News

POST TYPE

NEWS

သရော်စာ၏အဓိပ္ပါယ်ကို တရားလိုပြသက်သေများက ကွဲကွဲပြားပြားမသိဟုဆို
16-Oct-2018



ထားဝယ်၊ အောက်တိုဘာ ၁၅

မဲဆွယ်အပြုံးသရော်စာ ဖော်ပြခဲ့သည့်အတွက် တနင်္သာရီတိုင်းဒေသကြီး အစိုးရအဖွဲ့က တရားစွဲဆိုထားသည့်အမှုတွင် တိုင်းအစိုးရ၏ တရားလိုပြသက်သေများက သရော်စာဆိုသည့် အဓိပ္ပါယ်ကိုပင် ကွဲကွဲပြားပြားမသိကြကြောင်း တနင်္သာရီဂျာနယ်ဘက်က အမှုလိုက်ပါဆောင်ရွက်နေသည့် အထက်တန်းရှေ့နေ ဒေါ်အေးမွန်သူက ပြောသည်။

တရားခွင်အတွင်း စစ်မေးချက်များအရ သရော်စာသည် ရသစာပေထဲတွင် ပါဝင်ပြီး သတင်းအမျိုးအစား မဟုတ်ကြောင်းကို တရားလိုပြသက်သေများက ကွဲကွဲပြားပြားမသိကြကြောင်း ဒေါ်အေးမွန်သူက ပြောသည်။

“သရော်စာသည် ရသစာပေတစ်မျိုးဖြစ်တယ်ဆိုတဲ့ စကားလုံးတွေအပေါ်မှာ သူတို့က သရော်စာ၊ ဟာသစာပေ၊ ရသစာပေ ဆိုတဲ့ဟာကို သူတို့ အဓိပ္ပါယ်တိတိကျကျမသိဘူးဆိုတာတော့ သူတို့ထွက်ဆိုထားတယ်”ဟု ဒေါ်အေးမွန်သူက ပြောသည်။

ယင်းအမှုမှ တရားလိုပြသက်သေများကို အောက်တိုဘာလ ၁၅ ရက်နေ့က ပြန်ခေါ်သက်သေအဖြစ် တရားလိုပြသက်သေတစ်ဦးဖြစ်သည့် ဦးအောင်ကျော်စိုးကို ပြန်လည်စစ်မေးခဲ့သည်။

ဦးအောင်ကျော်စိုးသည် တနင်္သာရီတိုင်းအစိုးရအဖွဲ့ဝင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး၏  ယာဉ်မောင်းတစ်ဦးဖြစ်သည်။

တနင်္သာရီအပတ်စဉ်တွင် ဖော်ပြခဲ့သည့် ကလောင်ရှင် မူးဆေးအိုး၏ မဲဆွယ်အပြုံး ခေါင်းစဉ်ဖြင့်ရေးသားသည့် သရော်စာသည် ဝန်ကြီးချုပ်နှင့် အစိုးရအဖွဲ့၏ ဂုဏ်သိက္ခာကို ထိခိုက်စေသည်ဟုဆိုကာ အရေးယူပေးရန်အတွက် ၂၀၁၇ ခုနှစ် နိုဝင်ဘာလတွင် တိုင်းအစိုးရအဖွဲ့ရုံးမှ ဒုတိယညွှန်ကြားရေးမှူးက ထားဝယ်မြို့နယ်တရားရုံးကို ဦးတိုက်လျှောက်ထားခဲ့သည်။

မဲဆွယ်အပြုံး သရော်စာအမှု၏  ၂၅ ကြိမ်မြောက်ရုံးချိန်းဖြစ်သည့် ယခုနှစ် အောက်တိုဘာလ ၁ ရက်နေ့တွင် တနင်္သာရီဂျာနယ် တာဝန်ခံအယ်ဒီတာ ဦးမျိုးအောင်ကို သတင်းမီဒီယာဥပဒေပုဒ်မ ၂၅ (ခ) ဖြင့် စွဲချက်တင်ရန် ထားဝယ်မြို့နယ်တရားရုံးက အမိန့်ချခဲ့သည်။

စွဲချက်တင်ရန် အမိန့်ချပြီးနောက် စွဲချက်မတင်မီက စစ်ဆေးခဲ့ပြီးသည့် တရားလိုပြသက်သေများကို ပြန်ခေါ်သက်သေအဖြစ် ပြန်လည်စစ်ဆေးခြင်းဖြစ်သည်။

နောက်ထပ်ရုံးချိန်းကို အောက်တိုဘာလ ၂၉ ရက်နေ့ကို ပြန်လည်ချိန်းဆိုထားပြီး တရားလိုပြသက်သေ နောက်တစ်ဦးဖြစ်သည့် ဒေါ်အေးအေးမိုးကို ပြန်ခေါ်သက်သေအနေဖြင့် စစ်မေးမည်ဖြစ်ကြောင်း ထားဝယ်မြို့နယ်တရားသူကြီး ဦးကျော်မြင့်က ဆိုသည်။

ဒေါ်အေးအေးမိုးသည် အမျိုးသားဒီမိုကရေစီအဖွဲ့ချုပ် (NLD)၊ ထားဝယ်ခရိုင်အလုပ်အမှုဆောင်အဖွဲ့ တွဲဖက်အတွင်းရေးမှူးဖြစ်သည်။

တရားလိုပြသက်သေများက မဲဆွယ်အပြုံးသရော်စာဖော်ပြခြင်းကြောင့် ဝန်ကြီးချုပ်နှင့် တိုင်းအစိုးရအဖွဲ့၏ ဂုဏ်သိက္ခာ ကျဆင်းစေကြောင်း၊ လူ့ဂုဏ်သိက္ခာညှိုးနွမ်းစေကြောင်း တရားခွင်အတွင်း ထွက်ဆိုထားကြသည်။

သရော်စာနှင့် ပတ်သက်၍ အစိုးရက တရားစွဲဆိုသည့် ကိစ္စသည် တနင်္သာရီဂျာနယ်တစ်ခုတည်းသာမကဲ မီဒီယာလောကတစ်ခုလုံးနှင့် သက်ဆိုင်နေသည့် ကိစ္စဖြစ်သည့်အတွက် တရားလိုပြသက်သေအနေဖြင့် ပေါ့ပေါ့တန်တန်လာရောက်မထွက်စေလိုကြောင်း တနင်္သာရီဂျာနယ်၏ တာဝန်ခံအယ်ဒီတာ ဦးမျိုးအောင်က ဆိုသည်။

“ကိုယ် သက်သေထွက်ဆိုရမယ့် အမှုနဲ့ပတ်သက်ပြီး ထဲထဲဝင်ဝင်မသိတာမျိုးမဖြစ်သင့်ဘူး”ဟု ဦးမျိုးအောင်က ပြောသည်။

မြို့နယ်တရားရုံးတွင် ၁၅ ကြိမ်မြောက် ရုံးချိန်းစစ်ဆေးပြီးချိန်တွင် အမှုပယ်ဖျက်ပေးရန် စွပ်စွဲခံရသည့် တနင်္သာရီ ဂျာနယ်ဘက်က တနင်္သာရီတိုင်းဒေသကြီး တရားလွှတ်တော်ထံလျှောက်ထားခဲ့ရာ တိုင်းတရားရုံးက ဇူလိုင်လ ၃၁ ရက်နေ့တွင်အမှုအား မပယ်ဖျက်ရန် “ပလပ်” အမိန့်ချမှတ်ခဲ့သည်။

တိုင်းတရားလွှတ်တော်က အမှုကို မပယ်ဖျက်ရန် “ပလပ်” အမိန့်ချလိုက်သည့်အတွက် ပြည်ထောင်စု တရားလွှတ်တော်ချုပ်ထံ ချေဖျက်ပေးရန် ဩဂုတ်လ ၁၄ ရက်က ထပ်မံလျှောက်ထားခဲ့သည်။

နေပြည်တော်ရှိ ပြည်ထောင်စုတရားလွှတ်တော်ချုပ်တွင် မဲဆွယ်အပြုံးသရော်စာအမှုကို လက်ခံသင့်/မသင့်ကို အောက်တိုဘာလ ၂၆ ရက်နေ့တွင် ကြားနာမည်ဖြစ်ကြောင်း အထက်တန်းရှေ့နေ ဒေါ်အေးမွန်သူက ဆိုသည်။

တနင်္သာရီ အပတ်စဉ်ဂျာနယ်သည် တနင်္သာရီတိုင်း အခြေစိုက်ဖြန့်ဝေသည့် အပတ်စဉ်ထုတ်သတင်းစာဖြစ်ပြီး တနင်္သာရီတိုင်း တွင် အစိုးရသစ်လက်ထက်အတွင်း မီဒီယာကို ပထမဆုံး တရားစွဲဆိုခဲ့ခြင်းဖြစ်သည်။

Dawei Watch