ကိုရိုနာ Covid 19 ဗိုင်းရပ်စ်ရောဂါ မပြန့်ပွားစေရေး ရေးအတွက်တိုင်းဒေသကြီးအတွင်းရှိ စားသောက်ဆိုင် အားလုံး ပါဆယ်စနစ်ဖြင့်ရောင်းချကြရန် တိုင်းအစိုးရက ညွှန်ကြားလိုက်သည်။

ကိုရိုနာဗိုင်းရပ်စ်ဂယက်ကြောင့် တနင်္သာရီတိုင်းအတွင်း ဆန်မပြတ်စေရေး အာမခံကြောင်း စားသုံးသူရေးရာ ဦးစီးဌာန တိုင်းဒေသကြီးဦးစီးမှူး ဦးဝင်းထွန်းက ပြောသည်။

ကချင်ပြည်နယ်တွင် ဖရဲ၊ ငှက်ပျောလုပ်ငန်းများ တရားမဝင်လုပ်ကိုင်နေသည့် တရုတ်နိုင်ငံသားများကို ကျန်းမာရေးစစ်ဆေးပေးရန်နှင့် တရားမဝင်နေထိုင်သူများကို စိစစ်အရေးယူရန် အပါအဝင် အချက် ၇ ချက်ကို အရပ်ဘက်အဖွဲ့အစည်း ၃၀ ကျော်က နိုင်ငံတော်သမ္မတထံ တောင်းဆိုလိုက်သည်။

ရှမ်းပြည်နယ် (အရှေ့ပိုင်း) ကျိုင်းတုံမြို့ရှိ မြို့မဈေးအတွင်း ကိုရိုနာဗိုင်းရပ်ရောဂါ ကူးစက်မှုမဖြစ်ပေါ်စေရန် မတ်လ ၂၆ ရက်ကစတင်၍ ဈေးအတွင်းသို့ ဝင်ရောက်လိုသူများကို လက်ဆေးပြီးမှသာ ဝင်ရောက်ခွင့်ပြုမည်ဖြစ်ကြောင်း ယင်းမြို့နယ်စည်ပင်သာယာရေးဌာနမှ အမှု ဆောင်အရာရှိ ဦးကျော်မင်းထိုက်က ပြောကြားသည်။

အခြေခံပညာကျောင်းများနှင့် တက္ကသိုလ်ကောလိပ်များတွင် စောင့်ကြည့်လူနာများထားရှိရန် တိုင်းဒေသကြီးအစိုးရအဖွဲ့များက အကူအညီတောင်းခံလာပါက ခွင့်ပြုပေးမည်ဖြစ်ကြောင်း အခြေခံပညာဦးစီးဌာန ညွှန်ကြားရေးမှူးချုပ် ဦးကိုလေးဝင်း က ပြောကြားသည်။

COVID-19 ကပ်ရောဂါဘေးကြောင့် အမေရိကန်ပြည်ထောင်စုတွင် အဆိုးဆုံးစီးပွားရေးပြဿနာကို ရင်ဆိုင်နေချိန်တွင် စီးပွားရေးကို ပြန်လည်ကုစားရန်အတွက် ဒေါ်လာ ၂ ထရီလီယံ အသုံးပြုမည်ဖြစ်ကြောင်း ဆီးနိတ်လွှတ်တော်က တညီတညွတ်တည်း သဘောတူလိုက်ကြောင်း သတင်းများက ဖော်ပြထားသည်။

ယခုအခါ ကမ္ဘာတစ်ဝန်းတွင် မတ်လ ၂၆ ရက်နေ့အထိ ကိုရိုနာဗိုင်းရပ်စ်ကြောင့် သေဆုံးသူဦးရေ ၂၁,ဝ၀ဝ ကျော်သို့ ရောက်ရှိသွားပြီဖြစ်ရာ ယင်းဗိုင်းရပ်စ်တိုက်ဖျက်ရေးနှင့်ပတ်သက်၍ ကမ္ဘာ့ခေါင်းဆောင်များက အွန်လိုင်းမှနေ၍ တွေ့ဆုံဆွေးနွေးမှု ပြုလုပ်ရန် စီစဉ်လျက်ရှိကြောင်း AFP သတင်းဌာနကရေးသားဖော်ပြသည်။

အမေရိကန်ပြည်ထောင်စုတွင် ကိုရိုနာဗိုင်းရပ်စ်ကြောင့် ဗုဒ္ဓဟူးနေ့က သေဆုံးသူ ၂၀ဝ ကျော်ရှိခဲ့ရာ တစ်ရက်တည်း သေဆုံးသူအများဆုံး စံချိန်တင်ခဲ့ကြောင်းနှင့် အမေရိကန်တစ်နိုင်ငံလုံးတွင် ရောဂါကူးစက်ခံထားရသူ ၇၀,ဝ၀ဝ ကျော်ရှိကြောင်း သတင်းဌာနများက ရေးသား ဖော်ပြသည်။

ကမ်းဝေးငါးဖမ်း/ငါးသယ် ရေယာဉ်အချို့သည် တားမြစ်ငါးဖမ်း ဧရိယာများအတွင်းဝင်ရောက်ငါးဖမ်းဆီးသည်ကို စိစစ်တွေ့ရှိရသောကြောင့် စည်းကမ်းဖောက်ဖျက်သည့်ရေယာဉ်ပိုင်ရှင်များကို စာနှင့်သတိပေးသွားမည်ဖြစ်ကြောင်း စိုက်ပျိုးရေး မွေးမြူရေးနှင့် ဆည်မြောင်းဝန်ကြီးဌာန၊ ငါးလုပ်ငန်း ဦးစီးဌာနထံမှ သိရသည်။

ကျွဲ၊ နွားများကို အရေးကြီးကုန်စည်အဖြစ် သတ်မှတ်ခြင်းနှင့် ကျွဲ ၊ နွား များကို ပြည်တွင်း၌ သယ်ဆောင်ခြင်းဆိုင်ရာ အမိန့်ထုတ်ပြန်ချက်နှင့်ပတ်သက်၍ ပြန်လည်သုံးသပ်ပေးရန် မြန်မာနိုင်ငံမွေးမြူရေးလုပ်ငန်းအဖွဲ့ချုပ် (မန္တလေး)က အမျိုးသားလွှတ်တော် ၊ စိုက်ပျိုးရေး၊ မွေးမြူရေးနှင့် ရေလုပ်ငန်းဖွံ့ဖြိုးတိုးတက်ရေးကော်မတီထံ တင်ပြထားကြောင်း ယင်းအဖွဲ့ချုပ်ထံမှ သိရသည်။

ကိုရိုနာဗိုင်းရပ်စ် (COVID-19)ရောဂါ ကူးစက်ပြန့်ပွားမှု ကာကွယ်ထိန်းချုပ် ကုသနိုင်ရေးဆောင်ရွက်လျက်ရှိသော ဌာနဆိုင်ရာအဖွဲ့အစည်းများ၊ သက်ဆိုင်ရာ ဒေသအုပ်ချုပ်ရေးအဖွဲ့အစည်းများနှင့်အတူ ပြည်နယ်လွှတ်တော်ကိုယ်စားလှယ်များ ပူးပေါင်းဆောင်ရွက်ရန် ကရင်ပြည်နယ်လွှတ်တော်ဥက္ကဋ္ဌက ညွှန်ကြားထားသည်။

ကိုရိုနာဗိုင်းရပ်စ်ကြောင့် က.ည.န ရုံးများအားလုံး လုပ်ငန်းဆောင်ရွက်မှု ယာယီရပ်နားစဉ်ကာလအတွင်း မော်တော်ယာဉ် သက်တမ်းပြည့်သည့်ယာဉ်များကို ယာဉ်ထိန်းရဲများအနေနှင့် ဖမ်းဆီးမည်မဟုတ်ကြောင်း ကုန်းလမ်းပို့ဆောင်ရေးညွှန်ကြားမှုဦးစီးဌာနမှ ညွှန်ကြားရေးမှူးဦးသိန်းထွဋ်က ပြောကြားသည်။

ဧရာဝတီတိုင်းဒေသကြီး၊ ပုသိမ်မြို့အမှတ် ၁၃ ရပ်ကွက်မှ စက်မှုဇုန်ရှိ မြန်မာနစ်တင်းအထည်ချုပ်စက်ရုံက အလုပ်သမား ၂၉၀ဝ နီးပါးကို အလုပ်မှရပ်နားလိုက်ကြောင်း ယင်းစက်ရုံအလုပ်သမားသမဂ္ဂထံမှ သိရသည်။

မကွေးတိုင်းဒေသကြီး၊ ချောက်မြို့ပေါ်တွင်ရှိသော ဆေးရုံနှစ်ရုံ၊ လူမူကူညီရေးပရဟိအသင်းအဖွဲ့များကို စေတနာရှင်ပြည်သူများက မတ်လ ၂၆ ရက်နေ့ နံနက်ပိုင်းက PPE ဝတ်စုံ ၁၀ဝ စုံကို လိုက်လံပေးအပ်လှူဒါန်းသည်ဟု စေတနာရှင် ဦးမိုးကျော်က ပြောဆိုသည်။

နိုင်ငံတော်သမ္မတရုံးက ညွှန်ကြားသည့် ဌာနဆိုင်ရာဝန်ထမ်းများအား ထက်ဝက်လျှော့ချပြီး တာဝန်ထမ်းဆောင်စေသည့် အစီအစဉ်တွင် ကျန်းမာရေးနှင့်အားကစားဝန်ကြီးဌာန မပါဝင်ဘဲဝန်ထမ်းအားလုံး မူလတာဝန်ထမ်းဆောင်ရမည်ဖြစ်ကြောင်း ပြည်သူ့ဆေးရုံများမှ စုံစမ်း သိရှိရသည်။