News

POST TYPE

NEWS

ရခိုင်ပြည်နယ် ပဋိပက္ခနှင့်ပတ်သက်၍ Facebook ကို ကုလသမဂ္ဂ အပြစ်တင်
နယူးယောက်၊ မတ် ၁၃

မြန်မာနိုင်ငံ ရခိုင်ပြည်နယ်တွင် ဖြစ်ပေါ်ခဲ့ဖွယ်ရှိသော လူမျိုးဖြုတ်ရှင်းလင်းမှု (မူရင်းအသုံး)တွင် ဖေ့စ်ဘွတ်ခ်သည် အမုန်းစကားများ ဖြန့်ဝေပေးခြင်းဖြင့် ကြီးမားသည့် အခန်းကဏ္ဍမှ ပါဝင်ခဲ့သည်ဟု ကုလသမဂ္ဂ စုံစမ်းစစ်ဆေးရေး အရာရှိများက ပြစ်တင်ဝေဖန်လိုက်သည်။

ရခိုင်အရေးကိစ္စဆိုင်ရာ ကုလသမဂ္ဂ၏ လွတ်လပ်သော နိုင်ငံတကာ အချက်အလက် ရှာဖွေစုဆောင်းရေးမစ်ရှင်ဥက္ကဋ္ဌ မာဇူကီဒါရူစ်မန်က ကမ္ဘာကျော် လူမှုကွန်ရက်ဖြစ်သော Facebook သည် ရခိုင်ပြည်နယ်အရေးကိစ္စတွင် အဆုံးအဖြတ်ပေးသည့်အခန်းကဏ္ဍမှ ပါဝင်ခဲ့ခြင်းဖြစ်သည်ဟု သတင်းထောက်များကို ပြောကြားသည်။

“ဖေ့စ်ဘွတ်ခ်ဟာ အများပြည်သူတွေအကြား ရန်ငြှိုးတွေ၊ အမျက်ဒေါသတွေ၊ ဆန့်ကျင်တဲ့ သဘောထားတွေနဲ့ ပဋိပက္ခတွေကို အတိုင်းအတာ တစ်ခုအထိ ရောက်အောင် လုပ်ပေးခဲ့တာ။ အမုန်းစကား ဖြန့်ဝေတဲ့ကိစ္စလည်း သေချာပေါက် ပါဝင်နေတယ်။ မြန်မာနိုင်ငံရဲ့ အနေအထားနဲ့ သိရသလောက်ပြောရမယ်ဆိုရင် လူမှုကွန်ရက်ဆိုတာ ဖေ့စ်ဘွတ်ခ်ပဲ ရှိတယ်၊ ဖေ့စ်ဘွတ်ခ်ဟာ လူမှုကွန်ရက်ပဲ”ဟု ၎င်းကပြောကြားသည်။

ကုလသမဂ္ဂ စုံစမ်းစစ်ဆေးရေးမှူး တစ်ဦးဖြစ်သည့် မစ္စယန်ဟီးလီကမူ Facebook သည် မြန်မာပြည်သူလူထု၊ အရပ်ဘက်နှင့် ပုဂ္ဂလိက လူမှုဘဝတို့၏ ကြီးမားသော အစိတ်အပိုင်းကြီးတစ်ခုဖြစ်နေကြောင်း၊ အစိုးရကလည်း အများပြည်သူအတွက် သတင်းအချက်အလက်များ ဖြန့်ဝေရာတွင် အဆိုပါ Facebook ကိုသာ အသုံးပြုကြောင်း ပြောကြားသည်။

“မြန်မာပြည်မှာက အရာရာကို ဖေ့စ်ဘွတ်ခ်ပေါ်ကနေပဲ လုပ်ကြတယ်။ ပြည်သူတွေကို သိစေချင်တဲ့ သတင်းအချက်အလက်တွေကိုလည်း ဖေ့စ်ဘွတ်ခ်သုံးပြီး ဖြန့်တယ်၊ အစွန်းရောက် ဗုဒ္ဓဘာသာမျိုးချစ်တွေကလည်း သူတို့ရဲ့ ဖေ့စ်ဘွတ်ခ်အကောင့်တွေကိုသုံးပြီး အကြမ်းဖက် အုံကြွမှုတွေ ဖြစ်အောင်လုပ်တယ်၊ ဘင်္ဂါလီ ဒါမှမဟုတ် အခြားတိုင်းရင်းသား လူနည်းစုတွေအပေါ် ရန်ငြှိုးထားအောင်လုပ်ကြတယ်”ဟု ၎င်းက ပြောကြားသည်။

“ကျွန်မ တစ်ခုစိုးရိမ်မိတာက ဖေ့စ်ဘွတ်ဟာ အခုဆိုရင် ဘီလူးကြီးတစ်ကောင်လို ဖြစ်လာပြီ။ သူ့ရဲ့မူလ ဦးတည်ချက်မျိုးမဟုတ်တော့ဘူး”ဟု ယန်ဟီးလီက ပြောကြားသည်။

ကုလသမဂ္ဂ စုံစမ်းစစ်ဆေးရေးမှူးများ၏ အဆိုပါမှတ်ချက်နှင့်ပတ်သက်၍ မာ့ခ်ဇူကာဘတ်၏ Facebook က ထင်မြင်သုံးသပ်ချက် တစ်စုံတရာ မပြုလုပ်သေးပေ။

သို့သော် Facebook သည် အမုန်းစကားများ အဆက်မပြတ် ဖြန့်ချိလျက်ရှိသော အကောင့်များကို ဖယ်ရှားလျက်ရှိကြောင်း၊ မြန်မာဗုဒ္ဓဘာသာ မျိုးချစ်ဘုန်းတော်ကြီး ဦးဝီရသူ၏အကောင့်ကိုလည်း ယင်းကိစ္စကြောင့်ပင် ဖယ်ရှားလိုက်ကြောင်း ပြီးခဲ့သည့် ဖေဖော်ဝါရီလအတွင်း သတင်းထုတ်ပြန်ခဲ့သည်။

F-01