News

POST TYPE

NEWS

လွှတ်တော်ကိုယ်စားလှယ်များကို မိဘမဲ့ကလေးများကဲ့သို့ စည်ပင်ရိပ်သာတွင် ရေရှည်မထားသင့်ဟု တင်ပြ
13-Sep-2018



နေပြည်တော်၊ စက်တင်ဘာ ၁၂

ပြည်ထောင်စုအဆင့် သတ်မှတ်ထားသော လွှတ်တော်ကိုယ်စားလှယ်များကို မိဘမဲ့ကလေးများကဲ့သို့ စည်ပင်ဧည့်ရိပ်သာတွင် အခန်းခပေး၍ ရေရှည်မထားသင့်ဘဲ လွှတ်တော်ဆိုင်ရာ ဥပဒေနှင့်အညီ လုပ်ဆောင်ပေးသင့်ကြောင်း ရခိုင်ပြည်နယ် မြေပုံမဲဆန္ဒနယ်မှ ဦးဖေသန်းက ယနေ့ကျင်းပသည့် ပြည်သူ့လွှတ်တော်သို့ တင်ပြပြောကြားလိုက်သည်။

“ကြည်ညိုလေးစားထိုက်သော ပုဂ္ဂိုလ်များကို မိဘမဲ့ကလေးများလို စည်ပင်တည်းခိုဆောင်မှာ အခန်းငှားဘဝနဲ့ ရေရှည်အပ်နှံမထားသင့်ပါကြောင်းနှင့် လွှတ်တော်ကိုယ်စားလှယ်များ၏ ဂုဏ်သိက္ခာကို ရှေးရှုပြီး လွှတ်တော်ကိုယ်စားလှယ်အဆောင်များကို ဖြစ်ပေါ်လာနိုင်ရေး လွှတ်တော်အခွင့်အရေး ကော်မတီက လွှတ်တော်ဥက္ကဋ္ဌထံ တင်ပြပြီး စတင်ဆောင်ရွက်ရန် လိုအပ်နေပြီဖြစ်ပါတယ်”ဟု ၎င်းကဆိုသည်။

လွှတ်တော်အခွင့်အရေးကော်မတီ အစီရင်ခံစာကို ၎င်းက ဆွေးနွေးရာတွင် အထက်ပါအတိုင်း ထည့်သွင်းတင်ပြခဲ့ခြင်း ဖြစ်သည်။

“ဒီလောက်ကြီးကျယ်ခမ်းနားတဲ့ လွှတ်တော်ကြီးမှာ တိုင်းပြည်တာဝန်ထမ်းဆောင်နေရတဲ့ ပြည်သူ့ကိုယ်စားလှယ်တွေကို စည်ပင်တည်းခိုဆောင်မှာ အခန်းငှားနေရခြင်းဟာ အမြင်မတော် ဆင်တော်နဲ့ ခလောက်ဆိုသလို ကြည့်မကောင်းပါဘူး။ အခုဆို အိမ်ရှင်က အိမ်ငှားကို လွှတ်တော်အစည်းအဝေးပြီးရင် တစ်ရက်ပိုနေရင် တစ်ရက်စာပေးရမယ်လို့ နို့တစ်စာထုတ်ထားတာကြောင့် လွှတ်တော်အစည်းအဝေးကို တစ်ရက်ကြိုလာလို့မရ၊ တစ်ရက်နောက်ကျ ထွက်သွားလို့မရ အခက်အခဲကြုံတွေ့နေရပါတယ်။ ဒါတွေကို အဆင်ပြေအောင် ဆောင်ရွက်ဖို့လိုပါတယ်”ဟု ၎င်းက ပြောကြားသည်။

ပြည်သူ့လွှတ်တော်ဆိုင်ရာ ဥပဒေအရ လွှတ်တော်သည် လိုအပ်သောမြို့နယ်များတွင် လွှတ်တော်ကိုယ်စားလှယ်ရုံးများကို ဖွင့်လှစ်တည်ထောင်ပေးရမည်ဟုလည်းကောင်း လွှတ်တော်ကိုယ်စားလှယ်ရုံးများကို လွှတ်တော်ဖွင့်လှစ်ပေးနိုင်ခြင်း မရှိသေးမီ ကိုယ်စားလှယ်များက မိမိအစီအစဉ်ဖြင့် ဖွင့်လှစ်နိုင်သည်ဟု ပြဋ္ဌာန်းထားသော်လည်း လက်ရှိအချိန်ထိ် လွှတ်တော်ကိုယ်စားလှယ်ရုံးများကို ဖွင့်လှစ်နိုင်ခြင်း မရှိသေးခြင်း ဖြစ်သည်။

“ကျွန်တော်တို့ ပြောလိုတာကတော့ ဒီလွှတ်တော်က ဖွင့်လှစ်ပေးနိုင်ခြင်းမရှိသေးမီဆိုတဲ့ စကားလုံးဟာ ယာယီအသုံးအနှုန်းသာဖြစ်သင့်ပါတယ်။ ဒါကြောင့် တာဝန်ခံမယ့်ကော်မတီအနေနဲ့ အလေးထားပြီး စဉ်းစားဖို့ တင်ပြလိုပါတယ်”ဟု ဦးဖေသန်းက ပြောသည်။

လက်ရှိ အခြေအနေတွင် ပြည်သူ့လွှတ်တော်ဆိုင်ရာ နည်းဥပဒေ ၁၄၆ နှင့် အညီ ကိုယ်စားလှယ်များ၏ မေးခွန်းများကို ၁၄ ရက်အတွင်း ဝန်ကြီးဌာနများက ဖြေဆိုရမည်ဟု ပါရှိသော်လည်း ပျက်ကွက်ခြင်းများ ဖြစ်ပေါ်နေသောကြောင့် မေးခွန်းအနှစ်သာရကို ပျက်စီးစေပြီး လွှတ်တော်ကိုယ်စားလှယ်များ၏ အခွင့်အရေးကို ထိခိုက်နစ်နာစေသည်ဟု ယူဆကြောင်း ၎င်းက ရှင်းပြသည်။

ယင်းကိစ္စကြောင့် လွှတ်တော်အစည်းအဝေးတစ်ကြိမ်ပြီးသည့်အချိန်တွင် ဖြေဆိုရန် ပျက်ကွက်သည့် ဝန်ကြီးဌာနတို့ကို လွှတ်တော်အခွင့်အရေးကော်မတီအနေနှင့် အသိပေးခြင်း၊ သတိပေးခြင်းများကို လုပ်ဆောင်သင့်ကြောင်း ၎င်းက ထပ်လောင်းပြောသည်။

အဆိုပါတင်ပြချက်များကြောင့် လွှတ်တော်အခွင့်အရေးကော်မတီအနေနှင့် သတ်မှတ်ထားသော ဥပဒေ၊ နည်းဥပဒေများနှင့်အညီ ဥပဒေဘောင်အတွင်းမှ ဆက်လက်ပြီး အကောင်းဆုံးလုပ်ဆောင်ပေးမည်ဖြစ်ကြောင်း ကော်မတီ၏ကိုယ်စား ဒေါက်တာလှမိုးက လွှတ်တော်သို့ တင်ပြပြောဆိုသည်။

“ပြည်သူ့လွှတ်တော်ဆိုင်ရာ ဥပဒေ၊ နည်းဥပဒေတွေမှာ ခေတ်နဲ့လျော်ညီတာတွေ၊ မညီတာတွေရှိတယ်။ ပြန်လည်သုံးသပ်ရမှာတွေရှိပါတယ်။ ဒီအတွက် ပြန်လည်သုံးသပ်ပြီး ပြင်ဆင်သွားမှာဖြစ်ပါတယ်။ ကိုယ်စားလှယ်တွေအနေနဲ့ ပြင်ဆင်လိုတဲ့အကြောင်းအရာတွေရှိရင် လွှတ်တော်အခွင့်အရေးကော်မတီကို အကြံဥာဏ်ပေးလို့ရပါတယ်”ဟု ဒေါက်တာလှမိုးက ဆိုသည်။

ကိုယ်စားလှယ်များ၏ ကော်မတီထံ အကြံပြုချက်များကိုလည်း လွှတ်တော်ကိုယ်စားလှယ်အများစု၏ သဘောတူညီချက်ဖြင့် လွှတ်တော်တွင် ပြောင်းလဲရမည်ဖြစ်ပြီး စည်ပင်ရိပ်သာတွင် နေထိုင်ရေးသည် အခွင့်အရေးကော်မတီနှင့် တိုက်ရိုက်မသက်ဆိုင်သော်လည်း လွှတ်တော်နည်းဥပဒေနှင့်အညီ စောင့်ရှောက်ပေးနေခြင်းဖြစ်ကြောင်း ၎င်းက ပြောသည်။

လက်ရှိတွင် ကော်မတီအနေနှင့် ကိုယ်စားလှယ်တစ်ဦးချင်းစီ၏ လိုအပ်ချက်အချို့ကို လွှတ်တော်ဥက္ကဋ္ဌထံတင်ပြပြီး ပူးပေါင်းဆောင်ရွက်သည့် အခြေအနေများ လုပ်ကိုင်နေရကြောင်း ၎င်းက ထပ်လောင်းပြောကြားခဲ့သည်။

(ကြံ့ခိုင်ရေးပါတီဝင်မှလွဲ၍) စည်ပင် ဧည့်ရိပ်သာတွင် နေထိုင်သည့် ရွေးကောက်ခံလွှတ်တော်ကိုယ်စားလှယ်များသည် အခန်းခနှင့်ပတ်သက်၍ ပြီးခဲ့သည့် ၅ နှစ် သက်တမ်းတွင်လည်း နေပြည်တော် စည်ပင်သာယာရေးကော်မတီ၏ လုပ်ဆောင်ချက်ကြောင့် အခက်အခဲဖြစ်စေခဲ့ပြီး လွှတ်တော်သို့ တင်ပြခဲ့ရသည့် အခြေအနေရှိခဲ့သည်။

ယင်းအချိန်က ကိုယ်စားလှယ်များနေထိုင်မည့် သီးသန့်အဆောင်များ တည်ဆောက်ရန် လျာထားချက်များ ထွက်ပေါ်ခဲ့ပြီး လက်ရှိအချိန်အထိ ရွေးကောက်ခံကိုယ်စားလှယ်များအနေနှင့် စည်ပင်ရိပ်သာတွင် နေထိုင်နေရဆဲ ဖြစ်သည်။

လွှတ်တော်ကိုယ်စားလှယ်များတွင် ကြံ့ခိုင်ရေးပါတီဝင် ကိုယ်စားလှယ်များသည် ၎င်းတို့၏ပါတီဌာနချုပ်တွင် နေထိုင်ရေးအဆင်ပြေနေသကဲ့သို့ တပ်မတော်သား လွှတ်တော်ကိုယ်စားလှယ်များသည်လည်း နေပြည်တော်ဘူတာကြီးအနီးရှိ တပ်မတော်ရိပ်သာတို့တွင် နေထိုင်လျက်ရှိသည်။

S-01