News

POST TYPE

NEWS

တောင်ကိုရီးယား ခြစားမှု အရှုပ်တော်ပုံအတွက် စီးပွားရေး လုပ်ငန်းရှင်ကြီးများကို လွှတ်တော်သို့ ခေါ်ယူကြားနာ

ဆိုးလ်၊ ဒီဇင်ဘာ ၆

တောင်ကိုရီးယား ခြစားမှု အရှုပ်တော်ပုံကြီး စုံစမ်း စစ်ဆေးမှု၏ တစ်စိတ်တစ်ဒေသအဖြစ် နိုင်ငံတွင် အကြီးဆုံး စီးပွားရေးလုပ် ငန်းစုကြီးများ၏ ခေါင်းဆောင်များကို လွှတ်တော်သို့ ခေါ်ယူ ကြားနာခဲ့ပြီး ရုပ်သံမှ တိုက်ရိုက် ထုတ်လွှင့်ခဲ့ကြောင်း BBC သတင်း ဌာနက ဖော်ပြသည်။

ဆမ်ဆောင်း၊ ဟွန်ဒိုင်းမော်တာနှင့် အခြား လုပ်ငန်းစုကြီး ခြောက်ခုသည် အခွင့်အရေး ရရှိရန်အလို့ငှာ သမ္မတ ပတ်ဂွမ်ဟီးနှင့် အချိတ်အဆက် ရှိသော ရန်ပုံငွေ အဖွဲ့များကို ဒေါ်လာ သန်းနှင့်ချီ ပေးအပ်ခဲ့သည်ဟု စွပ်စွဲ ခံထားရသည်။ 

သမ္မတ ပတ်ဂွမ်ဟီး ကိုယ်တိုင်လည်း ယခု အရှုပ်တော်ပုံအတွက် စွပ်စွဲ ပြစ်တင်နိုင်ရေး စစ်ဆေးမှုနှင့် ရင်ဆိုင်နေရသည်။ သမ္မတ နုတ်ထွက်ပေးရန် ဆန္ဒပြပွဲကြီးများလည်း ပိတ်ရက်များတွင် ဆက်တိုက် ဖြစ်ပွားလျက် ရှိသည်။

စီးပွားရေး လုပ်ငန်းစုကြီးများ၏ အဓိက တာဝန်ရှိသူများကို ပါတီစုံမှ အမတ်များ ပါဝင်သော ကော်မတီက ခေါ်ယူ စစ်မေးခဲ့ခြင်း ဖြစ်သည်။ 

အဆိုပါ ကော်မတီတွင် ပြစ်ဒဏ် ချမှတ်ရန် အခွင့်အာဏာ မရှိသော်လည်း ကော်မတီ ဥက္ကဋ္ဌက ယခု ကြားနာမှုသည် တောင်းပန်မှုပြုရန် နေရာ တစ်ခုဖြစ်ကြောင်း ပြောကြားထားသည်။

စီးပွားရေး လုပ်ငန်းစုကြီးများ အားလုံး လိုလိုသည် သမ္မတပတ်၏ မိတ်ဆွေဖြစ်သူ နတ်ဆရာမဟု စွပ်စွဲခံရသူ ချွိုင်ဆွန်ဆီလ်၏ အကျိုးအမြတ် မယူသော ဖောင်ဒေးရှင်းများသို့ လှူဒါန်းမှုကြီးများ ပြုလုပ်ခဲ့ကြသည်။ ချွိုင်ကိုလည်း ခြိမ်းခြောက် တောင်းခံခြင်းနှင့် မသမာမှု ပြုလုပ်ရန် ကြိုးပမ်းခြင်းတို့ဖြင့် စွဲချက် တင်ထားသည်။

နိုင်ငံရေးအရ မျက်နှာသာ ပေးခံရစေရန် အတုံ့အလှည့် အနေနှင့် ယခုကဲ့သို့ လှူဒါန်းမှုများ ပြုလုပ်ခဲ့သည်ဟု အစိုးရ ရှေ့နေများက စွပ်စွဲထားပြီး ယင်းလုပ်ငန်းစုကြီးများနှင့် ဆက်စပ် အစိုးရ အဖွဲ့အစည်းများကိုလည်း အကြိမ်ကြိမ် စီးနင်း ရှာဖွေမှုများ ပြုလုပ်ခဲ့သည်။

ယခု အရှုပ်တော်ပုံတွင် သမ္မတပတ် ကိုယ်တိုင်ကြံရာပါအဖြစ် ပါဝင်နေသည်ဟု စွပ်စွဲခံထားရသော်လည်း သမ္မတဘက်မှ ငြင်းဆိုထားသည်။

လွှတ်တော်တွင် လာရောက် ဖြေဆိုခဲ့ရသည့် လုပ်ငန်းစုကြီးများ၏ အကြီးအကဲများမှာ ပုံမှန်အားဖြင့် လူရှေ့ ထွက်လေ့ မရှိဘဲ နောက်ကွယ်တွင်သာ ကြိုးကိုင် ချယ်လှယ်သူများဖြစ်သည်ဟု BBC ၏ ဆိုးလ်သတင်းထောက် စတီဖင်အီဗန်စ်က သုံးသပ်သည်။ 

ယခု ကြားနာမှုတွင် ညာဘက်လက်များ မြှောက်ပြီး အမှန်ကို ဖြေဆိုပါမည်ဟု ကျမ်းကျိန်ခဲ့ရသလို အလေ့အကျင့် မရှိသည့် ပုံမှန်အားဖြင့် ရိုင်းပြသည်ဟု ထင်စရာရှိသော မေးခွန်းများကိုပါ ဖြေဆို ပေးခဲ့ရသည်။ 

သတင်းထောက်များကိုပါ အနီးကပ် သတင်းရယူ၊ ဓာတ်ပုံ ရိုက်ခွင့်ပေးထားခဲ့သလို တစ်နိုင်ငံလုံး တိုက်ရိုက် ထုတ်လွှင့်ခဲ့သည်။

ဆမ်ဆောင်းအုပ်စု၏ ယာယီ ဦးဆောင်သူဖြစ်သော လီဂျေယောင်းမှာ မေးခွန်းများအတွက် မသက်မသာ ဖြစ်နေပုံကို ဖုံးကွယ်နိုင်ခဲ့ခြင်း မရှိခဲ့ပေ။ အိပ်ရာထဲ လဲနေသည့် ဖခင်ဖြစ်သူအကြောင်း ရည်ညွှန်း ပြောကြားချိန်တွင် မျက်ရည် ဝဲနေခဲ့သည်။ 

အမွေခွန် မည်မျှ ဆောင်ထားပါသနည်းဆိုသော မေးခွန်းကို သူ မသိဟုသာ ဖြေကြားသွားခဲ့သည်။ သမ္မတ၏ မိတ်ဆွေ ထိန်းချုပ်ထားသော ရန်ပုံငွေ အဖွဲ့များကို လှူဒါန်းမှုနှင့် ပတ်သက်၍လည်း ခုခံ ပြောကြားခဲ့သည်။ 

သူ့ကုမ္ပဏီသည် အများကောင်းကျိုး လုပ်သည်ဟု ယူဆသည့် အဖွဲ့အစည်းများကို မကြာခဏ လှူဒါန်းလေ့ရှိကြောင်း ဖြေဆို သွားခဲ့သည်။

ယခုကြားနာမှုတွင် လွှတ်တော် အမတ်များမှာ လီဂျေယောင်းကို အဓိက ထား မေးခွန်း ထုတ်ခဲ့ကြသည်။ ဆမ်ဆောင်း အုပ်စုအတွင်း လီဂျေယောင်း၏ အင်အား ခိုင်မာသွားစေသည့် အငြင်းပွားဖွယ် ကုမ္ပဏီခြင်း ပေါင်းစပ်မှု တစ်ခုအတွက် ထောက်ခံမှုရစေရန် အပြန်အလှန် အနေနှင့် လှူဒါန်းမှုများ ပြုလုပ်ခဲ့သည်ဟု စွပ်စွဲခံ ထားရသည်။

“ယဉ်ကျေးမှုနဲ့ အားကစား အပါ အဝင် လူ့အဖွဲ့အစည်း ကဏ္ဍစုံကနေ ဒီလိုမျိုး အလှူခံတာတွေ ရှိတတ်ပါတယ်။ ကျွန်တော်တို့ တစ်ခါမှ အကျိုးလိုလို့ ညောင်ရေလောင်းခဲ့တာ (quid pro quo) မျိုး မရှိခဲ့ပါဘူး။ ဒီဖြစ်စဉ်မှာလည်း အတူတူပါပဲ”ဟု လီက ပြောကြားခဲ့သည်။

ချီဘိုးလ်ဟု ထင်ရှားသည့် တောင် ကိုရီးယား၏ မိသားစု အနည်းငယ်ကသာ ချုပ်ကိုင်ထားသော လုပ်ငန်းစုကြီးများမှာ ဘဝင်မြင့်ကာ ဥပဒေကို လက်တစ်လုံးခြား လုပ်နေကြသူများအဖြစ် ဝေဖန်ခံနေရပြီး တောင်ကိုရီးယား ပြည်သူ အများစု၏  အမျက်ဒေါသနှင့် ရင်ဆိုင်နေရသည်။

အရှုပ်တော်ပုံကြောင့် ရာထူးမှ နုတ်ထွက်ရန် တောင်းဆိုခံနေရသည့် သမ္မတ ပတ်သည် သူ မည်သည့်အချိန်တွင် မည်သည့် ပုံစံဖြင့် ရာထူးမှ ဆင်းပေးရမည်ဆိုခြင်းကို လွှတ်တော်ကသာ ဆုံးဖြတ်ပေးပါရန် ပြီးခဲ့သည့်အပတ်က တောင်းဆိုခဲ့သည်။ 

F-03