News

POST TYPE

NEWS

မလွယ်သေးသည့် အင်ဒိုနီးရှားနိုင်ငံပညာရေး
24-Mar-2018



၂၀၁၇ ခုနှစ် စက်တင်ဘာလက အင်ဒိုနီးရှားနိုင်ငံ သုတေသန၊ နည်းပညာနှင့် အဆင့်မြင့်ပညာဝန်ကြီးသည် ဂျကာတာတက္ကသိုလ် (UNJ) ကျောင်းအုပ်ပါမောက္ခဂျာလီကို တာဝန်က ရပ်ဆိုင်းလိုက်သည်။ ဝန်ကြီးက ကျောင်းအုပ်ကြီးကို အုပ်ချုပ်ရေးနှင့် စီမံခန့်ခွဲရေးတို့တွင် ညံ့ဖျင်းမှုများကြောင့် တာဝန်က ရပ်ဆိုင်းလိုက်ရကြောင်း ထုတ်ပြန်ကြေညာခဲ့သည်။ 

UNJ ကျောင်းကြီးသည် အင်ဒိုနီးရှားနိုင်ငံတွင် ဆရာအတတ်သင် ကောလိပ်တစ်ခုဖွင့်ထားပြီး ဆရာ၊ ဆရာမလောင်းပေါင်း ၁၇,၀၀၀ ကျော်ကို လေ့ကျင့်သင်ကြားပေးနေသည့် နေရာတစ်ခုလည်းဖြစ်သည်။ ကျောင်းအုပ်ကြီးကို တာဝန်ရပ်ဆိုင်းရာတွင် ဒေါက်တာဘွဲ့အတွက် ကြီးကြပ်သည့် ဆရာများ၏ တာဝန်ယူ တာဝန်ခံမှု ကင်းမဲ့ခြင်း၊ စာမေးပွဲဖြေဆိုရာတွင် ခိုးချနေမှုများကို မတားဆီးနိုင်ခြင်းတို့လည်း ပါဝင်နေသည်။ စာခိုးချသည့် ပြဿနာသည် ဒေါက်တာဘွဲ့အတွက် ကျမ်းတင်ရာ၌ပင် ရှိနေသည်။ 

လက်ရှိ နိုင်ငံရေး၊ ဥပဒေနှင့် လုံခြုံရေးဝန်ကြီးတာဝန်ကို ထမ်းဆောင်နေပြီး ယခင်က သမ္မတရာထူးကို ဝင်ရောက်ယှဉ်ပြိုင်ခဲ့သူ ဝီရန်တိုသည်ပင် စာကူးချသည့်ပြဿနာနှင့် မကင်းဟု ဆိုရမည်။ ဝီရန်တို ဒေါက်တာဘွဲ့အတွက် သုတေသနကျမ်းပြုရာတွင် ကြီးကြပ်သူမှာ ယခုကျောင်းအုပ်ကြီး ဂျာလီကိုယ်တိုင်ဖြစ်နေသည်။ သူသည် ၂၀၁၃ ခုနှစ်က UNJ မှာ ဒေါက်တာဘွဲ့ကို လူသားရင်းမြစ် စီမံခန့်ခွဲရေးဘာသာရပ်ဖြင့် ရရှိခဲ့သည်။ 

ထို့ပြင် UNJ တွင် ခန့်ထားသည့်ဆရာနှင့် ဝန်ထမ်းများကို ကြည့်လိုက်လျှင်လည်း ဂျာလီ၏ မိသားစုဝင်များကသာ ပညာသင်ကြားရေးနှင့် စီမံအုပ်ချုပ်ရေး၏အရေးပါသော ရာထူးနေရာများအား ယူထားကြောင်း တွေ့ရပြန်သည်။ ဆရာအတတ်သင်ကျောင်းအုပ်ကြီးကစပြီး အကျင့်ပျက်ခြစားသည့်အခါတွင် ခေါင်က မိုးမလုံသောကြောင့် အောက်ခြေလည်းပျက်ပြီး အင်ဒိုနီးရှားပညာရေးပင် ယိမ်းယိုင်ပြိုပျက်လုနီးပါး ဖြစ်နေကြောင်း တွေ့ရပြန်သည်။ 

လွန်ခဲ့သော ဆယ်နှစ်ခန့်ကတည်းက အင်ဒိုနီးရှားနိုင်ငံ၏ မူလတန်းနှင့် အလယ်တန်းအဆင့်များကို အဆင့်မြှင့်ရေးဆိုကာ လုပ်ဆောင်ခဲ့ကြသည်။ ထို့ကြောင့်လည်း ကျောင်းကိုရောက်လာကြသူတွေ များစွာရှိလာ သလို၊ ကျောင်းသက်ကြာကြာ တက်လာနိုင်သည့်အဆင့် အထိရောက်ခဲ့သည်ဟုဆိုရမည်။ သို့သော် အင်ဒိုနီးရှားနိုင်ငံတွင် အရည်အသွေးပြည့်မီသည့် ကွာလတီပညာရေးကို အကောင်အထည် မဖော်နိုင်သေးကြောင်းတွေ့ရသည်။

နိုင်ငံတကာအဆင့် စာမေးပွဲများတွင် အင်ဒိုနီးရှားနိုင်ငံသည် အောက်ဆုံးအဆင့်တွင်ရှိနေသည်။ Programme for International Student Assessment (PISA), Trends in International Mathematics and Science Study (TIMSS), and Progress in International Reading Literacy Study (PIRLS) ဆိုသည့် စာမေးပွဲများ စစ်ဆေးမှုများတွင် အိမ်နီးချင်း ဗီယက်နမ်၊ မလေးရှား၊ ထိုင်းနိုင်ငံတို့ထက်ပင် နောက်ကျနေသည့် အခြေအနေတွင် ရောက်နေသည်။

အင်ဒိုနီးရှားနိုင်ငံ တက္ကသိုလ်များသည် ကမ္ဘာ့အဆင့် ၅၀၀ အတွင်းမှာပင် ဝင်နိုင်ခြင်းမရှိပေ။ ပညာရေးဆိုင်ရာ သုတေသနလုပ်ငန်းများတွင် အကောင်အထည်ဖော် လုပ်ဆောင်နိုင်မှုများ မရှိသလောက်ဖြစ်သည်။ ပြဿနာက ပညာရေးအတွက် ငွေမထုတ်သုံးနိုင်ခြင်းဖြစ်သည်။ ထို့ပြင် လူသားရင်းမြစ်များကို စနစ်တကျ စီမံသုံးစွဲနိုင်မှုမရှိခြင်း၊ တက္ကသိုလ်ရှိ ပညာရှင်များကလည်း ဂျာလီလိုကျောင်းအုပ်ကြီးတွေ များနေခြင်းကြောင့် ပညာရေးက နိမ့်ကျပြီးရင်း နိမ့်ကျနေခဲ့ရသည်။

ပညာရေးဖွံ့ဖြိုးတိုးတက်ရေးအတွက် လုပ်ပိုင်ခွင့်တွေက အားနည်းသည်။ အခြေခံမှသည် အဆင့်မြင့်ပညာရေးအထိ တာဝန်ရှိသူများကလည်း စိတ်မဝင်စားသည့်အနေအထားကို တွေ့ရသည်။ တက္ကသိုလ်တွင် ဆောက်လုပ်ရေးကအစ ပစ္စည်းတင်သွင်းရေးအဆုံး ကျောင်းအုပ်ကြီးတွေက လေလံသမားတွေနှင့် လက်ဝါးချင်းရိုက်ကာ ပေါင်းတုတ်နေကြသည့် အနေအထားတွင်ရှိနေသည်။ ဆရာတွေကလည်း နိုင်ငံရေးယောင်ယောင်တွေကများပြီး ဒေသအတွင်း အာဏာပိုင်များ ဖြစ်စေရေးအတွက် ရွေးကောက်တင်မြှောက်ခြင်းခံရရန် စိတ်သန်နေသူတွေကများသည်။

အင်ဒိုနီးရှားနိုင်ငံတွင် ဆရာပေါင်း သုံးသန်းကျော်ရှိသည်။ သူတို့က ရွေးကောက်ပွဲနှင့် နိုင်ငံရေးတွင် ကိုယ်တိုင်ဝင်ပါနေကြသလို မိမိတို့ထောက်ခံသူ အမတ်ဖြစ်ရေးကို အားသွန်ခွန်စိုက် ဝိုင်းဝန်းကြိုးပမ်းပေးနေကြသူတွေက များသည်။ သူတို့တင်လိုက်၊ ထောက်ခံလိုက်သည့် အမတ်နေရာရသွားလျှင် သူတို့လည်း ရာထူးတိုး ပါဝါရှိမည်ဟု ယူဆနေသူများဖြစ်သည်။

လက်ရှိကျောင်းများတွင် အလေးပေးသင်ရန် ညွှန်ကြားထားသည့်က စာရိတ္တပညာရေးဖြစ်သည်။ သို့သော်ပညာရေး၏ ထိပ်ပိုင်းတွင် မရိုးသားသူတွေ ကြီးစိုးနေသည်။ ၂၀၁၄ ခုနှစ်က ပညာရေးနှင့် ယဉ်ကျေးမှုဝန်ကြီး ဘာဆဝီဒင်သည် ပညာရေးအား ကယ်တော်မူကြပါဟု အော်ဖူးသည်။ အရေးပေါ်အခြေအနေ ရောက်နေပြီဖြစ်သဖြင့် ကယ်တင်ကြရန် နှိုးဆော်ခြင်းဖြစ်သည်။ UNJ တွင် ကျောင်းအုပ်ကြီးလုပ်သွားသည့် မသမာမှုများက ပညာရေးသည် နစ်နေဆဲဖြစ်ကြောင်း ဖော်ပြနေသည်။ 

အစိုးရကလည်း ပညာရေးကို ပြိုင်ဆိုင်မှုများကို ယှဉ်နိုင်ရန်နှင့် ကမ္ဘာ့အဆင့်မီ စမတ်ကျသော ပညာရေးဖြစ်ရန် မျှော်လင့်ကြောင်း ထုတ်ဖော်ပြောကြားနေသည်။ ၂၀၂၅ တွင် ကမ္ဘာကိုယှဉ်နိုင်ရမည်ဟုပင် ဆိုလိုက်သည်။ သို့သော် ယနေ့တိုင် အင်ဒိုနီးရှားတက္ကသိုလ်တွေက ကမ္ဘာ့ထိပ်တန်းအဆင့် ၅၀၀ အတွင်း ဝင်နိုင်ခြင်းမရှိသေး။

ပညာရေးကို တိုးတက်စေလိုလျှင် UNJ လို တက္ကသိုလ်တွေကအစ ပြုပြင်ပြောင်းလဲရမည်။ ထိပ်ပိုင်းတွင် တာဝန်ယူထားသူတွေက မသမာသည့်နည်းများဖြင့် ပညာရှင်တွေကို မွေးထုတ်သည်။ အဆင့်ဆင့် အုပ်ချုပ်မှုများတွင် မသမာသူများက မွေးထုတ်လိုက်သည့် မသမာသူများနှင့် မသမာသူလေးတွေကို ထပ်မံမွေးထုတ်ပြီး မသမာမှုကင်းသော နိုင်ငံတော်ကြီး တည်ဆောက်မည်ဆိုခြင်းမှာ ရင်လေးစရာကောင်းလှသည်။ 

E-01 
(Ref: The Interpreter)


  • VIA