POST TYPE

OPINION

အဓိကနှင့် သာမည (Daily, Vol-4/No-79)
12-Jul-2016

ကျွန်ုပ်တို့ ပတ်ဝန်းကျင်ရှိ Everybody ခေါ် လူများစွာတို့သည် မိမိတို့ ဘဝအတွက်၊ လူ့အဖွဲ့အစည်းအတွက် မဖြစ်မနေ လုပ်ဆောင်ရမည့် အဓိကကျသော အရေးကိစ္စများထက် အရေးမကြီးသော သာမင်ညောင်ည ကိစ္စများဖြင့်သာ နေ့စဉ်နှင့်အမျှ နပန်းလုံးနေတတ်ကြသည်။

Somebody ခေါ် အနည်းငယ်မျှသော လူတို့ကသာ သာမညကိစ္စများကို ခွဲခြားမြင်ကြ သည့်အလျောက် ဘဝအတွက် အရေးကြီးသော အဓိက ကိစ္စရပ်များကို အလေးထား လုပ်ဆောင်တတ်ကြသည်။

ထို့ကြောင့် လောကတွင် ထူးချွန်ထက်မြက်သူ၊ ခေါင်းဆောင်မှုအရည်အချင်း ပြည့်ဝစွာ လူအများကို ဦးဆောင်နိုင်သူ လူချွန်လူကောင်း အနည်းငယ်သာ ရှိတတ်ပြီး အများစုမှာ နောက်လိုက်များသာ ဖြစ်နေတတ်သည်။

လူချွန်လူကောင်းတို့မည်သည် အဓိကနှင့် သာမညကို ခွဲခြားသိမြင်နိုင်ရုံ သာမက မည်သည့်ကိစ္စသည် အချိန်မဆိုင်း အလျင်အမြန် ဆောင်ရွက်ရမည်၊ မည်သည့်အရေးကို ခေတ္တအချိန်ဆွဲရမည် သို့မဟုတ် လုံလောက်သည့် အချိန်ယူကာ ပြင်ဆင်ဆောင်ရွက်ရမည် ကိုလည်း နားလည်သဘောပေါက်သူများ ဖြစ်သည်။ 

တစ်နည်းအားဖြင့် မည်သည့် မူဝါဒ၊ စီမံကိန်း၊ အဆိုတင်သွင်းမှုမျိုးမဆို နိုင်ငံ၏ပြောင်းလဲနေသော အခြေအနေများအပေါ် မူတည်ကာ အချိန်ကိုက် ဆောင်ရွက်တတ်ခြင်းမျိုးကို ခေါ်သည်။

အချိန်ကိုက်ဆောင်ရွက်ရမည့် ကိစ္စမျိုးကို နောက်ကျမှ ဆောင်ရွက်ရန် ပြင်ဆင်နေပါမူ အနိမ့်ဆုံးအဆင့် နိုင်ငံရေးအရ နောက်ကောက်ကျသွားတတ်ပြီး မူလက အားကိုးအားထား ပြုလိုသူများ၏ ယုံကြည်ကိုးစားမူပါ လျော့ကျသွားတတ်သည်။

ဤနေရာတွင် များစွာ အရေးကြီးသည့်အချက်မှာ မိမိကိုယ်ကျိုး၊ မိမိ ကိုယ်စားပြုသော အဖွဲ့အစည်းအကျိုး၊ မိမိနေထိုင်ရာ ပတ်ဝန်းကျင်၊ နိုင်ငံသားများနှင့် နိုင်ငံ့အကျိုးတို့ ယှဉ်လာပါက မည်သည့်အကျိုးကို ဦးစားပေး ရွေးချယ်မည်နည်း ဆိုသော အချက်ဖြစ်သည်။ ထိုရွေးချယ်မှုသည်လည်း ကာယကံရှင် တစ်ဦးချင်းစီ၏ အဓိကနှင့် သာမည ခွဲခြားနိုင်မှုစွမ်းရည်နှင့် တိုက်ရိုက်အချိုးကျသည်။

ယနေ့ မြန်မာနိုင်ငံတွင် ဖြစ်ပေါ်ပြောင်းလဲနေသော အခြေအနေအရပ်ရပ် အပေါ် ရှုမြင်ရာတွင် မည်သူ၊ မည်သည့်အဖွဲ့အစည်းက မိမိတို့ ကိုယ်ကျိုးကို အဓိကထားပြီး နိုင်ငံတော်နှင့် နိုင်ငံသားများအကျိုးကို ဒုတိယ ဦးစားပေး သို့မဟုတ် သာမည သဘောထားသနည်း ဆိုသည်ကို သမိုင်းက မှတ်ကျောက်တင်ပေးမည် ဖြစ်သည်။

လတ်တလောကာလတွင်မူ ဖြတ်သန်းလာခဲ့သည့် ခါးသီးကြမ်းရှသော အတွေ့အကြုံဆိုးများကြောင့် လူပုဂ္ဂိုလ်နှင့် အဖွဲ့အစည်းတစ်ခုချင်းအပေါ် ချစ်ခင်ခြင်း၊ မုန်းတီးခြင်းတို့ဖြင့် ရှုမြင်လေ့ရှိတတ်ရာ အချို့ အရေးကိစ္စများတွင် အမှား၊ အမှန်၊ အကောင်း၊ အဆိုး ချက်ချင်းအကဲဖြတ် မှတ်ချက်ပေးရန် ခက်ခဲတတ်ပေသည်။

ကမ္ဘာကြီးတစ်ခုလုံး၏ နိုင်ငံရေး၊ စစ်ရေး၊ စီးပွားရေး ပါဝါကစားပွဲများကို အဓိက ထောက်ပင့်ပေးသည်မှာ သက်ဆိုင်ရာ နိုင်ငံများ၏ အသိပညာ၊ အတတ်ပညာ အဆင့်အတန်းနှင့် ဓနဥစ္စာကြွယ်ဝမှု အတိုင်းအတာတို့ဖြစ်သည်။ ထိုနှစ်ချက်ကပင် သက်ဆိုင်ရာနိုင်ငံတို့ ရွေးချယ်ရမည့် အဓိကနှင့် သာမညကို သတ်မှတ်ပေးသွားခြင်းဖြစ်သည်။

သို့သော် ထူးချွန်ထက်မြက်သူ၊ ဦးဆောင်နိုင်စွမ်းရှိသူ အရည်အချင်းနှင့် နေရာဌာန အပ်စပ်မှုရှိသူတို့ကို တာဝန်မပေးဘဲ ပြောသမျှ ခေါင်းညိတ် ဟုတ်ကဲ့ ပြောတတ်သူ အညံ့စား နောက်လိုက်သက်သက်များကိုသာ မအပ်မရာနေရာ ပေးထားပါမူ ‘သာမည’ ကို ‘အဓိက’ ဟု ရှုမြင်ကာ ‘အဓိက’ကို ‘သာမည’ သဘောထားနေဦးမည်ဖြစ်ကြောင်း သိစေအပ်ပေသည်။

အယ်ဒီတာ (၁၁-၇-၂၀၁၆)

(လက်ရှိဖြစ်ပေါ်နေသော အခြေအနေနှင့် ကိုက်ညီနေသောကြောင့် ၂၈-၈-၂၀၁၄ နေ့ထုတ် The Voice Daily သတင်းစာတွင် ဖော်ပြခဲ့ပြီးသော အယ်ဒီတာ့အာဘော်ကို ပြန်လည်ဖော်ပြခြင်း ဖြစ်ပါသည်)