News

POST TYPE

NEWS

ပြည်ပမှ ကုန်ချောသွင်းသည့်လုပ်ငန်းများကို အခွန်နှုန်း တိုးကောက်မည်
16-Dec-2018

ရန်ကုန်၊ ဒီဇင်ဘာ ၁၅

သွင်းကုန်အစားထိုးလုပ်ငန်းများ ဖွံ့ ဖြိုးတိုးတက်စေရန်အတွက် ပြည်ပမှ ကုန်ချောပစ္စည်းတင်သွင်းသည့် လုပ်ငန်းများကို အခွန်နှုန်းထား တိုးမြှင့်ကောက်ခံမည်ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးစိုးဝင်းက ပြောကြားသည်။

ပြည်ပမှ ကုန်ချောပစ္စည်းများ တင်သွင်းခြင်းကို အခွန်နှုန်းထား တိုးမြှင့်ကောက်ခံမည်ဖြစ်ပြီး ပြည်တွင်းတွင် အရည်အသွေးမီ ကုန်ပစ္စည်းထုတ်လုပ်သည့်လုပ်ငန်းများနှင့် ကုန်ချောပြန်လည်ထုတ်လုပ်ရန် ကုန်ကြမ်းတင်သွင်းသည့် သွင်းကုန်အစားထိုးလုပ်ငန်းများကိုမူ အခွန်နှုန်းလျှော့ချ ကောက်ခံပေးမည်ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာနထံမှ သိရသည်။

“ပြည်တွင်းထုတ်လုပ်သူတွေကို သွင်းကုန်အစားထိုးကဏ္ဍ ဖွံ့ ဖြိုးတိုးတက်ဖို့ အရည်အသွေးမီထုတ်ကုန်တွေ၊ ပြည်ပက သွင်းတဲ့ကုန်ကြမ်းတွေကို အခွန်နှုန်းထား လျှော့ချပေးခြင်းအားဖြင့် ပြည်တွင်းမှာ ရင်းနှီးမြှုပ်နှံမှုတွေ ပိုတိုးတက်လာမှာပါ”ဟု ဦးစိုးဝင်းက ပြောဆိုသည်။

ဒီဇင်ဘာလ ၁၄ ရက်နေ့က ရန်ကုန်မြို့၊ မင်းရဲကျော်စွာလမ်းရှိ ကုန်သည်စက်မှုအသင်းချုပ်တွင် ပြုလုပ်သည့် ဒုတိယသမ္မတ (၁) နှင့် စီးပွားရေးလုပ်ငန်းရှင်များ ပုံမှန်တွေ့ဆုံပွဲတွင် ပြောဆိုခဲ့ခြင်းဖြစ်သည်။

စီမံကိန်းနှင့် ဘဏ္ဍာရေးဝန်ကြီးဌာန၊ အကောက်ခွန်ဦးစီးဌာနအနေနှင့် ကုန်ပစ္စည်းများ သိုလှောင်၍ ပြည်တွင်းစားသုံး မှုဖူလုံစေရန်နှင့် ပြည်ပသို့ လုံလောက်စွာ တင်ပို့ရောင်းချနိုင်ရန်အတွက် သိုလှောင်ရုံများ တည်ဆောက်ခြင်းနှင့် အခွန်နှုန်းထား တိုးမြှင့်ကောက်ခံခြင်းကို ဦးစားပေးအကောင်အထည်ဖော်ဆောင်ရွက်သွားမည်ဖြစ်ကြောင်း ယင်းဝန်ကြီးဌာနထံမှ သိရသည်။

စီးပွားရေးလုပ်ငန်းရှင်များအနေနှင့် စီးပွားရေးလုပ်ငန်းလုပ်ကိုင်သည့် စာရင်းဇယားများရငွေ၊ ပေးငွေနှင့် သုံးငွေမှတ်တမ်းများကို ပြည်ပကုမ္ပဏီများနှင့် စီးပွားရေးလုပ်ငန်းများ ပူးပေါင်းဆောင် ရွက်ရာတွင် လွယ်ကူလျင်မြန်စေရန်အတွက် ယခုအချိန်မှစ၍ စနစ်တကျသိမ်းဆည်း ထားရှိရန် စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးစိုးဝင်းက ဆက်လက်ပြောဆိုသည်။

J-11