News

POST TYPE

NEWS

တစ်ဒေါ်လာ ၁၄၀၀ ကျပ်နီးပါးသို့ ပြန်ရောက်
04-Jul-2018


ရန်ကုန်၊ ဇူလိုင် ၃

မြင့်တက်နေသော အမေရိကန် ဒေါ်လာဈေးနှုန်းသည် ပြင်ပဈေးကွက်၌ တစ်ဒေါ်လာလျှင် ၁၄၀၀ ကျပ်နီးပါးသို့ ပြန်လည်ရောက်ရှိကြောင်း ငွေကြေးဈေးကွက်အတွင်းမှ သိရသည်။

ဇွန်လ ၂၉ ရက်နေ့က ပြည်တွင်း ပုဂ္ဂလိကဘဏ်များနှင့် ပြည်တွင်း၌ ဖွင့်ခွင့်ပြုထားသည့် နိုင်ငံခြားဘဏ်များ အပါအဝင် အစိုးရဘဏ်များကို ဗဟိုဘဏ်က ခေါ်ယူတွေ့ဆုံပြီးနောက် ဇွန်လ ၃၀ ရက်နေ့၌ တစ်ဒေါ်လာလျှင် ၁၃၈၆ ကျပ်သို့ ကျဆင်းခဲ့သော်လည်း ဇူလိုင် ၂ ရက်မှစ၍ ပြန်လည်မြင့်တက်ခဲ့ရာမှ ဇူလိုင် ၃ ရက်တွင် ထပ်မံမြင့်တက်ခဲ့သည့်အတွက် ဇွန် လ ၃၀ ကထက် တစ်ဒေါ်လာလျှင် ၁၂ ကျပ် အထိပြန်လည်မြင့်တက်ကြောင်း အဆိုပါဈေးကွက်အတွင်းမှ သိရသည်။

အမေရိကန်ဒေါ်လာတန်ဖိုးမြင့်တက်နေ၍ ပြည်တွင်းငွေလဲနှုန်း ပြန်လည်မြင့်တက်ခြင်းဖြစ်ပြီး ယင်းတန်ဖိုးကျဆင်းမှသာ ပြန်လည်ကျဆင်းမည်ဖြစ်ကြောင်း ကျွမ်းကျင်သူများက ပြောဆိုသည်။

ပြင်ပဒေါ်လာဈေးသည် ဇူလိုင် ၃ ရက်နေ့ နေ့လည်ပိုင်းအထိ တစ်ဒေါ်လာ ၁၄၀၁ ကျပ်အထိ မြင့်တက်ခဲ့သေးသော်လည်း ညနေပိုင်း၌ တစ်ဒေါ်လာ ၁၃၉၈ ကျပ်သို့ ပြန်လည်ရောက်ရှိခဲ့ပြီး ဗဟိုဘဏ်ဈေးမှာ တစ်ဒေါ်လာလျှင် ၁၃၉၉ ကျပ်နှင့် ပုဂ္ဂလိကဘဏ်ဈေးမှာ တစ်ဒေါ်လာလျှင် ၁၃၉၆ ကျပ်ဈေးရှိကြောင်း ငွေကြေးဈေးကွက်အတွင်းမှ သိရသည်။

S-04

  • VIA