News

POST TYPE

NEWS

ထရမ့်-ကင် ဆွေးနွေးပွဲအလွန် အသစ်က ပြန်စကြတော့မည့် အမေရိကန်-မြောက်ကိုရီးယား သမိုင်းသစ်
13-Jun-2018



စင်ကာပူ၊ ဇွန် ၁၂

သမ္မတဒေါ်နယ်ထရမ့်နှင့် လူငယ်ကွန်မြူနစ်ခေါင်းဆောင် ကင်ဂျုံအန်းတို့ စင်ကာပူထိပ်သီးဆွေးနွေးပွဲတွင် ကိုရီးယားကျွန်းဆွယ်ဒေသ နျူကလီးယားလက်နက် ဖြုတ်သိမ်းရေးအတွက် သဘောတူညီချက်တစ်ရပ် လက်မှတ်ရေးထိုးနိုင်ခဲ့ပြီဖြစ်သလို အမေရိကန်-မြောက်ကိုရီးယား ဆက်ဆံရေးအတွက်လည်း ခေတ်သစ်တစ်ခု သို့မဟုတ် အခန်းသစ်တစ်ရပ်ကို ဖွင့်လှစ်နိုင်ခဲ့ပြီဖြစ်ကြောင်း နိုင်ငံတကာမီဒီယာအများစုက တူညီစွာရေးသားဖော်ပြကြသည်။ 

နာရီပေါင်း ငါးနာရီခန့်ကြာမြင့်ခဲ့သည့် ထိပ်သီးဆွေးနွေးပွဲတွင် သမ္မတထရမ့်နှင့် ကင်ဂျုံအန်းတို့ သီးသန့်နှစ်ဦးတည်း (စကားပြန်များတော့ပါဝင်သည်) တွေ့ဆုံခဲ့ကြသလို နှစ်နိုင်ငံကိုယ်စားလှယ် များနှင့်လည်း အထူးဆွေးနွေးပွဲများ ပြုလုပ်ခဲ့ကြသည်။ 

“ကျွန်တော်တို့ တစ်ခုခုလုပ်ချင်နေတာ၊ ကျွန်တော်တို့နှစ်ယောက်စလုံး တစ်ခုခုလုပ်ကြမှာပါ။ ပြီးတော့ ကျွန်တော်တို့တစ်တွေ ဒီထိပ်သီးဆွေးနွေးပွဲမှာ အင်မတန်ကောင်းတဲ့ သဘောတူညီချက် တစ်ရပ်ထွက်လာအောင် လုပ်ခဲ့ကြတယ်။ အဲတော့ ပြည်သူတွေအင်မတန် စိတ်ကြိုက်ဖြစ်ကြမှာပါ။ ပြည်သူတွေ အင်မတန်လည်း ပျော်ကြမှာပါ”ဟု သမိုင်းဝင် ထိပ်သီးဆွေးနွေးပွဲအပြီးတွင် ပြုလုပ်သော သတင်းစာရှင်းလင်းပွဲ၌ ဒေါ်နယ်ထရမ့်က ပြောကြားသည်။ 

ထရမ့်နှင့် ကင်ဂျုံအန်းတို့သည် ကိုရီးယားကျွန်းဆွယ်ဒေသ နျူကလီးယား ဖြုတ်သိမ်းရေးအတွက် လုပ်ဆောင်သွားကြမည့်အကြောင်း သဘောတူညီချက်တစ်ရပ်ကို နိုင်ငံတကာမီဒီယာများ၏ ရှေ့မှောက်တွင် လက်မှတ်ရေးထိုးကြသည်။ ကင်ဂျုံအန်းက ယင်းနျူကလီးယား ဖြုတ်သိမ်းရေးကိစ္စကို အပြီးသတ် မမှိတ်မသုန် လုပ်ဆောင်သွားပါမည့်အကြောင်း ထပ်မံကတိကဝတ်ပြုခဲ့ပြီး ဒေါ်နယ်ထရမ့်က အပြန်အလှန်အားဖြင့် မြောက်ကိုရီးယား၏ လုံခြုံရေးအတွက် အာမခံပေးမည်ဖြစ်သည်ဟု သဘောတူညီလိုက်သည်။ 

၎င်းတို့နှစ်ဦး လက်မှတ်ရေးထိုးထားသည့် သဘောတူညီချက် (စာချုပ်) ကို မီဒီယာများ တိုက်ရိုက်ဖတ်ရှုနိုင်အောင်လည်း တာဝန်ရှိသူများက အနီးကပ်ဓာတ်ပုံရိုက်ပြကြသည်။ 

စင်ကာပူထိပ်သီးဆွေးနွေးပွဲမှာ မစတင်မီကတည်းက ရင်တမမဖြင့်အား လုံးကစောင့်ကြည့်ခဲ့ကြရသော ဧရာမနိုင်ငံရေးဖြစ်စဉ်ကြီးတစ်ခုဖြစ်ခဲ့သည်။ သမ္မတထရမ့်ဘက်က ဆွေးနွေးပွဲဖျက်သိမ်းတော့မည့် သဘောမျိုးပြောလိုက်၊ ကင်ဂျုံအန်းဘက်က အမေရိကန်အစိုးရကို သံသယဝင်သည့် သဘောမျိုးပြောလိုက် စသည်ဖြင့် အခြေအနေအမျိုးမျိုးဖြစ်ပေါ်ခဲ့သည်။ 

သမ္မတထရမ့်နှင့် အများရှေ့မှောက်တွင် ၁၂ စက္ကန့်ကြာ လက်ဆွဲနှုတ်ဆက်ပြီးနောက် သမိုင်းဝင်ဆွေးနွေးပွဲများ မပြုလုပ်မီ ကင်ဂျုံအန်းက ယခုလိုစင်ကာပူသို့ အရောက်လာခဲ့ရသည့်ကိစ္စမှာ လွယ်ကူလွန်းလှသည့် ကိစ္စမဟုတ်ကြောင်း၊ သမိုင်းဟောင်းထဲမှ အရေးကိစ္စများက အနှောင့်အယှက် အဟန့်အတားအဖြစ် ရှိခဲ့ကြောင်း ပြောကြားသည်။ 

သမိုင်းဝင် သဘောတူညီချက်စာချုပ် လက်မှတ်ရေးထိုးရာတွင်မူ ထရမ့်က ဆွေးနွေးပွဲသည် ထင်တာထက်ပိုမို ကောင်းမွန်ခဲ့သည်ဟုဆိုပြီး ကင်ဂျုံအန်းကမူ ကမ္ဘာကြီးအနေနှင့် ကြီးမားသည့် အပြောင်းအလဲကြီးတစ်ရပ်ကို ယခု စင်ကာပူ ထိပ်သီးဆွေးနွေးပွဲအလွန်တွင် တွေ့မြင်ရတော့မည်ဖြစ်သည်ဟု မှတ်ချက်ပေးသည်။ 

ကင်ဂျုံအန်းပြောဆိုသည့် မှတ်ချက်များအနက် ထူးခြားသည့်မှတ်ချက်မှာ “အတိတ်ကကိစ္စရပ်များ၊ အဖြစ်သနစ်များကို အတိတ်မှာသာထားခဲ့မည်”ဟူသော သန္နိဋ္ဌာန်ပြုသော စကားပင်ဖြစ်သည်။ 

ဝေဖန်ရေးဆရာများနှင့် အယုံမလွယ်သူများက ကင်ဂျုံအန်းနှင့် မြောက်ကိုရီးယား ကွန်မြူနစ်အစိုးရအနေနှင့် ကတိကဝတ်များအတိုင်း လိုက်ပါလုပ်ဆောင်ပါမည်လောဟု သံသယဖြစ်ကြသည်။ သို့သော် နှစ်ဦးတည်းရော နှစ်ဖက် အစိုးရအရာရှိကြီးများနှင့်ပါ တွေ့ဆုံခဲ့ပြီးဖြစ်သည့် သမ္မတထရမ့်က ၎င်းအနေနှင့် ကင်ဂျုံအန်းကို ယုံကြည်ကြောင်း၊ ကင်ဂျုံအန်းကလည်း ၎င်းကို ယုံကြည်ကြောင်း ထုတ်ဖော်ပြောဆိုသည်။ 

“သူ နျူကလီးယားဖြုတ်သိမ်းလိမ့်မယ်၊ သူ အဲဒီကိစ္စကို အမြန်ဆုံးလုပ်လိမ့်မယ်၊ ကျုပ်ထင်တယ် အခုတောင် စလုပ်နေပြီထင်တယ်”ဟု ထိပ်သီးဆွေးနွေးပွဲအပြီး ပြုလုပ်သော မီဒီယာများနှင့် အင်တာဗျူးတွင် ထရမ့်က ဆိုသည်။ 

သမိုင်းဝင် ထိပ်သီးဆွေးနွေးပွဲတွင် ထရမ့်နှင့် ကင်ဂျုံအန်းတို့သည် အများက မျှော်လင့်ထားသည်ထက်ပင် ပိုမိုအဆင်ပြေချောမွေ့စွာ ဆက်ဆံရေးတစ်ရပ် ထူထောင်နိုင်ခဲ့ရုံမျှမက ယုံကြည်မှုကိုလည်း ခိုင်ခိုင်မာမာ တည်ဆောက်နိုင်ခဲ့သည်ကို တွေ့ရသည်။ “သူ ကျွန်တော့်ကို ယုံကြည်တယ်လို့ ကျွန်တော်ယုံတယ်။ သူက သတင်းထောက်တွေရှေ့မှာ ပွင့်ပွင့်လင်းလင်း ပြောတယ်၊ ဒီလိုမျိုးကိစ္စ တခြားဘယ်သမ္မတတစ်ယောက်ကမျှ မလုပ်နိုင်ခဲ့ဘူး၊ ပြောချင်တာက ဘယ်သမ္မတက ဘာလုပ်နိုင်တယ်ဆိုတာ သူသိတယ်၊ သူကျွန်တော့်ကို ယုံကြည်သလို ကျွန်တော်လည်း သူ့ကိုယုံကြည်တယ်”ဟု ထရမ့်က ဆိုသည်။ 

ထရမ့်သည် အမေရိကန်သမ္မတ အဆက်ဆက် မလုပ်နိုင်ခဲ့သော အလုပ်တစ်ခုကို ၎င်းလုပ်ပြနိုင်ခဲ့၍ ဂုဏ်ယူမဆုံး ပုံစံဖြစ်နေခြင်းလည်း ဖြစ်ဟန်ရှိသည်။ 

ထိပ်သီးဆွေးနွေးပွဲနှင့်ပတ်သက်၍ ထရမ့်၏ နောက်ထပ်ထူးခြားသည့် မှတ်ချက်တစ်ခုမှာ အမေရိကန်နှင့် မြောက်ကိုရီးယားအကြား စစ်ပွဲဂိမ်းဆော့ကစားမှု မပြုတော့ဟူသည့်အချက်ဖြစ်သည်။ 

ထရမ့်နှင့် ကင်ဂျုံအန်းတို့သည် အားလုံးထင်မှတ်ထားသည်ထက်ပင် ထိပ်သီးဆွေးနွေးပွဲတွင် ရင်းနှီးသော ဆက်ဆံရေးနှင့် အပြန်အလှန်ယုံကြည်မှုတို့ကို တည်ဆောက်နိုင်ခဲ့သည်။ 

မြောက်ကိုရီးယားသို့ ဒေါ်နယ်ထရမ့် သွားရောက်လည်ပတ်မည့်ကိစ္စမှာ မဖြစ်နိုင်သေးသော်လည်း လက်ရှိအနေအထားတွင် ထရမ့်က ကင်ဂျုံအန်းကို အိမ်ဖြူတော်သို့ ဖိတ်ခေါ်မည့် သဘောရှိသည်။ 

“အဲဒီကိစ္စ ဖြစ်စေချင်ပြီ၊ တကယ်အလုပ်ဖြစ်မယ့် ကိစ္စတချို့ ဖြစ်လာတာကိုမြင်ချင်တယ်၊ အဲဒီထဲမှာ သူ့ (ကင်ဂျုံအန်း) ကို အိမ်ဖြူတော်ကို ဖိတ်ခေါ်ချင်တာလည်းပါတယ်”ဟု ၎င်းက ပြောကြားသည်။ 

ထရမ့်-ကင်ထိပ်သီးဆွေးနွေးပွဲနှင့် ပတ်သက်၍ ဥရောပသမဂ္ဂ (အီးယူ) က ငြိမ်းချမ်းရေးအတွက် အရေးပါသော အဆင့်တစ်ခုဖြစ်ကြောင်း ကြေညာချက် တစ်ရပ်ထုတ်ပြန်ပြီး ကိုရီးယားကျွန်းဆွယ် တည်ငြိမ်အေးချမ်းရေးနှင့်ပတ်သက်သော ဒိုင်ယာလော့ခ်များအတွက် အီးယူက ထောက်ခံပံ့ပိုးသွားမည်ဖြစ်သည်ဟု ဆိုသည်။ 

ရုရှားနိုင်ငံကမူ အပြုသဘောဆောင်သည့် အဆင့်တစ်ခုဟုဆိုပြီး တရုတ်နိုင်ငံကမူ သမိုင်းတွင်သော ဖြစ်စဉ်တစ်ခုဖြစ်သည်ဟု ချီးမွမ်းပြောဆိုသည်။ 

ထရမ့်နှင့် ကင်ဂျုံအန်းတို့သည် တစ်ချိန်က “ရော့ကက်လူသား” “သက်ကျားအို” စသည်ဖြင့် တစ်ဦးနှင့်တစ်ဦး အပြန်အလှန် ပုတ်ခတ်ပြောဆိုခဲ့ကြသော်လည်း ယခုအခါ တကယ်ယုံကြည်ရသော မိတ်ဆွေများသဖွယ် ဖြစ်သွားကြသည်။ 

ထရမ့်ကို သက်ကျားအိုဟု ပြောဆိုခဲ့ဖူးသူ ကွန်မြူနစ်ခေါင်းဆောင် ကင်ဂျုံအန်းက “ကမ္ဘာပေါ်မှာရှိတဲ့ လူအတော်များများကတော့ ဒါဟာ စိတ်ကူးယဉ်ဆန်တဲ့ဖြစ် ရပ်တစ်ခုလို့ထင်ကြလိမ့်မယ်၊ သိပ္ပံစိတ်ကူးယာဉ် ရုပ်ရှင်ဇာတ်ကားထဲကလိုပေါ့ဗျာ”ဟု စကားပြန်မှတစ်ဆင့် မှတ်ချက်ပေးပြောဆိုသွားသည်။ 

F-01


  • VIA