News

POST TYPE

NEWS

YRTA ဝန်ထမ်း ၄၀၀ ကျော်အခြေခံလုပ်ခလစာ ရရှိ
24-Jun-2018 tagged as ဝန်ထမ်း YRTA

ရန်ကုန်၊ ဇွန် ၂၃

YRTA ဝန်ထမ်း ၄၀၀ ကျော် လက်မှတ်ရေးထိုး၍ တောင်းဆိုခဲ့သည့် အစိုးရ၏ အနိမ့်ဆုံးလုပ်ခလစာကို ယခုလကုန်ပေးရန် ဇွန်လ ၂၂ ရက်က အသိပေးခဲ့ကြောင်း YRTA ဝန်ထမ်းဦးမောင်ဇော်က ပြောကြားသည်။

ဇွန်လ ၉ ရက် MJN ရုံးတွင် အဆိုပါ ဝန်ထမ်းများသည် အစိုးရက တရားဝင်သတ်မှတ်ထားသည့် အနိမ့်ဆုံးလုပ်ခလစာ ကျပ် ၄၈၀၀ မရရှိခြင်းနှင့်ပတ်သက်၍ သတင်းစာရှင်းလင်းပွဲ ပြုလုပ်ခဲ့ပြီးနောက် ဇွန်လ ၁၁ရက်က YRTA က တာဝန်ရှိသူများနှင့် တွေ့ဆုံညှိနှိုင်းဆွေးနွေးခဲ့ကာ ဇွန်လ ၂၂ ရက်တွင် လစာတိုးမြှင့်ပေးရန် အသိပေးခဲ့ခြင်းဖြစ်သည်။

“ဒီလကုန်မှာပေးမယ်။ ရာထူးအဆင့်အလိုက်ရမှာပါ။ ကျွန်တော်တို့ကို မေလစာအတွက်ပါ နှစ်လစာပေါင်းပေးမယ်လို့ ပြောလိုက်ပါပြီ”ဟု ဦးမောင်ဇော်က ဆိုသည်။

အနိမ့်ဆုံးလုပ်ခလစာ ရရှိခြင်းမရှိသည့် ဝန်ထမ်း ၄၁၈ ဦးကို ရာထူးအဆင့် ၁၃ ဆင့်ခွဲ၍ လစာတိုးမြှင့်ပေးခြင်းဖြစ်ကြောင်း အဆိုပါဝန်ထမ်းများထံမှ သိရသည်။

မ.ထ.သ အုပ်ချုပ်မှုမှ YRTA အဖြစ် ပြောင်းလဲပြီး အဆိုပါဝန်ထမ်းများသည် တစ်နှစ်ခွဲနီးပါး ယခင်ပမာဏလစာဖြင့် အလုပ်လုပ်ကိုင်ခဲ့ခြင်းဖြစ်၍ မေလ ၃၁ ရက်က YRTA ရုံးချုပ်နှင့် တာမွေမြို့နယ် အလုပ်သမားညွှန်ကြားမှုဦးစီးဌာနကို အနိမ့်ဆုံးလုပ်ခလစာအတိုင်း သတ်မှတ်ပေးရန် တိုင်ကြားစာ ပေးပို့ခဲ့ခြင်းဖြစ်သည်။

အနိမ့်ဆုံးလုပ်ခလစာ ကျပ် ၄၈၀၀ ပေးခြင်းနှင့်ပတ်သက်၍ ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှုအာဏာပိုင်အဖွဲ့ကို ဆက်သွယ်မေးမြန်းရာတွင် ဆက်သွယ်၍မရပေ။

J-06