News

POST TYPE

NEWS

အီတလီဝန်ကြီးချုပ်သစ် ကျမ်းသစ္စာကျိန်ဆို၊ အခြေခံကျကျ ပြောင်းလဲရန် ဆုံးဖြတ်ထား
07-Jun-2018 tagged as အီတလီ


ရောမ၊​ ဇွန် ၆

အီတလီအစိုးရသစ်သည် ဆီးနိတ် လွှတ်တော် ယုံကြည်စိတ်ချမှု မဲခွဲဆုံးဖြတ်ရာတွင် အနိုင်ရရှိသွားပြီး ဝန်ကြီးချုပ်သစ်က သာယာဝ ပြောရေးနှင့် တရားမဝင် နေထိုင်မှုနှိမ်နင်းရေးတို့ကို ကတိပြုလိုက်သည်ဟု DW  သတင်းတွင် ဖော်ပြထားသည်။

ဝန်ကြီးချုပ်သစ် ဂူဆက်ပီကွန်တီက ပါလီမန်သို့ ပထမဆုံးမိန့်ခွန်း ပြောကြားရာတွင် စီးပွားရေးကြီးထွားရေး၊ အခွင့်ထူးခံပင်စင် ဆန့်ကျင်ရေး၊ ရုရှားအား တံခါးဖွင့်ပေးရေးတို့အတွက် ၎င်း၏အစိုးရက စီစဉ်ထားမှုများကို ချပြခဲ့သည်။ လူကြိုက်များဝါဒသည် အုပ်ချုပ်သူအလွှာက ပြည်သူများ၏လိုအပ်ချက်ကို နားထောင်ခြင်းနှင့် အခွင့်ထူးခံ အာဏာများကို ဖယ်ရှားပစ်ခြင်း နှစ်မျိုးစလုံးကိုဆိုလိုပါက ၎င်း၏ အစိုးရသစ်သည် နှစ်မျိုးစလုံးနှင့် ထိုက်တန်သည်ဟု ဝန်ကြီးချုပ်က လွှတ်တော်သို့ အင်္ဂါနေ့က ပြောကြားခဲ့သည်။

ကွန်တီ၏ မိန့်ခွန်းအပြီးတွင် ဆီးနိတ်လွှတ်တော်က ၎င်း၏အစိုးရကို ယုံကြည်ကြောင်း ထောက်ခံ ၁၇၁ မဲ၊ ကန့်ကွက် ၁၁၇ မဲ၊ ပျက်ကွက် ၂၅ မဲဖြင့် အတည်ပြုပေးလိုက်သည်။

ဝန်ကြီးချုပ်ကွန်တီက ရွှေ့ပြောင်းနေထိုင်မှု ပြဿနာနှင့်ပတ်သက်၍ ဒုက္ခသည်များသည် ၎င်းတို့ ပထမဆုံးဝင်သည့် အီးယူနိုင်ငံတွင် မှတ်ပုံတင်ရသည့် ဒဗ္ဗလင်စည်းမျဉ်းကို ပြင်ဆင်ရန် တောင်းဆိုလိုက်သည်။ ဒုက္ခသည်များအား ပြန်လည်ဖြန့်ကြက်ရန် အလိုအလျောက် လိုက်နာမှုစနစ်ကို အကောင်အထည်ဖော်ရန် ကြိုးစားမည့် ကွန်တီက အီတလီသည် လူမျိုးရေး ခွဲခြားသောနိုင်ငံ မဟုတ်ဘဲ ဒုက္ခသည်များ၏ ရပိုင်ခွင့်နှင့် နေထိုင်ခွင့်ကို ဆုံးဖြတ်မှု မြန်ဆန်စေမည့် လုပ်ထုံးလုပ်နည်းများကို အလိုရှိခြင်းဖြစ်သည်ဟု ပြောကြားသည်။

နိုင်ငံခြားရေးမူဝါဒတွင် နေတိုး စစ်အုပ်စု အဖွဲ့ဝင်ဖြစ်ခြင်းနှင့် အမေရိကန်အား အထူးမဟာမိတ် သတ်မှတ်ခြင်းကိုထောက်ခံကြောင်း ကွန်တီက ပြောကြားသည်။ ရုရှား လူမှုအဖွဲ့အစည်းကို ထိခိုက်စေသည့် အရေးယူ ပိတ်ဆို့မှုများကိုလည်း ပြန်လည် သုံးသပ်ရမည်ဟု ၎င်းကဆိုသည်။ 

ယူရိုဇုန်မှ အီတလီ နုတ်ထွက်လိမ့်မည်ဟူသော မှန်းဆမှုများကိုမူ ကွန်တီကပယ်ချခဲ့ပြီး ယူရိုဇုန်မှ နုတ်ထွက်ရေးသည် ဆွေးနွေးရမည့်အရာမဟုတ်ဟု ပြောဆိုသည်။

ထို့ပြင် အီတလီသည် နိုင်ငံ၏ ကြွယ်ဝမှုကို တိုးမြှင့်ခြင်းဖြင့် ပြည်သူများ၏ ကြွေးမြီများကို လျှော့ချပေးလိုသည်ဟု ၎င်းက ပြောကြားသည်။

စားဝတ်နေရေး ကျပ်တည်းနေသော အိမ်ထောင်စုများအတွက် ဝင်ငွေကို ကူပံ့ပေးရန် အစိုးရကရည်မှန်းထားပြီး ထိုကူပံ့မှုကို အသက်မွေးဝမ်းကျောင်း သင်တန်းများနှင့် အလုပ်ခွင် ပြန်လည်ဝင်ရောက်ခြင်းတို့ဖြင့် စည်းကမ်းသတ်မှတ်ထားမည်ဟု ကွန်တီက ပြောကြားသည်။ ထို့အပြင် သင့်လျော်သောပုံစံဖြင့် နေထိုင်ရန် ဝင်ငွေ မလုံလောက်သော ပင်စင်သမားများကိုလည်း ကူညီရန် လုပ်ဆောင်သွားမည်ဟုဆိုသည်။

ရွှေပင်စင်ဟုခေါ်သော လွှတ်တော်အမတ်များ၊ နိုင်ငံရေးသမားများ၏ အခွင့်ထူးခံ ပင်စင်များကိုလည်း ဖြတ်တောက်ဖို့ လိုအပ်သည်ဟု ဝန်ကြီးချုပ်သစ်က ပြောကြားသည်။

ဂူဆက်ပီကွန်တီသည် အသက် ၅၃ နှစ်အရွယ် လူသိနည်းသော လက်ယာယိမ်းနိုင်ငံရေးသမားတစ်ဦးဖြစ်ပြီး အီတလီ၏ သုံးလကြာ နိုင်ငံရေး၊ စီးပွားရေး အကျပ်အတည်းများအပြီးတွင် အနောက်ဥရောပ၏ ပထမဆုံး Populist လူပြိန်းကြိုက်အစိုးရအဖြစ် အာဏာရရှိလာခဲ့သူဖြစ်သည်။

ကွန်တီသည် ဗုဒ္ဓဟူးနေ့တွင် အောက်လွှတ်တော်၌ အလားတူ မိန့်ခွန်းပြောကြားမည်ဖြစ်ပြီး ဒုတိယအကြိမ် ယုံကြည်စိတ်ချမှု မဲခွဲဆုံးဖြတ်ခြင်းကို ခံယူမည်ဖြစ်သည်။

ထိုအတောအတွင်း အီးယူပြည်ထဲရေးဝန်ကြီးများက အငြင်းပွားဖွယ် ဒဗ္ဗလင် စည်းကမ်းချက် ပြင်ဆင်ရေး အလားအလာများကို ဆွေးနွေးရန် အင်္ဂါနေ့က တွေ့ဆုံစည်းဝေးခဲ့ကြသည်။

F-04