News

POST TYPE

NEWS

မိုးညှင်းမြို့တွင် ဆင်တုပ်ကွေး လူရာချီဖြစ်ပွား
06-Jul-2019


ရန်ကုန်၊ ဇူလိုင်

ကချင်ပြည်နယ်တွင် မိုးညှင်းမြို့တွင် ဆင်တုပ်ကွေး ဖြစ်ပွားသူများပြားလျက်ရှိပြီး တစ်ရက်လျှင် လူနာ နှစ်ရာနှင့်အထက်ကို ဆေးဝါးကုသပေးနေရကြောင်း ယင်းမြို့ အထွေထွေဆေးရုံအုပ် ဒေါက်တာမြင့်ကျော်က ပြောကြားသည်။

“ဆေးရုံမှာ အတွင်းလူနာတော့ မရှိပါဘူး။ ဓမ္မာရုံမှာ ပြင်ပဆေးခန်းဖွင့်ပြီး မြို့ပေါ်နဲ့ ကျေးရွာတွေက လာကုတဲ့သူတွေ ဒီနေ့ (ဇူလိုင် ၇ ရက်) ဆို လူနာသုံးရာကျော်သွားပါပြီ။ လက်ရှိ ထိန်းချုပ်ရေးနဲ့မဖြစ်သေးတဲ့ရပ်ကွက်တွေကို ကာကွယ်ရေးလုပ်ငန်းတွေ လုပ်နေပါတယ်”ဟု ၎င်းက ဆိုသည်။

လတ်တလောတွင် မိုးညှင်းမြို့ နားခါးရပ်ကွက် ဓမ္မာရုံတွင်ဆေးခန်းဖွင့်ကာ နံနက် ၈ နာရီမှ ညနေ ၄ နာရီခွဲအထိ ကုသပေးနေသည်မှာ လေးရက်ရှိပြီဖြစ်ပြီး ဆင်တုပ်ကွေးဖြစ်ပွားသောရပ်ကွက်များတွင် ခြင်ဆေးဖြန်းခြင်းများ လုပ်ဆောင်နေကြောင်း ၎င်းကရှင်းပြသည်။

ပြီးခဲ့သည့်ရပ်ပိုင်းက မိုးညှင်းမြို့ အုတ်ကျင်း အထက်တန်းကျောင်းမှ နဝမတန်းကျောင်းသူတစ်ဦး ဆင်တုပ်ကွေးဖြစ်ပွားခြင်းကြောင့် သေဆုံးသည်ဟု လူမှုကွန်ရက် စာမျက်နှာများတွင် ပျံနှံ့ခဲ့သည်။

ထိုသေဆုံးမှုနှင့်ပတ်သက်၍ ဒေါက်တာမြင့်ကျော်ကမူ “ဆင်တုပ်ကွေးနဲ့သေတာမဟုတ်ပါဘူး။ သေတဲ့သူတစ်ယောက်မှ မရှိသေးပါဘူး။ ဆင်တုပ်ကွေးက လူကို သေစေလောက်တဲ့အထိ မဖြစ်ဘူး သုံးလေးရက်လောက် ဖျားပြီး ပြန်ပျောက်ပါတယ်”ဟု ဆိုသည်။

ဆင်တုပ်ကွေးသည် ဖြစ်သည့်အချိန်တွင် တစ်ကိုယ်လုံးညောင်းကိုက်သည့် ဝေဒနာအပြင် ခြေထောက်များ ယောင်လာပြီး အဖျားမှာ ၁၀၅ ဝန်းကျင်ရှိကြောင်း ယင်းနောက် အဖျားကျသွားသည့်အချိန်တွင် ခန္ဓာကိုယ်ပေါ်တွင် အနီစက်များကျန်ခဲ့ကြောင်း ဖြစ်ပွားခဲ့သူတို့က ရှင်းပြသည်။

လက်ရှိဆင်တုပ်ကွေး ဖြစ်ပွားနေသော အသက် ၁၉ နှစ်အရွယ် အမျိုးသမီးတစ်ဦးကမူ “လေးရက်ရှိပြီ ဘာမှစားလို့မရဘူး။ ငှက်ပျောသီးမီးဖုတ်ပဲ စားနေရတယ်။ တစ်ကိုယ်လုံးညောင်းကိုက်ပြီး ထတောင်မထနိုင်ဘူး”ဟု ဆိုသည်။

မိုးညှင်းမြို့နယ်အတွင်း ဆင်တုပ်ကွေးဖြစ်ပွားမှုကို ထိန်းချုပ်ရေးလုပ်ငန်းများ လုပ်ဆောင်နေရင်းကပင် ဖြစ်ပွားမှု ပျံ့နှံ့လာကြောင်း ဒေါက်တာမြင့်ကျော်က ပြောကြားသည်။