News

POST TYPE

NEWS

ရန်ကုန်မြို့၏ အကြီးဆုံး လူကူးခုံးကျော်တံတား ၉၀ ရာခိုင်နှုန်း ပြီးစီး
14-Jan-2020
ရန်ကုန်၊ ဇန်နဝါရီ ၁၄
 
ရန်ကုန်မြို့၏ အကြီးဆုံးလူကူးခုံးကျော်တံတားဖြစ်သော နာနတ်တော - ဘုရင့်နောင် လေးလမ်းဆုံ လူကူးခုံး ကျော်တံတားကို ဆောက်လုပ်လျက်နေသည်မှာ ၉၀ ရာခိုင်းနှုန်ထိ ဆောက်လုပ်ပြီးစီးနေပြီဖြစ်ကြောင်း ရန်ကုန်မြို့တော်စည်ပင်သာယာရေးကော်မတီ၊ အင်ဂျင်နီယာဌာန (လမ်းနှင့်တံတား) မှ ဌာနမှူးဦးလင်းခိုင်က ပြောကြားသည်။ 
 
“၉၀ ရာခိုင်နှုန်းအထိ ပြီးစီးနေပြီ၊ နောက်ပိုင်း ဆောက်လုပ်တဲ့ ခုံးကျော်တံတားတွေမှာ စက်လှေကားတွေ ပါတပ်ဆင်ဆောင်ရွက်နေပါတယ်။ step တွေကအများကြီး၊ တံတားတင် မဟုတ်ဘူး၊ အောက်ခြေတွေပါလုပ်ရတယ်။ နေ့ရောညရောဆောင်ရွက်နေပါတယ်” ဟု ၎င်းက ဆိုသည်။

အဆိုပါ လမ်းဆုံတွင် နေ့စဉ်လမ်းဖြတ်ကူးသည့်လူဦးရေများပြားခြင်းနှင့် ကွန်တိန်နာယာဉ်များ ဖြတ်သန်းသွားလာမှုရှိသည့်အပြင် ဘုရင့်နောင်လမ်း၊ လှည်းတန်းလမ်း၊ နာနတ်တောလမ်းနှင့် အောက်ကြည့်မြင်တိုင်လမ်းများ ဆုံသည့် နေရာဖြစ်သည့်အပြင် ရဲစခန်း၊ စာသင်ကျောင်း၊ စာသင်တိုက်၊ ဆေးရုံနှင့် ဆင်မလိုက်ဈေးသို့ ဖြတ်သန်းသွားလာရာ နေရာဖြစ်သည်။
 
နာနတ်တော - ဘုရင့်နောင် လေးလမ်းဆုံလူကူးခုံးကျော်တံတားကို ၂၀၁၉ ခုနှစ် မက်လတွင် စတင်တည်ဆောက်ခဲ့ပြီး တံတားမှာ (၅၂၅) ပေ (၁၁) ပေရှည်လျားကာ ယာဉ်ကင်းလွတ်အမြင့်မှာ (၂၀) ပေရှိပြီး ဖေဖော်ဝါရီလအတွင်း ဖွင့်လှစ်ရန် ခန့်မှန်းထားကြောင်း ရန်ကုန်မြို့တော်စည်ပင်သာယာရေးကော်မတီမှ သိရသည်။
 
လက်ရှိ ရန်ကုန်မြို့တွင် လူကူးခုံကျော်တံတား ၂၁ ခု ရှိပြီး ယင်းလူကူးခုံးကျော်တံတားများတွင် ၆ ခုမှာ စက်လှေကားပါရှိသည်။
 
J-10