News

POST TYPE

NEWS

ဆန်ဈေး ဆက်တက်
20-Sep-2018

ရန်ကုန်၊ စက်တင်ဘာ ၁၉

အမြင့်ဈေးဖြင့်ငြိမ်နေသော ဆန်ဈေးနှုန်းများသည် ယခုအခါ ဆက်လက်မြင့်တက်ကြောင်း ရန်ကုန်မြို့၏ အဓိက ဆန်ဈေးကွက်များဖြစ်သည့် ဘုရင့်နောင်နှင့် ဝါးတန်းဆန်ဈေးကွက်များအတွင်းမှ သိရသည်။

ဆန်ချောတွင် ကြားပျံနှင့် မြီးဒုံးဆန်ကဲ့သို့ ဆန်ဈေးများသည် တစ်အိတ်လျှင် ကျပ် ၁၀၀၀ မှ ၃၀၀၀ ခန့်အထိနှင့် ဆန်ကြမ်းတွင် ရက် ၉၀ နှင့် သီးထပ် ရှယ်ဆန်အမျိုးအစားများ ဆန်တစ်အိတ်လျှင် ကျပ် ၅၀၀ မှ ၉၀၀ အထိ ဆက်လက်ဈေးတက်ကြောင်း အဆိုပါဆန်ဈေးကွက်များအတွင်းမှ သိရသည်။

“အဝယ်များလို့တက်တာပါ။ အခုနောက်ပိုင်း ရန်ကုန်ကို ဆန်အဝင်လည်းနည်းနေတယ်” ဟု ဆန်ကုန်သည် ဦးအောင်မြင့်က ပြောဆိုသည်။

နယ်ဒေသများမှ ရန်ကုန်သို့ ဆန်အဝင်သည် ယခင်က တစ်ရက်လျှင် ဆန်အိတ်ရေ ရှစ်သောင်းမှ တစ်သိန်းခန့်အထိ ဝင်ရောက်သော်လည်း ယခုအခါ တစ်ရက်လျှင် ဆန်အိတ်ရေ ခြောက်သောင်းမှ ခုနစ်သောင်းခန့်သာ ဝင်ရောက်ကြောင်း ရန်ကုန်ဆန်ဈေးကွက်အတွင်းမှ သိရသည်။

လက်ရှိဆန်ဈေးကွက်အတွင်း ကြားပျံရှယ်တစ်အိတ်လျှင် ကျပ် ၅၂,၀၀၀ မှ ၅၅,၀၀၀ အထိ၊ မြီးဒုံးတစ်အိတ်လျှင် ကျပ် ၄၂,၀၀၀ မှ ၄၄,၀၀၀ အထိ၊ သီးထပ်ရှယ် တစ်အိတ်လျှင် ကျပ် ၂၃,၂၀၀ မှ ၂၄,၂၀၀ အထိ ဈေးရှိကြောင်း ဘုရင့်နောင်နှင့် ဝါးတန်းဆန်ဈေးကွက်များအတွင်းမှ သိရသည်။

S-04