News

POST TYPE

NEWS

ချောင်းဆိုးပျောက်ဆေး နှင့် ပိုးသတ်ဆေး မှားသောက်မိသည့် အမျိုးသမီးငယ် တစ်ဦး သေဆုံး
31-Dec-2019
ပုသိမ်၊ ဒီဇင်ဘာ ၃၁

ဧရာဝတီတိုင်း ဒေသကြီး ငပုတော မြို့နယ် ကျုံကူးကျေးရွာ မှ အသက်၁၆ နှစ် အရွယ်ရှိ အမျိုးသမီး ၁ ဦးသည် ဒီဇင်ဘာ ၃၀ ရက်နေ့ ညနေပိုင်းက ချောင်းဆိုးပျောက်ဆေး နှင့် ပိုးသတ်ဆေး မှားယွင်းသောက်မိသဖြင့် သေဆုံးခဲ့ကြောင်း ယင်းကျေးရွာ အုပ်ချုပ်ရေး အဖွဲ့ထံမှ သိရသည်။

ပိုးသတ်ဆေး သောက်မိသည့် မိန်းခလေး မအေးရနံ့ဇော် ဆိုသူအား လူနာတင်ကားဖြင့် ကျုံကူးတိုက်နယ် ဆေး ရုံ မှ ပုသိမ်ဆေး ရုံကြီးသို့ ပို့ဆောင်ရန် သယ်ဆောင်လာစဉ် လမ်းခုလတ်တွင် သေဆုံး သွားခြင်းဖြစ်ကြောင်း ကျူံကူးတိုက်နယ် နှင့် ပုသိမ်မြို့သို့ ကားဖြင့် ၃ နာရီကျော်သွားသည့် ခရီးဖြစ်ကြောင်း ယင်းမြို့နယ် ခေတ်သစ် အခမဲ့ လူမှုကူညီရေး အဖွဲ့မှ ဦးဖြိုးကြီးက ပြောသည်။

“အကြောင်းကြား ဆက်သွယ်လာလို့ ရောက်သွားတော့ အသက်ရူကျပ်ပြီး သတိလစ်သလို ဖြစ်နေပြီ၊ အရင်ဆုံး ကျုံကူးဆေးရုံက ကုသပေးပါတယ်၊ ပြီးတော့ ချက်ခြင်းပဲ ပုသိမ်ဆေးရုံကို လူနာတင်ကား နဲ့ သယ်လာတာ နာရီဝက်လောက်အကြာမှာ သေဆုံးသွားတာ” ဟု ၎င်းက ဆက်ပြောသည်။

အသက် ၁၆ နှစ် အရွယ် မအေးရနံ့ သေဆုံးခြင်း နှင့် ပါတ်သက် ၍ ကျုံးကူး နယ်မြေရဲစခန်းက သေမှုသေခင်း ဖွင့်လှစ်ကာ ဓမ္မတာအတိုင်း သေဆုံးခြင်း ဟုတ်မဟုတ် စစ်ဆေးဆောင်ရွက် နေကြောင်း ယင်းရဲစခန်းမှ သိရသည်။

မောင်မျိုးထက်(ပုသိမ်) (R -12)



  • VIA