News

POST TYPE

NEWS

ဒုံးကျည်နှင့် နျူစမ်းသပ်မှု ဆိုင်းငံ့ထားခြင်းအား အဆုံးသတ်လိုက်ပြီဟု ကင်ဂျုံအန်ကြေညာ
01-Jan-2020


ပြုံးယမ်း၊ ဇန်နဝါရီ ၁

အမေရိကန်ပြည်ထောင်စုနှင့် ဆွေးနွေးစဉ် နျူကလီးယားနှင့် တာဝေးပစ်ဒုံးကျည်များ စမ်းသပ်မှုကို ဆိုင်းငံ့ပေးထားခြင်းအား ရပ်ဆိုင်းလိုက်ပြီဟု မြောက်ကိုရီးယားခေါင်းဆောင် ကင်ဂျုံအန်က ပြောကြားလိုက်သည်။

မြောက်ကိုရီးယားအနေဖြင့် မဟာဗျူဟာအသစ် လက်နက်တစ်ရပ်ကို ပြသသွားမည်ဟုလည်း ပြောဆိုခဲ့သည်။

ဆွေးနွေးရန်အတွက် တံခါးဖွင့်ထားဆဲဖြစ်ပါကြောင်းနှင့် လက်နက်စမ်းသပ်မှုများ၏ ပမာဏသည် အမေရိကန်၏ စိတ်နေသဘောထားနှင့်ဆိုင်ပါကြောင်း ကင်ဂျုံအန်က ဆိုသည်။

ပြုံးယမ်းက နျူကလီးယားအစီအစဉ်ကို လုံးဝမစွန့်လွှတ်မချင်း အမေရိကန်အစိုးရက စီးပွါးရေးပိတ်ဆို့မှုကို ဖယ်ရှားပေးရန် ငြင်းဆန်နေသဖြင့် ပြီးခဲ့သည့် လေးနှစ်တာ လှုပ်ရှားဆောင်ရွက်မှုများက ရပ်ဆိုင်းနေခြင်း ဖြစ်သည်။

၂၀၁၉ နှောင်းပိုင်းကာလများတွင် မြောက်ကိုရီးယားသည် လက်နက်စမ်းသပ်မှု အသေးပေါင်းများစွာကို ပြုလုပ်ခဲ့ပြီး အဆိုပါ စမ်းသပ်မှုများသည် သဘောတူညီမှုရစေရေး အမေရိကကို ဖိအားပေးသည့်သဘော ဖြစ်သည်။

နျူကလီးယားစမ်းသပ်မှုများနှင့် အမေရိကထိ ပစ်ခတ်နိုင်သော တိုင်းချင်းပစ်ဒုံးကျည်များကို စမ်းသပ်မှုများအား ရပ်ဆိုင်းထားသည့် ဆောင်ရွက်ချက်သည် အမေရိကကို ဆွေးနွေးဝိုင်းသို့ လာစေခြင်းအကြောင်းရင်းတစ်ခု ဖြစ်ခဲ့သည်။