ကိုယ်က လိုက်ပြီး အရှက်၊ အကြောက် ကင်းမဲ့ပြမယ့်သဘော ဖြစ်အောင် တွန်းအားပေးတဲ့ လော့ဂျစ်တွေလို့ပဲ ဆိုရပါတော့မယ်။

အဲဒီအရှက်၊ အကြောက်ဆိုတာ ရှက်ကိုးရှက်ကန်း ဖြစ်တဲ့သဘော၊ သူရဲဘောကြောင်ပြီး ကြောက်တတ်တဲ့စိတ်ကို ဆိုလိုတာ မဟုတ်ပါဘူး။ မကောင်းတာကို မတရားတာကို လုပ်ဖို့ရှက်တတ်တဲ့စိတ်နဲ့ အဲ့ဒီ မကောင်းတာတွေ မမျှတတာတွေဟာ ကိုယ့်တစ်ဦးတည်းကို သာမက တစ်လောကလုံးကို ဒုက္ခပေးတတ်တဲ့သဘော ရှိပါလားလို့ တွေးတောဆင်ခြင်တတ်တဲ့ အကြောက်တရားကို ဆိုလိုတာပါ။ 

အဲဒီလို အရှက်နဲ့အကြောက်တရား ကင်းမဲ့လို့လည်း ယနေ့ကမ္ဘာမှာ ငါ့ဘာသာ၊ ငါ့လူမျိုး၊ ငါ့အဖွဲ့အစည်းနဲ့ မတူတဲ့သူတွေကို ရန်သူလို သဘောထားပြီး တိုက်ခိုက်တတ်တဲ့ အယူဝါဒဆိုးတွေ ကြီးထွားနေပြီး တစ်ပါးသူတွေ ချွေးနဲ့ရင်းပြီး ရိုးရိုးသားသား တည်ဆောက်ခဲ့ရတဲ့ ပိုင်ဆိုင်မှုတွေ၊ စီးပွားရေး လုပ်ငန်းတွေနဲ့ အောင်မြင်ကျော်ကြားမှုတွေကို အချောင် ရယူလိုသူတွေ များပြားလာတာပဲ ဖြစ်ပါတယ်။ 

ငွေကြေးဥစ္စာ၊ အမြတ်အစွန်းနဲ့ ရာထူးဂုဏ်ဒြပ်ဆိုတာ လူတိုင်းရဲ့စိတ်ကို ညှို့ယူဖမ်းစားနိုင်ပြီး လူတစ်ယောက်ရဲ့ဘဝ ကြီးပွားတိုးတက်ရေးကို တိုင်းတာတဲ့နေရာမှာလည်း ရှေ့ဆုံးက ပါတဲ့အရာတွေပါ။ ဒါကြောင့်လည်း ငွေကြေး အမြတ်အစွန်းနဲ့ ရာထူးဂုဏ်ဒြပ် ဒါမှမဟုတ် အောင်မြင်ကျော်ကြားရေးအတွက် အကျိုးအမြတ် တစ်စုံတစ်ရာ မရရှိဘဲဘယ်အလုပ်ကိုမှ မလုပ်ချင်ကြတာ လူ့သဘာဝလို ဖြစ်လာတာပါ။ လူဆိုတာ ကိုယ့်အတွက် အဲဒီထဲက အကျိုးအမြတ် တစ်ခုခုရှိမှ အလုပ်တစ်ခုကို လုပ်ချင်ကြတာ မဟုတ်လား။

ဒါပေမဲ့ ကိုယ်ကျိုးစီးပွားကို အသက်မွေးဝမ်းကျောင်းမှု အမျိုးမျိုးနဲ့ ရှာဖွေကြတဲ့အခါ ရှက်သင့်တဲ့ကိစ္စအပေါ် ရှက်တတ်ပြီး ကြောက်သင့်တာကို ကြောက်တတ်ဖို့ အင်မတန် အရေးကြီးပါတယ်။ တကယ်တော့ လောကဆိုတာ လူတွေ အားလုံး တစ်ဦးနဲ့တစ်ဦး အပြန်အလှန် ချိတ်ဆက်နေပြီး လူတစ်ယောက်၊အဖွဲှ့အစည်းတစ်ခု၊ ဂိုဏ်းတစ်ခုခုရဲ့အပြုအမူ၊ အပြောအဆိုနဲ့ အလုပ်အကိုင်တွေဟာ အခြားသူတွေပေါ်ကိုလည်း အများကြီး ဂယက်ရိုက်ခတ်မှု ရှိစေတဲ့ သဘောမှာ ရှိတာပါ။ အဲဒါကြောင့် မိမိကိုယ်တိုင်နဲ့မိမိ ဦးဆောင်နေတဲ့ အဖွဲ့အစည်းက စပြီး မကောင်းမှုကို ရှက်တယ်၊ ကြောက်တတ်အောင် လေ့ကျင့်ထားတတ်ပါမှ ဟီရိ၊ သြတ္တပ္ပတရား ထွန်းကားတဲ့ လူ့အဖွဲ့အစည်းတစ်ရပ်ကို တည်ဆောက်နိုင်မယ်ဆိုတာ ပြောချင်ရုံသာ ဖြစ်ပါတယ်။ 

အယ်ဒီတာ (၂၉-၇-၂၀၁၇)

  • VIA