News

POST TYPE

NEWS

အရက်သောက်စကားများရာမှ သားက အဖေကို ကတ်ကျေးဖြင့် ထိုးသတ်
25-May-2019

တောင်ငူ၊ မေ ၂၅

ပဲခူးတိုင်းဒေသကြီး ထန်းတပင်မြို့နယ် အင်းယားကြီးကျေးရွာအုပ်စု ချောင်းကမ်းကျေးရွာတွင် မေလ ၂၄ ရက်နေ့ ည ၉ နာရီ ၄၀ မိနစ်ခန့်တွင် သားအဖနှစ်ဦး အရက်သောက်စကားများရာ သားက အဖေကို ကတ်ကျေးဖြင့် ထိုးသတ်ခဲ့ကြောင်း ထန်းတပင်မြို့ မြို့မရဲစခန်းမှ သိရသည်။

“အရက်အတူသောက်ကြရာက စကားများကြတာပါ။ ဒေါသအလျောက် ကတ်ကျေးနဲ့ လည်ပင်းတစ်ချက်ထိုးလိုက်ရာက အခင်းဖြစ်နေရာမှာ သေဆုံးသွားပါတယ်”ဟု ထန်းတပင်မြို့မရဲစခန်းမှ တာဝန်ရှိသူရဲအရာရှိတစ်ဦးက ပြောကြားသည်။

သေဆုံးသူမှာ အသက် ၅၀ အရွယ် ဦးလှထွန်းဖြစ်ပြီး ပြစ်မှုကျူးလွန်သူ (သေဆုံးသူ၏သား) မှာ သန်းနိုင်ဦး အသက်၂၄ နှစ်ဖြစ်ကာ အရိုးအသွား ၇ လက်မရှိ ကတ်ကျေးဖြင့် ထိုးသတ်ခဲ့ခြင်းဖြစ်ကြောင်း ရဲစခန်း၏ ကနဦးသတင်းပေးပို့ချက်အရ သိရသည်။

အမှုနှင့်ပတ်သက်ပြီး သန်းနိုင်ဦးကို ထန်းတပင်မြို့မရဲစခန်းမှ (ပ) ၆၂/၂၀၁၉ ရာဇသတ်ကြီးပုဒ်မ ၃၀၂ အရ အမှုဖွင့်လှစ် ဖမ်းဆီးစစ်ဆေးဆောင်ရွက်နေကြောင်း ယင်းရဲစခန်းမှ သိရသည်။

R-15