News

POST TYPE

NEWS

ရဲတပ်ဖွဲ့ ဖွဲ့စည်းပုံတိုးချဲ့၊ ရဲချူပ်နှင့်ဒုရဲချုပ်နှစ်ဦးကို ရာထူးတိုး
16-Jul-2018 tagged as ရဲတပ်ဖွဲ့

ရန်ကုန်၊ ဇူလိုင် ၁၆

မြန်မာနိုင်ငံရဲတပ်ဖွဲ့၏ ဖွဲ့စည်းပုံကို တိုးချဲ့ဖွဲ့စည်းခဲ့ရာ ရဲချုပ်အောင်ဝင်းဦးကို ရဲဒုတိယဗိုလ်ချုပ်ကြီးရာထူးနှင့် ဒုရဲချုပ်မျိုးဆွေဝင်းနှင့် ဒုရဲချုပ်အောင်နိုင်သူတို့ကို ရဲဗိုလ်ချုပ်ရာထူး တိုးမြှင့်ခန့်အပ်လိုက်ကြောင်း အဆင့်မြင့် ရဲအရာရှိကြီးတစ်ဦးထံမှ သိရသည်။ 

“မြန်မာနိုင်ငံ ရဲတပ်ဖွဲ့ရဲ့ ဖွဲ့စည်းပုံကို တိုးချဲ့လိုက်တဲ့အတွက် ရာထူးအဆင့်ပဲ တိုးသွားတာပါ၊ ရဲဒုတိယဗိုလ်ချုပ်ကြီးက ရဲချုပ်တာဝန်ကိုပဲ လုပ်ဆောင်ရမှာဖြစ်ပြီး ရဲဗိုလ်ချုပ်နှစ်ဦးကလည်း လက်ရှိတာဝန်ဖြစ်တဲ့ ဒုရဲချုပ်တာဝန်ကိုပဲ လုပ်ဆောင်ရမှာ ဖြစ်ပါတယ်”ဟု အဆိုပါရဲအရာရှိကြီးက ရှင်းပြသည်။

အဆိုပါ ရာထူးအဆင့် တိုးမြှင့်မှုတွင် ရဲချုပ်နှင့် ဒုရဲချုပ်နှစ်ဦးသာ ပါဝင်ပြီး အခြားအရာရှိအဆင့်များကိုမူ လက်ရှိရာထူးအတိုင်းသာ ထားရှိဦးမည်ဖြစ်ကြောင်း ၎င်းကဆက်ပြောသည်။

ရာထူးအဆင့်တိုးမြှင့်လိုက်သည့် ရဲတပ်ဖွဲ့၏ ထိပ်သီးအရာရှိသုံးဦးတွင် ပါဝင်သည့် ရဲဒုတိယဗိုလ်ချုပ်ကြီး အောင်ဝင်းဦးမှာ ယခုနှစ်ဧပြီလကုန်ပိုင်းက ယာယီရဲချုပ်အဖြစ် တာဝန်ယူဆောင်ရွက်ခဲ့ခြင်းဖြစ်ပြီး လေးလကျော်အကြာတွင် ယာယီရဲချုပ်မှ အမြဲတမ်းရဲချုပ်အဖြစ် ပြည်ထဲရေးဝန်ကြီးဌာနက တာဝန်ပေးအပ်ခဲ့ခြင်းဖြစ်သည်။

ယင်းအပြင် တပ်မတော်မှ ရဲတပ်ဖွဲ့သို့ ကူးပြောင်းလာသူမဟုတ်ဘဲ ရဲတပ်ဖွဲ့ဝင်စစ်စစ်မှ ထိပ်သီးအရာရှိအဆင့်သို့ ရောက်ရှိလာသည့် ရဲဗိုလ်ချုပ်အောင်နိုင်သူမှာ ဧရာဝတီ တိုင်းဒေသကြီး ရဲတပ်ဖွဲ့မှူးနှင့် မှုခင်းရဲတပ်ဖွဲ့ (CID) တပ်ဖွဲ့မှူးအဖြစ် တာဝန်ယူ ဆောင်ရွက်ခဲ့သူဖြစ်ပြီးနောက် ဒုရဲချုပ်အဖြစ် ရာထူးတိုးမြှင့်ပေးအပ်ခံရခြင်း ဖြစ်သည်။

မြန်မာနိုင်ငံ ရဲတပ်ဖွဲ့ရှိ ဒုရဲမှူးမှ ရဲမှူးအဆင့်ထိကို ပြန်တမ်းဝင်အရာရှိအဖြစ် သတ်မှတ်ထားပြီး ဒုတိယရဲမှူးကြီးမှ ရဲချုပ်အထိကို ရဲအရာရှိကြီးများအဖြစ် သတ်မှတ်ထားကြောင်း ရဲတပ်ဖွဲ့ထံမှ သိရသည်။

မြန်မာနိုင်ငံ ရဲတပ်ဖွဲ့ဌာနချုပ်တွင် ရဲဦးစီးဌာန၊ ရဲရေးဌာန၊ ရဲထောက်ဌာနနှင့် နေပြည်တော်ရဲတပ်ဖွဲ့၊ တိုင်းဒေသကြီးနှင့် ပြည်နယ်ရဲတပ်ဖွဲ့များ၊ ကိုယ်ပိုင်အုပ်ချုပ်ခွင့်ရဒေသများမှ ရဲတပ်ဖွဲ့များအပြင် အခြားရဲတပ်ဖွဲ့ဌာနများဖြစ်သော မှုခင်းတပ်ဖွဲ့၊ သတင်းတပ်ဖွဲ့၊ စည်ပင်ရဲတပ်ဖွဲ့၊ ရထားရဲတပ်ဖွဲ့၊ ယာဉ်ထိန်းရဲတပ်ဖွဲ့၊ အမြန်လမ်းရဲတပ်ဖွဲ့၊ လေကြောင်းရဲတပ်ဖွဲ့၊ ရေကြောင်းရဲတပ်ဖွဲ့၊ အထူးတာဝန်ရဲတပ်ဖွဲ့နှင့် လူကုန် တားဆီးနှိမ်နင်းရေး ရဲတပ်ဖွဲ့နှင့် မူးယစ်ရဲတပ်ဖွဲ့များဖြင့် ဖွဲ့စည်းထားသည်။

မြန်မာနိုင်ငံရဲတပ်ဖွဲ့ ဥပဒေပုဒ်မ ၉ တွင် ရဲတပ်ဖွဲ့ဝင်များ၊ ရာထူးအဆင့်အတန်းများ၊ တပ်မတော်စစ်ဘက်ရာထူးများကဲ့သို့ (က) ရဲဗိုလ်ချုပ်ကြီး၊ (ခ) ဒုတိယရဲဗိုလ်ချုပ်ကြီး၊(ဂ) ရဲဗိုလ်ချုပ်၊ (ဃ) ရဲဗိုလ်မှူးချုပ်၊ (င) ရဲဗိုလ်မှူးကြီး၊ (စ) ဒုတိယရဲဗိုလ်မှူး ကြီး၊ (ဆ) ရဲဗိုလ်မှူး၊ (ဇ) ရဲဗိုလ်ကြီး၊ (ဈ) ရဲဗိုလ်၊ (ည) ဒုတိယရဲဗိုလ်(ဋ) ပထမရဲ အရာခံဗိုလ်၊ (ဌ) ဒုတိယရဲအရာခံဗိုလ်၊ (ဍ) ရဲတပ်ကြပ်ကြီး ၊ (ဎ) ရဲတပ်ကြပ်၊ (ဏ) ဒုတိယရဲတပ်ကြပ်၊ (တ) ရဲတပ်သား စသည်ဖြင့် ပြောင်းလဲမည်ဖြစ်သည်။

S-01