News

POST TYPE

NEWS

ဘန်ကောက်တွင်ကျင်းပသည့် ဆိုင်ကယ်စတန့်ပြိုင်ပွဲတွင် မြန်မာနိုင်ငံသား ပထမဆုရ
10-Apr-2018 tagged as



မန္တလေး၊ ဧပြီ ၁၀

ထိုင်းနိုင်ငံ ဘန်ကောက်မြို့တွင် ကျင်းပပြုလုပ်ခဲ့သည့် ဆိုင်ကယ်စတန့်ပြိုင်ပွဲတစ်ခုမှ အငယ်တမ်းအဆင့် ပြိုင်ပွဲတွင် မြန်မာနိုင်ငံမှ သက်နောင်ဇော်က ပထမဆုရရှိခဲ့ကြောင်း ၎င်းထံမှ သိရသည်။

ဘန်ကောက်မြို့တွင် ဧပြီလ ၆ ရက်နေ့က ကျင်းပပြုလုပ်ခဲ့သည့် ၃၉ ကြိမ်မြောက် နိုင်ငံတကာ မော်တော်ယာဉ် ပြပွဲတွင် ဆိုင်ကယ်စတန့်ပြိုင်ပွဲသို့ ၎င်းအနေဖြင့် ဒုတိယအကြိမ်မြောက်အဖြစ် သွားရောက် ယှဉ်ပြိုင်ခဲ့ခြင်း ဖြစ်ကြောင်း ၎င်းက ဆိုသည်။

" ပထမအကြိမ်တုန်းကတော့ အလယ်တန်းအဆင့်ပြိုင်ပွဲမှာ ဒီက ၂ ယောက်ပြိုင်တယ်။ ဘာဆုမှ မရခဲ့ပါဘူး။ ခုတစ်ကြိမ်ကတော့ ကျွန်တော်က အငယ်တန်းအဆင့်မှာ ပထမရခဲ့တာပါ " ဟု ကိုသက်နောင်ဇော်က ပြောဆိုသည်။

အဆိုပါပြိုင်ပွဲတွင် အကြီးတန်းအဆင့်နှင့် အငယ်တန်းအဆင့် ပြိုင်ပွဲများပါဝင်ခဲ့ကာ ပြိုင်ပွဲဝင် ၅၀ ကျော်ပါဝင်ခဲ့ပြီး အင်ဒိုနီးရှားနိုင်ငံမှ အကြီးတန်းအဆင့်ပြိုင်ပွဲဝင်တစ်ဦး၊ မြန်မာနိုင်ငံမှ ပြိုင်ပွဲဝင် တစ်ဦးတို့ ပါဝင်ယှဉ်ပြိုင်ခဲ့ကြပြီး အငယ်တန်းအဆင့်တွင် ပြိုင်ပွဲဝင် ၂၀ ခန့်ယှဉ်ပြိုင်ခဲ့ကြကြောင်း ယင်းပြိုင်ပွဲထံမှ သိရသည်။

"ကျွန်တော်ကတော့ ကိုယ့်နိုင်ငံက ညီငယ်လေးတစ်ယောက် ခုလို နိုင်ငံတကာပွဲတစ်ခုမှာ ပထမရတယ်ဆိုတာ အရမ်းပျော်တာပေါ့။ အခြားစတန့်ဝါသနာရှင် ညီငယ်လေးတွေကို ပြောချင်တာကတော့ ကိုယ် ဘယ် Level ကို သွားမှာလဲ၊ လမ်းပေါ်မှ ပေါ်ပင်ဖြစ်ရုံ လမ်းသလားရုံလောက်ပဲ ကစားချင်တာလား၊ နိုင်ငံတကာပွဲတွေအထိ သွားချင်တာလား စဉ်းစားစေချင်ပါတယ်။ ခု ကျွန်တော်တို့နိုင်ငံကနေ ကြိုးစားနေတဲ့ ညီငယ်လေးတွေရှိတယ်။ သူတို့တွေလိုပဲ နိုင်ငံတကာပြိုင်ပွဲတွေ အထိသွားချင်တဲ့ ညီငယ်လေးတွေအနေနဲ့ ကျွန်တော်တတ်နိုင်တဲ့ အပိုင်းကို ကူညီဖို့အသင့်ပါ " ဟု ထိုင်းနိုင်ငံတွင် နေထိုင်သည့် ဆိုင်ကယ်စတန့်သမား ကိုနောင်(Stunner ko) က မှတ်ချက်ပြုပြောဆိုသည်။

မောင်သက်နောင်ဇော်သည် မန္တလေးမြို့ အမရပူရမြို့နယ်တွင် နေထိုင်ပြီး ၂၀၁၅ ခုနှစ်ကစ၍ ဆိုင်ကယ် စတန့်ကစားခဲ့ပြီး ယခုနှစ် ဖေဖော်ဝါရီလအတွင်းက ထိုင်းနိုင်ငံ ပတ္တယားမြို့တွင် ကျင်းပခဲ့သည့် စတန့်ပြိုင်ပွဲ တစ်ခုတွင်လည်း မိတ္ထီလာမြို့နယ်မှ ဟန်လင်းအောင်နှင့်အတူ အလယ်တန်းအဆင့်ပြိုင်ပွဲတစ်ခုကို သွားရောက်ယှဉ်ပြိုင်ခဲ့သည်။

M-04

  • TAGS