ပြီးခဲ့သည့် နိုဝင်ဘာလရွေးကောက်ပွဲတွင် အနိုင်ရရှိသွားသော ဂျိုးဘိုင်ဒင်သမ္မတအဖြစ် ကျမ်းသစ္စာကျိန်ဆိုမှုမပြုမီ ရက်ပိုင်းအတွင်း အမေရိကန်ပြည်ထောင်စုတစ်ဝန်းတွင် လက်နက်ကိုင်ဆန္ဒပြမှုများ ဖြစ်ပေါ်လာနိုင်သည်ဟု အမေရိကန်လုံခြုံရေးအရာရှိများက သတိပေးပြောကြားလိုက် ကြောင်း BBC သတင်းဌာနက ရေးသားဖော်ပြသည်။

ရာထူးမှဆင်းပေးရတော့မည့် သမ္မတဒေါ်နယ်ထရမ့်နှင့် ဒုတိယသမ္မတ မိုက်ခိုက်ပင့်စ်တို့သည် လက်ကျန်သက်တမ်းအတွင်း ဆက်လက်လက်တွဲဆောင်ရွက်သွားမည်ဖြစ်ကြောင်း ကတိပြုခဲ့ကြရာ အောက်လွှတ်တော်က တောင်းဆိုသကဲ့သို့ ထရမ့်ကို ပင့်စ်က ဦးဆောင်ဖြုတ်ချရန် ဆိုသည်မှာ မဖြစ်နိုင်တော့ကြောင်း DW သတင်းဌာနက ဖော်ပြသည်။

ချင်းပြည်နယ် ဖလမ်းမြို့ ဖာထောက်ရပ်ကွက် ဗိုလ်ချုပ်လမ်း၊ ဖလမ်းနှစ်ခြင်းခရစ်ယာန်ဘုရားကျောင်း အောက်ဘက် ဟားခါးမြို့အထွက်လမ်းမှာ ဇန်နဝါရီလ ၁၂ ရက်နေ့ မနက် ၄ နာရီခွဲခန့်အချိန်က မီးလောင်မှုဖြစ်ပွားခဲ့ပြီး လူနှစ်ဦး သေဆုံးခဲ့တယ်လို့ သိရပါတယ်။

ဆေးတက္ကသိုလ်များနှင့် သွားဘက်ဆိုင်ရာဆေးတက္ကသိုလ်များ၏ နောက်ဆုံးနှစ်သင်တန်းများကို ဖေဖော်ဝါရီလ ၁၈ တွင် ပြန်လည်ဖွင့်လှစ်မည်ဟု ကျန်းမာရေး နှင့်အားကစားဝန်ကြီးဌာနက ကြေညာသည်။

စစ်ကိုင်းတိုင်းမှာ ပြီးခဲ့တဲ့ ၂၀၂၀ တစ်နှစ်တာကာလအတွင်း မီးလောင်မှုကြောင့် ငွေကျပ် သိန်းခုနစ်ထောင်ကျော်ဖိုး ဆုံးရှုံးမှုရှိခဲ့တယ်လို့ စစ်ကိုင်းတိုင်း မီးသတ်ဦးစီးဌာနကနေ သိရပါတယ်။

ရခိုင်ပြည်နယ်က လူ့အခွင့်အရေး ချိုးဖောက်မှုတွေအတွက် ဆန္ဒပြခဲ့ကြတဲ့ ဗကသကျောင်းသားတွေထဲက ဖမ်းမိထားတဲ့ ဘုန်းမြင့်ကျော်ကို ဇန်နဝါရီလ ၁၂ ရက်နေ့က အောင်မြေသာစံမြို့နယ်တရားရုံးမှာ ရုံးထုတ်စစ်ဆေးခဲ့ပါတယ်။

ချောက်မြို့ရှိ မြို့မဈေးတွင် ဇန်နဝါရီလ ၁၂ ရက်နေ့ နံနက်ပိုင်းက မြို့နယ်မီးသတ်ဦးစီးဌာနနှင့် ဌာနပေါင်းစုံ၊ လူမှုကူညီရေးအသင်းများ ပါဝင်သော မီးဘေးကြိုတင်ကာကွယ်ရေး သရုပ်ပြဇာတ်တိုက်ခြင်းများ ဆောင်ရွက်ခဲ့သည်။

ယင်းမာပင်ခရိုင် ကနီမြို့နယ် အလောင်းတော်ကဿပ စံကျောင်းတော်သို့ သွားရာလမ်းရှိ သပိတ်ဆေးချောင်း ချောင်းကူးတံတားတည်ဆောက်နေမှုမှာ လာမည့်မတ်လအတွင်း ပြီးစီးမည်ဖြစ်ကြောင်း တံတားတည်ဆောက်နေသည့် မိုးမြင့်အာကာကုမ္ပဏီထံမှ သိရသည်။

ပလိပ်မြို့အတွင်း ဆင်းရဲနွမ်းပါးအိမ်ထောင်စုဝင်များအတွက် ကိုဗစ်ထောက်ပံ့ကြေး ကျပ်သိန်း ၄၀ဝ ကျော်ကို ရာအိမ်မှူးမှတစ်ဆင့် ပေးအပ်ခဲ့သည်။

ပို့ဆောင်ရေးနှင့် ဆက်သွယ်ရေးဝန်ကြီးဌာန၊ လေကြောင်းပို့ဆောင်ရေး ညွှန်ကြားမှုဦးစီးဌာန အထွေထွေမန်နေဂျာဖြစ်သူ ဦးစိုးပိုင်ကို အဂတိအမှု ဖြင့် အရေးယူထားသည်။

နိုင်ငံတော် အကြည်ညိုပျက်စေမှု ပုဒ်မဖြင့် တရားစွဲဆိုခံရသူ ဦးဝီရသူက ၎င်း၏အမှုကို တရားရုံးထုတ်မစစ်ဆေးသဖြင့် ဆွမ်းတစ်နပ်သာစားပြီး အကျဉ်းထောင်အတွင်း ဆန္ဒထုတ်ဖော်ခဲ့ကြောင်း ၎င်းအား ဝန်းရံသူများထံမှ သိရသည်။

မကြာမီကာလအတွင်း အသစ်ပြန်လည်ရွေးချယ်မည့် ရပ်ကျေးအုပ်ချုပ်ရေးမှူးများ ရွေးချယ်ရေးကိစ္စများကို သက်ဆိုင်ရာတိုင်းဒေသကြီး၊ ပြည်နယ် ဝန်ကြီးချုပ်များ၏ ကြီးကြပ်မှုဖြင့် ဆောင်ရွက်သွားမည်ဖြစ်ကြောင်း ပြည်ထောင်စုအစိုးရအဖွဲ့ရုံး ဝန်ကြီးဌာန၊ ပြည်ထောင်စုဝန်ကြီး ဦးမင်းသူက ဇန်နဝါရီလ ၁၂ ရက်နေ့တွင် ၎င်း၏ လူမှုကွန်ရက်စာမျက်နှာမှ တစ်ဆင့် ပြောကြားထားသည်။

NLD ပါတီ တိုင်းရင်းသားနိုင်ငံရေးပါတီများနှင့် တွေ့ဆုံရေးကိုယ်စားလှယ်အဖွဲ့နှင့် ကယားပြည်နယ်ဒီမိုကရက်တစ်ပါတီတို့သည် တွေ့ဆုံမည့်နေရာ ညှိနှိုင်းမှု အဆင်မပြေသဖြင့် တွေ့ဆုံဆွေးနွေးပွဲပျက်သွားကြောင်း ကယားပြည်နယ် ဒီမိုကရက်တစ်ပါတီ အထွေထွေအတွင်းရေးမှူး ဦးခူးသဲရယ်က အတည်ပြုပြောကြားသည်။

ပြည်ထောင်စုလွှတ်တော်အထူးအစည်းအဝေးခေါ်ရန် မလိုအပ်ဟု ပြည်ထောင်စု လွှတ်တော်နာယကထံမှ တရားဝင် ထုတ်ပြန်ပြောကြားလိုက်သည်။

၂၀၂၀ ပြည့်နှစ်၊ နိုဝင်ဘာလ(၈) ရက်နေ့တွင် ကျင်းပပြီးစီးခဲ့သည့် ပါတီစုံအထွေထွေရွေးကောက်ပွဲတွင် မဲစာရင်း အမှားအယွင်းများရှိခဲ့သဖြင့် မဲမသမာမှုများရှိနိုင်ကြောင်း တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က တရုတ်နိုင်ငံခြားရေးဝန်ကြီး မစ္စတာဝမ်ယိနှင့် တွေ့ဆုံစဉ်ပြောကြားခဲ့သည်။