News

POST TYPE

NEWS

မူလခန့်မှန်းမှုထက်ပိုများသော သုံးစွဲသူ ၈၇ သန်း၏ အချက်အလက်များ ပေါက်ကြားခဲ့ကြောင်း ဖေ့စ်ဘွတ်ခ်ဝန်ခံ
06-Apr-2018 tagged as အမေရိကန် Facebook



ဝါရှင်တန်၊ ဧပြီ ၄ 

အမေရိကန်မှ အများစုဖြစ်သော သုံးစွဲသူ ၈၇ သန်းခန့်၏ ကိုယ်ရေးအချက်အလက်များကို နိုင်ငံရေးအတိုင်ပင်ခံအဖွဲ့ Cambridge Analytica ထံ မလျော်မကန် မျှဝေပေးမိခဲ့ဖွယ်ရှိကြောင်း ဖေ့စ်ဘွတ်ခ် ကုမ္ပဏီက ဧပြီလ ၄ ရက်နေ့တွင် ထုတ်ပြန်ခဲ့ပြီး သတင်းမီဒီယာများ၏ မူလခန့်မှန်းခြေ သန်း ၅၀ ကျော်ထက် ပိုများနေကြောင်း Reuters သတင်းဌာနက ဖော်ပြသည်။

အမှုဆောင်အရာရှိချုပ် မာ့ခ်ဇက်ကာဘာ့ဂ်ျက သတင်းထောက်များနှင့် စုဝေးဖုန်းခေါ်ဆိုမှု (Conference Call) ဖြင့် ဆက်သွယ်ပြောကြားရာတွင် ယခု အရှုပ်တော်ပုံနောက်ပိုင်း ဖေ့စ်ဘွတ်ခသုံးစွဲမှု သို့မဟုတ် ကြော်ငြာရောင်းအားအပေါ် ကြီးကြီးမားမားသက်ရောက်မှု တစ်စုံတစ်ရာမရှိခဲ့ကြောင်း၊ သို့သော်လည်း သုံးသူများက ကုမ္ပဏီအပေါ် မကျေမနပ်ဖြစ်လာပါက ကောင်းသည့် ကိစ္စမဟုတ်ကြောင်း ပြောကြားခဲ့သည်။

ဇက်ကာဘာ့ဂ်ျ၏ ရှင်းလင်းမှု နောက်ပိုင်း ဖေ့စ်ဘွတ်ခ်ရှယ်ယာများမှာ စတော့ဈေးကွက် ပိတ်ချိန်တွင် ၃ ရာခိုင်နှုန်းမျှ ပြန်တက်သွားသည်။ 

သုံးစွဲသူများ၊ ကြော်ငြာရှင်များ၊ လွှတ်တော်အမတ်များကို မကျေမနပ်ဖြစ်စေခဲ့သည့် အချက်အလက်ပေါက်ကြားမှုအတွက် ပြစ်တင်မှုများကို မိမိလက်ခံကြောင်း၊ တစ်ချိန်တည်းတွင်ပင် မိမိသည် မိမိထောင်ခဲ့သော ကုမ္ပဏီကို ဆက်လက် ဦးဆောင်နိုင်စွမ်းရှိသူ ဖြစ်နေဆဲဖြစ်ကြောင်း ဇက်ကာဘာ့ဂ်ျက ဖြေရှင်းခဲ့သည်။

“ကမ္ဘာမှာ မကြုံစဖူး ဖေ့စ်ဘွတ်ခ်လိုဟာမျိုးကို တည်ဆောက်တဲ့အခါမှာ ကိစ္စတွေက ရှုပ်ထွေးလာတာမျိုးတော့ရှိမှာပါပဲ”ဟု ဇက်ကာဘာ့ဂ်ျက ပြောကြားခဲ့ပြီး အမှားများမှ သင်ခန်းစာယူရန် အရေးကြီးကြောင်း သုံးသပ်ခဲ့သည်။

မိမိရာထူးမှဆင်းပေးရန် ဖေ့စ်ဘွတ်ခ် ဘုတ်အဖွဲ့အတွင်း ဆွေးနွေးပြောဆိုခြင်းမျိုးကို မကြားမိသေးဟု ဇက်ကာဘာ့ဂ်ျက ပြောကြားခဲ့သည်။ ဇက်ကာဘာ့ဂ်ျသည် ရှယ်ယာအများစုကို ထိန်းချုပ်ထားဆဲဖြစ်ရာ အခြားရှယ်ယာရှင်များက ဖြုတ်ချလိုလျှင်ပင် လွယ်ကူမည်မဟုတ်ပေ။

ယခုအရှုပ်တော်ပုံနှင့်ပတ်သက်ပြီး မည်သူ့ကိုမျှ ရာထူးမှမထုတ်ပယ်ခဲ့သလို ထုတ်ပယ်ရန်လည်း အစီအစဉ်မရှိကြောင်းကို ဇက်ကာဘာ့ဂ်ျက “ကျွန်တော်တို့လုပ်ခဲ့တဲ့ အမှားတွေအတွက် ဘယ်သူ့ကိုမှ ထိုးချသွားမှာမဟုတ်ပါဘူး”ဟု တုံ့ပြန်ခဲ့သည်။

သန်းနှင့်ချီသော သုံးစွဲသူများ၏ ကိုယ်ရေးအချက်အလက်များသည် အဖွဲ့၏လက်ထဲ မလျော်ကန်စွာ ရောက်ရှိသွားခဲ့ကြောင်း ဖေ့စ်ဘွတ်ခ်က ပြီးခဲ့သည့်လကမှ ဝန်ခံသွားခဲ့သည်။

ယင်းကိစ္စနှင့်ပတ်သက်ပြီး ဇက်ကာဘာ့ဂ်ျသည် လာမည့်အပတ်တွင် အမေရိကန်ကွန်ဂရက်လွှတ်တော်၌ ကြားနာစစ်ဆေးခံရမည်ဖြစ်သည်။

အမေရိကန်သမ္မတ ဒေါ်နယ်ထရမ့်၏ မဲဆွယ်အဖွဲ့ အပါအဝင် ဖောက်သည်များအတွက် လူမှုကွန်ရက်အချက်အလက်များကို အခြေခံပြီး မဟာဗျူဟာများချမှတ်ပေးခဲ့သော လန်ဒန်အခြေစိုက် Cambridge Analytica အဖွဲ့ကမူ ဖေ့စ်ဘွတ်ခ်၏ ထိခိုက်ခဲ့သော သုံးစွဲသူအရေအတွက် ခန့်မှန်းချက်ကို လက်မခံခဲ့ပေ။ ဖေ့စ်ဘွတ်ခ်ပေါ်မှ လူများ၏ အချက်အလက်များ စုဆောင်းရန် ခန့်အပ်ထားသောသုတေသန ပညာရှင်တစ်ဦးထံမှ လူသန်း ၃၀ ထက် မပိုသောသူများ၏ အချက်အလက်များသာ ရရှိခဲ့သည်ဟု CambridgeAnalytica က တွစ်တာမှတစ်ဆင့် ထုတ်ပြန်ခဲ့သည်။

ဖေ့စ်ဘွတ်ခ်အနေနှင့် စာရင်းစိစစ်ရန် ပိုလုပ်သင့်ပြီး ၂၀၁၄ ခုနှစ်တွင် Cambridge Analytica က ခန့်ထားခဲ့သည့် ပုဂ္ဂိုလ်ကဲ့သို့သော ပြင်ပအက်ပလီကေးရှင်းဖန်တီးသူများကို ကြီးကြပ်ရန် ပိုမိုအားထုတ်ရမည်ဖြစ်ကြောင်း ဇက်ကာဘာ့ဂ်ျက ဝန်ခံခဲ့သည်။ 

ဖေ့စ်ဘွတ်ခ်သည် ပြင်ပအက်ပလီကေးရှင်း ဖန်တီးသူများရရှိနိုင်သည့် ကိုယ်ရေးအချက်လက်များကို ကန့်သတ်ရန် လုပ်ဆောင်နေပြီး ပြဿနာများကိုဖြေရှင်း ကိုင်တွယ်ရန် နှစ်နှစ်ကျော်မျှ အချိန်ယူရမည်ဖြစ်သည်ဟု ပြောကြားခဲ့သည်။

ယခုအရှုပ်တော်ပုံကြောင့် ဗြိတိန်သတင်းအချက်အလက် မဟာမင်းကြီးရုံး၊ ဩစတြေးလျကိုယ်ရေးအချက်အလက် လုံခြုံမှုဆိုင်ရာ မဟာမင်းကြီး၊ အမေရိကန် ပြည်ထောင်စု ကုန်သွယ်ရေးကော်မရှင်နှင့် အမေရိကန်ပြည်နယ် ၃၇ ခုမှ ရှေ့နေချုပ်များက စုံစမ်းစစ်ဆေးမှုများ ပြုလုပ်လျက်ရှိသည်။

နိုင်ဂျီးရီးယားအစိုးရကလည်း တိုင်းပြည်၏ ၂၀၀၇ နှင့် ၂၀၁၅ ရွေးကောက်ပွဲများတွင် Cambridge Analytica က မလျော်မကန် ပါဝင်ပတ်သက်ခဲ့သည်ဆိုသော စွဲချက်များကို စုံစမ်းစစ်ဆေးသွားမည်ဟု ကြေညာထားသည်။ 

F-03