News

POST TYPE

NEWS

၁၉၉၀ နောက်ပိုင်း တရုတ်စီးပွားရေးတိုးတက်မှုနှုန်း အနှေးကွေးဆုံး ကာလကို ကျော်ဖြတ်နေရ
15-Jul-2019


ဘေဂျင်း၊ ဇူလိုင် ၁၅

တရုတ်အစိုးရက တရားဝင်ထုတ်ပြန်သော ကိန်းဂဏန်းများအရ တရုတ် စီးပွားရေးသည် ၁၉၉၀ ကာလများနောက်ပိုင်း တိုးတက်မှု အနှေးကွေးဆုံး အချိန်ကို ကျော်ဖြတ်နေရလျက်ရှိကြောင်း သတင်းများက သုံးသပ်ရေးသားထားသည်။

တရုတ်စီးပွားရေး တိုးတက်မှုနူန်း မြှင့်တင်ရန်အတွက် အစိုးရက အသုံးစရိတ်များသုံးခြင်း၊ အခွန်များ လျှော့ချပေးခြင်းတို့ ဆောင်ရွက်ခဲ့သော်လည်း ရလဒ်က ထိုကဲ့သို့ ထွက်နေခြင်းဖြစ်သည်။

တရုတ်သည် ယခုအခါ အမေရိကန်ပြည်ထောင်စုနှင့် ကုန်သွယ်ရေး ပြိုင်ဆိုင်မှု ပြုလုပ်နေရပြီး အဆိုပါ သက်ရောက်မှုကြောင့် ပြည်ပပို့ကုန်လုပ်ငန်းများနှင့် စီးပွါးရေး တိုးတက်မှုပေါ် သက်ရောက်မှုများ ရှိနေပေသည်။

ဇွန်လအထိ တိုင်းတာမှုများအရ တရုတ်စီးပွားရေးသည် ယမန်နှစ်ကထက် ၆ ဒသမ၂ ရာခိုင်နူန်းတိုးတက်ခဲ့ပြီး ယင်းပမာဏသည် ခန့်မှန်းထားသလောက် ဖြစ်ခဲ့သည်။

ပထမသုံးလပတ်အတွင်း တရုတ်စီးပွားရေး တိုးတက်မှုနှုန်းသည် ၆ ဒသမ ၄ ရာခိုင်နှုန်း နှေးကွေးသွားခဲ့သည်ဟု အစိုးရသတင်းအချက်အလက်များက ဖော်ပြထားသည်။

တရုတ်ပြည်တွင်းနှင့် နိုင်ငံရပ်ခြားရှိ ရှုပ်ထွေးသော အခြေအနေများကို ကိန်းဂဏန်းများက ထောက်ပြနေသည်ဟု တရုတ်အမျိုးသား စာရင်းအင်းဌာနက ဖော်ပြထားသည်။ 

F-02


  • VIA