News

POST TYPE

NEWS

ရန်ကုန်တွင် ဒုတိယမြို့တော်ဝန် ခန့်မည်
25-Jun-2018

ရန်ကုန်၊ ဇွန် ၂၅

ဇွန်လ ၂၅ ရက်ကကျင်းပသည့် ရန်ကုန်တိုင်းဒေသကြီး လွှတ်တော်တွင် ရန်ကုန်မြို့တော် စည်ပင်သာယာရေး ဥပဒေကြမ်း အတည်ပြုဆွေးနွေးရာ၌ ရန်ကုန်မြို့ တော်တွင် ဒုတိယမြို့တော်ဝန်တစ်ဦး ခန့်အပ်သွားရန် ပြဋ္ဌာန်းချက်ကို အတည်ပြုခဲ့သည်။

အဆိုပါ ရန်ကုန်မြို့တော် စည်ပင်သာယာရေး ဥပဒေကြမ်းတွင်ပါဝင်သည့် အခန်းတစ်ခန်းချင်းအလိုက် လွှတ်တော်၏ အဆုံးအဖြတ်ရယူမှုကို ဇွန်လ ၂၅ ရက်က စတင် ပြုလုပ်နေခြင်းဖြစ်သည်။

မူလက ယင်းဥပဒေကြမ်း စတင် တင်သွင်းစဉ်က ဒုတိယ မြို့တော်ဝန် ခန့်အပ်မည့်အချက် ပါဝင်ခဲ့ခြင်းမရှိဘဲ ရန်ကုန်တိုင်းဒေသကြီးလွှတ်တော် ပြည်သူ့ငွေ စာရင်းကော်မတီက ယင်းသို့ ပြင်ဆင်ထည့်သွင်းသွားရန် ပြင်ဆင်ချက်အဆိုကို တင်သွင်းခဲ့ပြီး ယင်းအဆိုကို ဥပဒေကြမ်း ကော်မတီနှင့်လက်ရှိ ရန်ကုန်မြို့တော်ဝန်တို့က လက်ခံခဲ့ကာ ကန့်ကွက်သူ မရှိသည့်အတွက် ပြင်ဆင်ချက် အတည်ဖြစ်ခဲ့သည်။

မန္တလေးမြို့နှင့် နေပြည်တော်တို့တွင် စည်ပင်သာယာရေးကော်မတီ ဒုဥက္ကဋ္ဌနှင့် ဒုတိယမြို့တော်ဝန်များ အသီးသီးရှိကြပြီး လူနေထူထပ်လာသည့် မြို့တော်၏ လိုအပ်ချက်နှင့်အတူ မြို့တော်ဝန်တစ်ဦးတည်း မနိုင်နင်းသည့်ကိစ္စရပ်များကို ဆောင်ရွက်ရန် ဒုတိယမြို့တော်ဝန် တစ်ဦးလိုအပ်ကြောင်း ယင်းသို့ ဒုတိယ မြို့တော်ဝန်ခန့်အပ်ရေး ပြင်ဆင်ချက် တင်သွင်းခဲ့သည့် ပြည်သူ့ငွေစာရင်း ကော်မတီဥက္ကဋ္ဌ တိုင်းဒေသကြီး လွှတ်တော်ကိုယ်စားလှယ် ဦးတင့်လွင်က ပြောကြားသည်။

“ဒုတိယမြို့တော်ဝန်ရဲ့ လုပ်ပိုင်ခွင့် တာဝန်နဲ့ ခံစားခွင့် စတာတွေကို ဥပဒေ၊ နည်းဥပေဒ ပြဋ္ဌာန်းပြီးတော့ သတ်မှတ်ပေးရပါမယ်။ ဒုတိယမြို့တော်ဝန်ရဲ့ လုပ် ပိုင်ခွင့် တာဝန်နဲ့ပတ်သက်လို့ မန္တလေးနဲ့ နေပြည်တော်က စည်ပင်သာယာရေး နည်းဥပဒေတွေကို လေ့လာပြီးတော့ ရေး ဆွဲသင့်ပါတယ်။ ယခင်ရန်ကုန်မြို့တော် စည်ပင်သာယာရေး ကော်မတီ ခန့်အပ်ဖူးတဲ့သမိုင်းလည်းရှိပါတယ်”ဟု ၎င်းကဆိုသည်။

ထို့ပြင် အဆိုပါ စည်ပင်သာယာရေး ဥပဒေကြမ်းတွင် ရန်ကုန်မြို့တော်စည်ပင် သာယာရေး ကော်မတီဝင် ၂ ဦး ထပ်တိုးကာ ၁၁ ဦးထိ ခန့်အပ်သွားရန် ပြင်ဆင်ချက်အဆိုကို ဥပဒေကြမ်းကော်မတီက တင်သွင်းမှုကိုလည်း အတည်ပြုနိုင်ခဲ့ပြီး ဒုတိယမြို့တော်ဝန်ကို အဆိုပါ ကော် မတီဝင် ၁၁ ဦးက မဲစနစ်ဖြင့် ရွေးချယ်တင်မြှောက်ရမည်ဖြစ်သည်။

ထို့ပြင် လက်ရှိရန်ကုန်မြို့တော်ဝန်သည် ရန်ကုန်မြို့တော် စည်ပင်သာယာရေး ကော်မတီ၏ ဥက္ကဋ္ဌဖြစ်ပြီး ဒုတိယ မြို့တော်ဝန်သည် စည်ပင်သာယာရေး ကော်မတီ၏ ဒုတိယဥက္ကဋ္ဌ ဖြစ်လာမည်ဖြစ်ကြောင်း ယင်းဥပဒေ ပြင်ဆင်ချက်အရ သိရသည်။

မြို့တော်စည်ပင်ကို စီးပွားရေး အဖွဲ့အစည်းအဖြစ် ပြောင်းလဲဖွဲ့စည်းသွားမည့် ပြဋ္ဌာန်းချက်များ ပါဝင်လာသည့် ၂၀၁၈ ရန်ကုန်မြို့တော် စည်ပင်သာယာရေး ကော်မတီဥပဒေကြမ်းကို ပြီးခဲ့သည့် ဖေဖော်ဝါရီလ ၂ ရက်က ပြုလုပ်ခဲ့သည့် ရန်ကုန်တိုင်းဒေသကြီး လွှတ်တော် အစည်းအဝေးတွင် တိုင်းအစိုးရအဖွဲ့က လွှတ်တော်သို့ တင်သွင်းခဲ့ခြင်းဖြစ်သည်။

လက်ရှိတွင် အဆိုပါ စည်ပင် သာယာရေးကော်မတီဥပဒေကြမ်းကို ရန်ကုန်တိုင်းလွှတ်တော်တွင် အတည်ပြု ဆွေးနွေးမှု အခန်းလေးအထိ ရောက်ရှိနေပြီဖြစ်ပြီး ကျန်ရှိသည့် အခန်းများကို လာမည့် ဇွန်လ ၂၇ ရက်တွင် ကျင်းပပြုလုပ်မည့် ရန်ကုန်တိုင်းဒေသကြီး လွှတ်တော်အစည်းအဝေးတွင် ဆက်လက် အဆုံးအဖြတ် ရယူသွားရန် လွှတ်တော်က ကြေညာထားသည်။

J-08