News

POST TYPE

NEWS

အီရန်နျူသဘောတူညီချက်မှ အမေရိကန် နုတ်ထွက်၊ မထွက် ထရမ့်ဆုံးဖြတ်ချက်ကို ကမ္ဘာ့နိုင်ငံများ စိုးရိမ်တကြီးစောင့်ကြည့်
09-May-2018




နယူးယောက်၊ မေ ၈

အီရန်နျူသဘောတူညီချက်မှ အမေရိကန် နုတ်ထွက်၊ မထွက်ကို မေလ ၈ ရက်နေ့တွင် အမေရိကန်သမ္မတဒေါ်နယ် ထရမ့်က ဆုံးဖြတ်မည်ဖြစ်ပြီး နုတ်ထွက်လိုက်ပါက အန္တရာယ်ကြီးသော ကမ္ဘာနှင့်ချီသည့် အကျပ်အတည်းတစ်ရပ် ပေါ်ပေါက် လာနိုင်သောကြောင့် ကမ္ဘာ့နိုင်ငံအသီးသီးက စိုးရိမ်တကြီး စောင့်ကြည့်နေကြကြောင်း CNN သတင်းဌာနက ဖော်ပြသည်။

အီရန်၏နျူကလီးယားစီမံကိန်းကို လက်နက်အတွက် မဖြစ်စေဘဲစွမ်းအင်အတွက်သာ ဆောင်ရွက်ခွင့်ပြုရန်၊ အပြန်အလှန်အနေနှင့် အမေရိကန်နှင့် အနောက်နိုင်ငံများက ချမှတ်ထားသော အရေးယူပိတ်ဆို့မှုများ ဖြေလျှော့ပေးရန် အီရန်နှင့် ကမ္ဘာ့အင်အားကြီး ခြောက်နိုင်ငံ ရရှိခဲ့သော သဘောတူညီချက်သည် ဘားရက် အိုဘားမားလက်ထက်က အရေးပါသော သံတမန်ရေး အောင်ပွဲတစ်ရပ်ဖြစ်ခဲ့သည်။ အိုဘားမားချန်ထားခဲ့သော မူဝါဒအမွေများကို ပြောင်းပြန်လှန်ပစ်နေသည့် ထရမ့်သည် ဤသဘောတူညီချက်မှ နုတ်ထွက်မည်ဟုလည်း ပြောကြားခဲ့ဖူးသူဖြစ်သည်။

နုတ်ထွက်လိုက်ခြင်းဖြင့် ထရမ့်၏ “အမေရိကပထမ” မူဝါဒကို အားကောင်းစေမည်ဖြစ်သော်လည်း မမျှော်မှန်းနိုင်သော အကျိုးဆက်များ ဖြစ်လာနိုင်ပြီး အဆိုးဆုံးအနေနှင့် အီရန်နှင့် စစ်ဖြစ်ရခြင်းမှသည် နိုင်ငံအများအပြားပါဝင်သော စစ်ပွဲကြီးအဖြစ် ပြောင်းလဲသွားမည်ကို စိုးရိမ်ရသည်။

ထရမ့်အနေနှင့် သူ့မဲဆွယ် ကတိကဝတ်အတိုင်း နျူသဘောတူညီချက်မှ နုတ်ထွက်လိုက်ပါက သူ့အပေါ် ထောက်ခံသည့် အသိုင်းအဝိုင်း၏ ထောမနာပြုမှုကို ရရှိမည်ဖြစ်သော်လည်း နျူသဘောတူညီချက်တွင် ပါဝင်ခဲ့သော အမေရိကန် မဟာမိတ်အင်အားကြီးနိုင်ငံများနှင့်ပါ မျက်နှာပျက်ရမည်ဖြစ်သည်။

အခြားနည်းရွေးချယ်စရာအဖြစ် အီရန်အပေါ် အရေးယူပိတ်ဆို့မှုများသက် ညှာပေးရေးကို ငြင်းပယ်သလို ထပ်မံအရေးယူ ပိတ်ဆို့မှုများလည်း ချက်ချင်းမလုပ်သည့် လမ်းကို ရွေးနိုင်သည်။ ယင်းနည်းလမ်းကို ရွေးချယ်ပါကမူ အမေရိက၏ ဥရောပမဟာမိတ်များအနေနှင့် ထရမ့်လည်းလက်ခံနိုင်၊ မူလသဘောတူညီချက်ထက်လည်း ကျယ်ပြန့်သော စာချုပ်သစ်တစ်ရပ် ချုပ်ဆိုနိုင်ရေး ဆက်လက်ကြိုးစားရန် လမ်းပွင့်သွားနိုင်သည်။ 

သဘောတူညီချက်မှ နုတ်ထွက်လိုက်ပါက အိုဘားမားလက်ထက် အမေရိကန် နိုင်ငံခြားရေးမူဝါဒ၏ ထောက်တိုင်ဖြစ်ခဲ့သော နိုင်ငံစုံသံတမန်ရေးမှ ဂငယ်ကွေ့ ပြန်ကွေ့လိုက်ခြင်းမျိုး ဖြစ်လာနိုင်သလို ၂၀ ရာစုကာလအများစုတွင် အမေရိကန်၏ ကမ္ဘာကြီးအပေါ် ချဉ်းကပ်မှုပုံစံမှ လုံးဝကွဲထွက်သွားသည့် အခြေအနေသို့ ရောက်ရှိသွားနိုင်သည်။

ထို့အပြင် နုတ်ထွက်လိုက်ပါကထရမ့်၏ ကိုယ်ပိုင်သံတမန်ရေး မူဝါဒအတွက်ပင် ရှေ့နောက်မညီသည့်ကိစ္စ ဖြစ်လာနိုင်ပြီး မြောက်ကိုရီးယားနှင့် နျူသဘောတူညီချက်ရရန် ညှိနှိုင်းကာစအချိန်တွင် အီရန်နှင့်မူရှိပြီး သဘောတူညီချက်ကိုဖျက်ဆီးလိုက်လျှင် ရှုပ်ထွေးသွားနိုင်သည်။

ထရမ့်က အီရန်နှင့် သဘောတူညီချက်သည် ရူးသွပ်ပြီး ကြောင်တောင်တောင်နိုင်လွန်းသည်ဟု ဝေဖန်ခဲ့ဖူးရာ သူမည်သို့ ဆုံးဖြတ်မည်ဆိုခြင်းမှာ မှန်းရခက်နေဆဲဖြစ်သည်။

သဘောတူညီချက် မပျက်စီးစေရေးအတွက် ပြီးခဲ့သောရက်ပိုင်းအတွင်း ပြင်သစ်သမ္မတ အီမန်နျူရယ်မက်ခရွန်နှင့် ဂျာမနီဝန်ကြီးချုပ် မာကယ်လ်တို့သည် အိမ်ဖြူတော်သို့လာရောက်ပြီး ထရမ့်ကိုနားချခဲ့ကြသေးသည်။ ရှိပြီးသဘောတူညီချက်ကို မဖျက်ဘဲ ပိုကျယ်ပြန့်သည့် သဘောတူညီချက်အသစ်ဖြင့် အစားထိုးမည့်လမ်းကြောင်းကို ရွေးချယ်ရန် ခေါင်းဆောင်များက အဓိကထား တိုက်တွန်းခဲ့ကြသည်။

အီရန်၊ တရုတ်၊ ရုရှားနှင့် ဥရောပ နိုင်ငံများအားလုံးမှာ အိမ်ဖြူတော်မှ ထွက်ပေါ်လာမည့် ဆုံးဖြတ်ချက်ကို စောင့်ဆိုင်းနေကြပြီး ယင်းအပေါ်တွင် မူတည်ပြီးမည်သို့ တုံ့ပြန်မည်ကို ဆုံးဖြတ်ရတော့မည်ဖြစ်သည်။ 

ထရမ့်က သူ့ဆုံးဖြတ်ချက်နှင့်ပတ်သက်ပြီး ရှေ့ရက်ပိုင်းတွင် အရိပ်အမြွက် ပြောထားသမျှအရဆိုလျှင် နုတ်ထွက်မည့် သဘောထားက အလေးသာနေသည်။ သဘောတူညီချက် ဆက်လက်တည်မြဲစေရေး အမေရိကန်နိုင်ငံခြားရေးဝန်ကြီးဟောင်း ဂျွန်ကယ်ရီက ကြိုးစားနေသည်ဆိုသော သတင်းကို ထရမ့်က လှောင်ပြောင်ထားသည်။

“အမေရိကန်အနေနဲ့ ဒီအင်မတန် ဆိုးဆိုးရွားရွားညှိထားတဲ့ အီရန်သဘောတူညီချက်နဲ့ ပတ်သက်ပြီး ဂျွန်ကယ်ရီရဲ့ တရားမဝင်တဲ့ နောက်ကွယ်ကသံတမန်ရေးကို မလိုအပ်ပါဘူး။ ဒီလူက ဒီအရှုပ်ထုပ်ကို စဖန်တီးခဲ့တဲ့လူပါ”ဟု ထရမ့်က တွစ်တာ လူမှုကွန်ရက်တွင် ရေးသားခဲ့သည်။

F-03

  • VIA