POST TYPE

NEWS

SME လုပ်ငန်းများကို တန်ဖိုးမြှင့်ကုန်ထုတ်လုပ်မှုဆိုင်ရာနည်းပညာ ဖြန့်ဝေမည်
22-Jul-2018

ရန်ကုန်၊ ဇူလိုင် ၂၁

အသေးစားနှင့် အလတ်စား (SME) လုပ်ငန်းများအတွက် ဝါးနှင့် သဘာဝပတ်ဝန်းကျင် စိမ်းလန်းစိုပြည်ရေးအသင်း (စစ်ကိုင်းတိုင်းဒေသကြီး)၊ သုတေသနနှင့် တီထွင်ဆန်းသစ်မှု ဦးစီးဌာနတို့ပူးပေါင်း၍ ဝါးနှင့် အခြားဒေသထွက်ကုန်များကို တန်ဖိုးမြှင့် ကုန်ပစ္စည်းထုတ်လုပ်မှုနည်းပညာများ ဖြန့်ဝေပေးမည်ဖြစ်ကြောင်း စက်မှုဝန်ကြီးဌာန၊ စက်မှုကြီးကြပ်ရေးနှင့် စစ်ဆေးရေးဦးစီးဌာနထံမှ သိရသည်။

ဇူလိုင်လ ၂၃ ရက်နေ့မှ ၂၄ ရက်နေ့အထိကို ဝါးနှင့် သဘာဝပတ်ဝန်းကျင် စိမ်းလန်းစိုပြည်ရေးအသင်း (စစ်ကိုင်းတိုင်းဒေသကြီး) အသင်းဝင်များနှင့် ဖိတ်ကြားထားသူ ၄၀ ဦးကို လက်တွေ့သင်တန်း၊ ဇူလိုင်လ ၂၅ ရက်နေ့မှ ၂၆ ရက်နေ့အထိ စာတွေ့သင်တန်းတို့ကို မုံရွာမြို့၊ မြို့တော်ခန်းမတွင် အပိုင်းနှစ်ပိုင်းဖြင့် သင်ကြားပို့ချပေးမည်ဖြစ်ပြီး လက်တွေ့သင်တန်းဆင်းများကို သင်တန်းဆင်းလက်မှတ်များလည်း ပေးအပ်မည်ဖြစ်ကြောင်း ယင်းဦးစီးဌာနထံမှသိရသည်။

နည်းပညာဖြန့်ဝေခြင်းတွင် ဝါးမှ ဝါးပါကေး၊ ဝါးချပ်ပြားပြုလုပ်ခြင်း၊ အုန်းခွံမှ ကွန်ပို့ဆစ်ချပ်ပြားပြုလုပ်ခြင်း၊ အပူစွမ်းအင်မြှင့် ထင်းမီးဖိုတည်ဆောက်ခြင်း၊ ဝါးမီးသွေးနှင့် အုန်းခွံမီးသွေးပြုလုပ်ခြင်း၊ ဝါးရှာလကာရည်သုံး ဆပ်ပြာပြုလုပ်ခြင်း၊ အပင်ထွက်ပစ္စည်းများကို အခြေခံသည့် သဘာဝ ခြင်ကာကွယ်ဆေးပြုလုပ်ခြင်း၊ ခရမ်းချဉ်သီးမှ တန်ဖိုးမြှင့်စားသောက်ကုန် ပစ္စည်းများပြုလုပ်ခြင်း၊ သရက်သီးမှ သရက်သီး ကန်ဒီ၊ သရက်သီးဖျော်ရည်၊ သရက်ပျဉ်စသည့် တန်ဖိုးမြှင့်ပစ္စည်းများ ထုတ်လုပ်ခြင်းတို့ကို သင်ကြားပေးမည်ဖြစ်သည်။

အဆိုပါနည်းပညာများကို သုတေသနနှင့် တီထွင်ဆန်းသစ်မှုဦးစီးဌာနမှ ဒေါက်တာသန်းသန်းအေး၊ ဒေါက်တာစုဝင်းအေး၊ ဒေါက်တာကေသွယ်ခိုင်တို့က သင်ကြားပို့ချပေးမည်ဖြစ်ပြီး စာတွေ့သင်တန်း တက်ရောက်လိုသူများအနေနှင့် ဝါးနှင့် သဘာဝပတ်ဝန်းကျင် စိမ်းလန်းစိုပြည်ရေး အသင်းမှ ဦးသန့်ဇင် ဝ၉-၄၄၂၁၃၀၃၆၅၊ ဦးမျိုးဇော်ဦး ဝ၉- ၂၅၉၁၂၀၉၇ တို့ထံ ဆက်သွယ်စာရင်းပေးနိုင်ကြောင်း စက်မှုကြီးကြပ်ရေးနှင့် စစ်ဆေးရေးဦးစီးဌာနထံမှ သိရသည်။

J-11