News

POST TYPE

NEWS

အထွက်နှုန်းကောင်းသည့် ပဲလွမ်းမျိုး ၇ မျိုး သုတေသနတွေ့ရှိ
11-Feb-2019

ရန်ကုန်၊ ဖေဖော်ဝါရီ ၁၁

အထွက်နှုန်း၊ သစ်ရွက်၊ သစ်ခက်နှင့် ပင်ပိုင်းဆိုင်ရာ အလေးချိန်ကောင်းသည့် ပဲလွမ်းမျိုး ၇ မျိုးကို သုတေသနပြုလုပ် ရှာဖွေဖော်ထုတ်ထားကြောင်း စိုက်ပျိုးရေးသုတေသန ဦးစီးဌာနထံမှ သိရသည်။

စိုက်ပျိုးရေးသုတေသန ဦးစီးဌာန၊ ဇီဝနည်းပညာ သုတေသနဌာနမှ သုတေသနပညာရှင်အဖွဲ့သည် အထွက်နှုန်းနှင့် ပင်ပိုင်းဆိုင်ရာ အလေးချိန်ကောင်းသည့် ပဲလွမ်းမျိုးများရှာဖွေခြင်း သုတေသနကို ၂၀၁၆-၁၇ နှင့် ၂၀၁၇-၁၈ ဘဏ္ဍာနှစ် မိုးနှောင်းရာသီများတွင် မျိုးစေ့ဘဏ်တွင် စုဆောင်းထားသည့် ပဲလွမ်းမျိုး ၁၈ မျိုးကို အသုံးပြု၍ သုတေသနပြုလုပ်စမ်းသပ်ခဲ့ကြောင်း ယင်းဌာနထံမှ သိရသည်။

ယင်းပဲလွမ်းမျိုး ၁၈ မျိုးကို စမ်းသပ်စိုက်ပျိုးခဲ့ရာမှ အထွက်နှုန်းကောင်းပြီး ပင်ပိုင်းဆိုင်ရာအလေးချိန် ကောင်းသည့် 4203 (Yezin- 12) မျိုး၊ 4242 (IT- 82D-600-5) မျိုး၊ 4246 (IT-82D-752) မျိုး၊ 4251 (IT-82D-699) မျိုး၊ 4268 (cowpea) မျိုး၊ 7689 (pelunpyar) မျိုးနှင့် 7692 (Gangaw BoCake) မျိုး စသည့်ပဲလွမ်း ၇ မျိုးကို ဖော်ထုတ်တွေ့ရှိခဲ့သည်။

ယခု ၂၀၁၈-၁၉ ဘဏ္ဍာနှစ် မိုးနှောင်းရာသီတွင် ဖော်ထုတ်တွေ့ရှိသည့် မျိုး ၇ မျိုးနှင့် စံထားမျိုးဘိုကိတ်ကို အသုံးပြု၍ အကွက်ကျယ်သုတေသနအဖြစ် စမ်းသပ်စိုက်ပျိုးလျက်ရှိရာ စမ်းသပ်ကွက်တွင်တွေ့ရှိချက်အရ 4246 (IT-82D-752) နှင့် 4268 (cowpea) မျိုးနှစ်မျိုးမှာ သီးတောင့်အရေအတွက်များကာ ပင်ပိုင်းဆိုင်ရာကြီးထွားမှုမှာလည်း သာလွန်ကောင်းမွန်ကြောင်း စိုက်ပျိုးရေးသုတေသန ဦးစီးဌာနထံမှ သိရသည်။

“ပဲလွမ်းက ဈေးကွက်သိပ်မရှိတော့ ကျွန်တော်တို့ဘက်မှာ တစ်တင်း၊ နှစ်တင်းစာလောက်ပဲ စားဖို့စိုက်ကြတာ။ အခုလို မျိုးအသစ်တွေ့တာတော့ အများကြီးကောင်းပါတယ်”ဟု ခရမ်းမြို့နယ်မှ ပဲစိုက်တောင်သူ ဦးသိန်းကျော်က သုံးသပ်ပြောကြားသည်။

ပဲလွမ်းသီးနှံသည် လေထဲမှ နိုက်ထရိုဂျင်ဓာတ်ကို ဖမ်းယူနိုင်စွမ်းရှိသောကြောင့် ပင်ပိုင်းဆိုင်ရာ အစိတ်အပိုင်းအားလုံးကို သစ်စိမ်းမြေဩဇာအဖြစ်လည်း ပြန်လည်အသုံးချနိုင်သောကြောင့် စိုက်ပျိုးသင့်သည့် သီးနှံတစ်ခုဖြစ်ကြောင်း ပဲစိုက်တောင်သူများက ပြောကြားသည်။

J-11