မန္တလေးနန်းမြို့ဧရိယာအတွင်းရှိ မြနန်းစံကျော်နန်းတော်သို့ လာရောက်လည်ပတ်မည့် ဧည့်သည်များဝင်ရောက်ခွင့်ကို မတ်လ ၂၄ ရက် နံနက်ပိုင်းမှစတင်၍ တားမြစ်လိုက်ပြီဖြစ်သည်။

မိတ္ထီလာခရိုင်အတွင်း ကုန်စည်ဖြန့်ဖြူးရောင်းဝယ်ရာ အဓိကဈေးကြီးဖြစ်သော မိတ္ထီလာမြို့မဈေးကြီးတွင် မတ်လ ၂၄ ရက်နေ့ နံနက်ပိုင်းမှစ၍ နယ်ဘက်မှဒေသခံများက အခြေခံစားသောက်ကုန်၊ ကုန်ခြောက်နှင့်ဆေးဝါးများ အလုအယက် ဝယ်ယူနေကြသဖြင့် ကုန်စည်အချို့ဈေးတက်သွားပြီး ပစ္စည်းပြတ်လပ်ခြင်းနှင့် ကြုံတွေ့နေသဖြင့် တာဝန်ရှိသူများက ကွင်းဆင်းဖြေရှင်းပေးခဲ့ရကြောင်း ဈေးသူဈေးသားများထံမှ စုံစမ်းသိရှိရသည်။

ထားဝယ်မြို့ရှိ လေယာဉ်ကွင်း၊ အဝေးပြေးကွင်းနှင့် ဘုရားကြီးဝင်းအတွင်းတွင် မတ်လ ၂၅ ရက်(ယနေ့ညဦးပိုင်း)တွင် ကလိုရင်း ပိုးသတ်ဆေးဖြန်းမည်ဖြစ်ကြောင်း COVID-19 ထိန်းချုပ်ကာကွယ်ရေး ထားဝယ်ဒေသ လူထုအခြေပြု အထောက်အကူပြုအဖွဲ့ထံမှ သိရသည်။

ပဲခူးစက်မှုဇုန်ရှိ စက်ရုံတစ်ရုံတွင် မတ်လ ၂၄ ရက်နေ့ မွန်းလွဲပိုင်းက တရုတ်နိုင်ငံသားတစ်ဦး ကိုရိုနာဗိုင်းရပ်စ်ဖြင့် လဲကျ‌ပြီး ဆေးရုံပို့လိုက်ရသည့်သတင်းမှာ မဟုတ်ကြောင်း ပဲခူးစက်မှုဇုန် စီမံခန့်ခွဲရေးကော်မတီ အတွင်းရေးမှူး ဦးဟိန်းထက်က ပြောကြားသည်။

ဧရာဝတီတိုင်းဒေသကြီး၊ ဓနုဖြူမြို့နယ်ရှိ တရားလွှတ်တော်ရှေ့နေ ဦးကောင်းမြတ်ထက်နိုင်နှင့် မြို့နယ်တရားရုံးမှ အငယ် တန်းစာရေးဖြစ်သူ ဒေါ်တင်တင်ရွှေတို့ကို အဂတိလိုက်စားမှု တိုက်ဖျက်ရေးဥပဒေပုဒ်မဖြင့် အမှုဖွင့် အရေးယူထားကြောင်း မတ် ၂၄ ရက်က အဂတိလိုက်စားမှုတိုက်ဖျက်ရေးကော်မရှင်ထံမှ သတင်းထုတ်ပြန်ခဲ့သည်။

ပြည်သူများအကြား စိုးရိမ်ထိပ်လန့်နေသည့် ကိုရိုနာဗိုင်းရပ်စ် COVID-19 ပြသနာကိုဖြေရှင်းနိုင်ရန် ရည်ရွယ်၍ ပဲခူးမြို့နယ်အတွင်းရှိ ဒေသခံများလိုအပ်နေသည့် ကုန်ပစ္စည်းများကို အိမ်တိုင်ယာရောက် ဝယ်ယူပို့ဆောင်ပေးမည်ဖြစ်ကြောင်း ပဲခူးမြို့ခံ အရပ်ဖက် အဖွဲ့အစည်းများထံမှ သိရှိရသည်။

ကျန်းမာရေးနှင့် အားကစားဝန်ကြီးဌာနမှ Covid-19 ရောဂါပိုး တွေ့ရှိကြောင်း ကြေညာချက်ထုတ်ပြန်ပြီးနောက် စက်မှုဇုန်ရှိ အလုပ်သမားများ ရောဂါကူးစက်မခံရရေးအတွက် စက်ရုံအလုပ်ရုံများ ယာယီပိတ်သိမ်းရေးနှင့် လုပ်အားခပေးချေရေးတို့ကို သုံးပွင့်ဆိုင်ဆွေးနွေးသွားမည်ဖြစ်ကြောင်း မြန်မာနိုင်ငံစက်မှုလက်မှုနှင့် ဝန်ဆောင်မှုလုပ်ငန်းပေါင်းစုံ အလုပ်သမားသမဂ္ဂများအဖွဲ့ချုပ် အထွေထွေ အတွင်းရေးမှူးချုပ် ဦးသက်နှင်းအောင်က ပြောကြားသည်။

မြန်မာနိုင်ငံတွင် ကိုရိုနာဗိုင်းရပ်စ်ကူးစက်သူ ၂ ဦး စတင်တွေ့ရှိပြီဖြစ်သည့်အတွက် လက်ရှိဖြေဆိုနေသည့် တက္ကသိုလ်စာမေးပွဲများ၊ တက္ကသိုလ်ဝင်စာမေးပွဲ အဖြေလွှာစစ်ဆေးခြင်းလုပ်ငန်းများကို ရပ်ဆိုင်းလိုက်ပြီဖြစ်ကြောင်း အဆင့်မြင့်ပညာ ဦးစီးဌာနထံမှသိရသည်။

ပဲခူးတိုင်း တောင်ငူမြို့နယ်အတွင်းရှိ ရပ်ကွက်၊ ကျေးရွာများနှင့်လမ်းမများပေါ်တွင် အသံချဲ့စက်အသုံးပြုနေသူများ အနေနှင့် ခွင့်ပြုချက် မတောင်းခံပါက ရပ်/ကျေး အုပ်ချုပ်ရေးမှူးများက တရားစွဲဆိုမည် ဖြစ်သည်ဟု တောင်ငူမြို့နယ် အထွေထွေအုပ်ချုပ်ရေးမှူးရုံးက မတ်လ၂၃ ရက်နေ့တွင် ထုတ်ပြန်သည်။

ရခိုင်လက်နက်ကိုင်အဖွဲ့ (AA) ကို အကြမ်းဖက်အုပ်စုအဖြစ် မတ်လ ၂၃ ရက်နေ့က ပြည်ထောင်စုအစိုးရအဖွဲ့က ကြေညာချက် ထုတ်ပြန်ခဲ့သည်။

Covid-19 ကြိုတင်ကာကွယ်ရေးနှင့် ကူးစက်ပျံ့နှံ့မှုမဖြစ်စေရန် က.ည.န ရုံးများအားလုံး မတ်လ၂၅ ရက်နေ့မှစတင်ကာ လုပ်ငန်းဆောင်ရွက်မှု ယာယီရပ်နားမည်ဖြစ်ကြောင်း ကုန်းလမ်းပို့ဆောင်ရေးညွှန်ကြားမှုဦးစီးဌာနမှ ညွှန်ကြားရေးမှူးဦးသိန်းထွဋ် ကပြောကြားသည်။

မကွေးတိုင်း ချောက်မြို့ရှိ မြို့မဈေးအတွင်း ရောင်းချနေသောဈေးသည်များနှင့် ဈေးဝယ်သူများကို ကိုယ်အပူချိန်တိုင်းကိရိယာဖြင့် တိုင်းတာမည်ဖြစ်ကာ သတ်မှတ်ထားရှိသော ကိုယ်အပူချိန်ထက် ကျော်လွန်ပါက ဈေးရောင်းချခြင်းနှင့် ဈေးဝယ်ခြင်း ခွင့်ပြုပေးမည်မဟုတ်ကြောင်း ချောက်မြို့နယ် စည်ပင်သာယာရေးအဖွဲ့အမှုဆောင်အရာရှိ ဦးနေမန်းက ပြောဆိုသည်။

အမေရိကန်ပြည်ထောင်စုတွင် နိုင်ငံတစ်ဝန်း ကိုရိုနာဗိုင်းရပ်စ်ကူးစက်ပြန့်ပွားမှုနှုန်း မြင့်တက်လျက်ရှိရာ ပြည်နယ်အသီးသီးမှ အုပ်ချုပ်ရေးမှူးများက ၎င်းတို့ ပြည်နယ်များမှ အမေရိကန်ပြည်သူများအနေနှင့် နေအိမ်အပြင်မထွက်ကြရန် အမိန့်ထုတ်ပြန်လိုက်ကြကြောင်း Reuters သတင်းဌာနက ရေးသားဖော်ပြသည်။

မိတ္ထီလာမြို့ အထွေထွေရောကုဆေးရုံကြီး အထူးရောဂါကုသဆောင်တွင် တက်ရောက်နေသော COVID-19 စောင့်ကြည့်လူနာနှင့် လူနာစောင့်တို့၏ လက်ကိုင်ဖုန်းများ အခိုးခံလိုက်ရသည်ကို မတ်လ (၂၅) ရက်နေ့ မနက် (၃)နာရီ ဝန်းကျင်ခန့်က သိရကြောင်း ကာယကံရှင် မိသားစုဝင်များထံစုံစမ်းသိရှိရသည်။

ယခုအခါ ကမ္ဘာတစ်ဝန်းတွင် ကိုရိုနာဗိုင်းရပ်စ်ကြောင့် သေဆုံးသူ ၁၆,၅၀ဝ ကျော်သို့ရောက်ရှိပြီး ကူးစက်ခံရသူ ၃၈၀,ဝ၀ဝ ထိရောက်ရှိသွားပြီဖြစ်ရာ ကမ္ဘာ့နိုင်ငံအသီးသီးတွင် ပြည်သူများအား နေအိမ်ထဲတွင်သာနေထိုင်ကြရန် ကျန်းမာရေးအာဏာပိုင်များက တိုက်တွန်းထားကြောင်း သတင်းဌာနများ၏ ရေးသားဖော်ပြချက်အရ သိရသည်။