News

POST TYPE

NEWS

AI ခေတ်တက္ကသိုလ်များ
27-Feb-2018



လာမည့်နှစ်ပေါင်း ၅၀ အတွင်း AI (Artificial Intelligence) ဆိုသည့် လူသားအတိုင်း တုပဆောင်ရွက်နိုင်သည့် ကွန်ပျူတာနည်းပညာအပြင်၊ Machine Learning ဆိုသည့် AI စက်များကို တီထွင်ခိုင်းစေနိုင်သည့် ပညာရပ်များသည် ခေတ်စားလာပေတော့မည်။ နည်းပညာ တိုးတက်ထွန်းကားလာသည်နှင့်အမျှ လူသားတို့အလုပ်အကိုင်များ ပျောက်ကွယ်ခဲ့ရသည်။ ထို့ကြောင့် အဆင့်မြင့်ပညာရပ်များကို သင်ကြားနေသည့် တက္ကသိုလ်များတွင်ပါ ဘာကိုသင်ကြရမည်နည်းဟု အဖြေရှာလာခဲ့ကြသည်။

တက္ကသိုလ်များတွင် လက်ရှိသင်ကြားနေသည့် ပညာရပ်များသည် နောက် ၁၀ နှစ်ဆိုလျှင် အံဝင်ခွင်ကျ ဖြစ်နိုင်ပါဦးမည်လော။ ပါမောက္ခကြီးများကိုယ်တိုင်ကပင် အနာဂတ်ပညာရေးအတွက် လူမှုရေးဘာသာရပ်များနှင့် လူမှုရေးသိပ္ပံ ဘာကိုဦးစားပေးမည်နည်းဟု ဆန်းစစ်နေကြသည်။ 

အနာဂတ်တွင် ကျောင်းသားများကိုလည်း တတ်မြောက်မှုနှင့် ကျွမ်းကျင်မှု၊ အသိပညာနှင့် အတတ်ပညာ ဘာကိုဦးစားပေး သင်ကြားသင့်သနည်းဆိုသည်ကို စဉ်းစားသင့်ပါသည်။ တိုးတက်သည့် နိုင်ငံကြီးများက Artificial Intelligence ခေါ် AI လမ်းကြောင်းကို ဦးတည်နေသည်။ AI နှင့် မိမိတို့တပည့်များကို ဆွဲခေါ်မည်လား၊ အစဉ်အလာ လမ်းကြောင်းအတိုင်း ဒယဥ့်တိုက် ဆွဲခေါ်နေမလား တက္ကသိုလ်များက ဆုံးဖြတ်ရပေလိမ့်မည်။ အနာဂတ်သည် လူသားနှင့်စက်ရုပ်များ ပညာပြိုင်ကြရမည့် ခေတ်ဖြစ်သည်။ စက်ရုပ်ကိုနိုင်အောင် မကိုင်နိုင်သည့်သူများ ဘွဲ့ရပြီး အလုပ်လက်မဲ့ ဘဝများတွင်သာ ကျင်လည်နေကြရပေလိမ့်မည်။

ပြုပြင်ပြောင်းလဲမှုများကို အရေးတကြီးမလုပ်သေးသည့် နိုင်ငံများတွင် ခေတ်ဟောင်း၊ စနစ်ဟောင်း ပညာရပ်များသည် ဆက်လက်အသုံးဝင်နေဦးမည်သာ ဖြစ်သည်။ သို့သော် ကွန်ပျူတာတွေ ကမ္ဘာကို အနှံ့ရောက်လာသည်။ စမတ်ဖုန်းတွေကို နေရာအနှံ့သုံးလာကြသည်ကို သတိပြုသင့်ပါသည်။ မကြာမီ စက်ရုပ်တွေက နေရာအနှံ့ ရောက်လာကြလိမ့်ဦးမည်။ စက်ရုပ်တွေက လုပ်ငန်းများတွင် ဝင်ရောက်နေရာယူပြီး လူတွေကို မောင်းထုတ်မည့် ခေတ်ရောက်လာလျှင် လူသားတွေ ဘာလုပ်ကြမည်နည်း။

ယနေ့ကမ္ဘာလူဦးရေသည် ထိန်းမထားနိုင်လောက်အောင် ပေါက်ကွဲစပြုနေသည်။ လူသားတို့၏ လိုအပ်ချက်များကို အစွမ်းကုန်ဖြည့်ဆည်းပေးနိုင်ရေးအတွက် ကွန်ပျူတာနှင့်စက်များကို အစားထိုးသုံးစွဲလာကြသည်။ လုပ်ငန်းတွေ ပျောက်ကုန်သည်။ အလုပ်လက်မဲ့နှုန်းတွေ တိုးတက်လာသည်။ စက်မှုခေတ်ပြောင်း တော်လှန်ရေး ပြီးကတည်းက လုပ်အားတွေ လျှော့ချနေခဲ့ရသည်မှာ မဆုံးနိုင်လောက်အောင်ဖြစ်လာသည်။ အနာဂတ်ကို မည်သို့ တည်ဆောက်ကြမည်နည်း။

ယနေ့ တက္ကသိုလ်အသီးသီးတွင် မျှော်လင့်ချက်များဖြင့် တက်ရောက်ပညာသင်ကြားနေသူတို့မှာ အနာဂတ်ပျောက်မှန်းမသိ ပျောက်လာနိုင်သည်ကို သတိပြုသင့်ပါသည်။ စက်က လူလို တွေးခေါ်ပေးနိုင်သည့်ခေတ်တွင် လူကဘာတွေ တွေးစရာလိုဦးမည်နည်းဟု မေးခွန်းထုတ်လာကြသည်။ စက်က လူလိုတွေးနိုင်ရန်ဆိုသည်မှာ အလိုလိုမဖြစ်နိုင်ပါ။ လူလိုတွေးနိုင်အောင် တပ်ဆင်တည်ဆောက်ဖို့လိုသည်။ ထို့ကြောင့် အနာဂတ်သည် တည်ဆောက်ဖန်တီးနိုင်သူများ လိုအပ်လာသည်။ 

အနာဂတ်ခေါင်းဆောင်များကို ဖန်တီးရာတွင် ကွန်ပျူတာသည် ရှောင်လွှဲ၍မရသည့် ကြားခံပစ္စည်းတစ်ခု ဖြစ်လာသည်ကို သဘောပေါက်စေလိုပါသည်။ ထို့ကြောင့် ကွန်ပျူတာနှင့်ပုံဖော်ရမည့် ကွန်ပျူတာသိသော ဘာသာစကား၊ စက်ရုပ်များနားလည်မည့် ဘာသာစကားတစ်ခုဖြစ်သော Programming ဘာသာစကားက အရေးပါလာပေလိမ့်မည်။ တက္ကသိုလ်ထွက် တစ်ယောက်တွင် Programming ဆိုသည့် ဘာသာစကားကျွမ်းကျင်မှု တစ်ခုခုပါမသွားလျှင် ပြင်ပကမ္ဘာ၌ ရပ်တည်၍မရနိုင်သည့် အနေအထားမျိုးကို ရောက်သွားနိုင်ပါသည်။ ကွန်ပျူတာ Programming များက လက်ရှိ စက်ဖြင့်လုပ်ဆောင်နေရသော လုပ်ငန်းများ၊ စက်ရုပ်များကို မည်မျှထိန်းချုပ်ထားကြောင်း သဘောပေါက်ထားရန်လိုပါသည်။

ဘွဲ့ရသွားသူတစ်ဦးသည် စိတ်ပညာဘာသာရပ်ကို သိသင့်ပါသည်။ သို့သော် ကွန်ပျူတာဦးနှောက်သည် စိတ်ပညာဖြင့် ပိုင်းဖြတ်မရနိုင်သည့် အကြောင်းတရားများစွာ ရှိနိုင်ကြောင်းလည်း နားလည်ထားရပါလိမ့်မည်။ အနာဂတ်တွင် ကိုယ်ကျင့်တရားဆိုင်ရာ ပညာရပ်များသည် အရေးပါကောင်း ပါလာနိုင်ပါသည်။ သို့သော် ကိုယ်ကျင့်တရားဆိုင်ရာ စံနှုန်းများကို လူသားတို့ထက် စက်ရုပ်များကို ပိုပြီးသတ်မှတ်ရန် လိုကောင်း လိုလာမည်ကိုလည်း သတိပြုသင့်ပါသည်။

တက္ကသိုလ်မှ ပညာရှင်ကြီးများသည် အနာဂတ်ကို ကောင်းစွာ ရှုမြင်သုံးသပ်သင့်ပြီဟု ထင်ပါသည်။ ထို့ကြောင့် အစဉ်အလာပညာနှင့် အနာဂတ်ပညာကို ပေါင်းကူးနိုင်မည့် အစီအစဉ်များကို လေ့လာပြင်ဆင်ထားသင့်ပြီ။ စီးပွားရေးပညာကိုသင်လျှင် စက်ရုပ်စီးပွားကို ထည့်သင်ရန် စဉ်းစားသင့်သလို၊ နိုင်ငံရေး ပညာသင်လျှင်လည်း နိုင်ငံရေးကို လူက အဆုံးအဖြတ်ပေးသည်ဆိုသည့် လက်တွေ့မဆန်သော သင်ကြားမှုများကို စဉ်းစားသင့်သည်။ ယခုအခါ နိုင်ငံရေးကို အွန်လိုင်းကတစ်ဆင့် ကိုင်တွယ်လိုက်သောကြောင့် ရလဒ်ပြောင်းရသည့် နိုင်ငံရေးဖြစ်နေရသည်ကိုလည်း သတိမူသင့်သည်။ ဆိုရှယ်မီဒီယာနှင့် လူသားတို့နေ့စဉ်ဘဝ ရိုက်ခတ်မှုများကလည်း ဂယက်ထန်နေသည်။ 

AI တစ်ခေတ်ထလာမည့် အနာဂတ်သည် စက်ရုပ်တွေ ဝင်ဘယ်လ်တန်တင်းနစ်ကွင်းထဲ ဆင်းလာပြီး လူသားနှင့်ယှဉ်ပြိုင်ရန် တောင်းဆိုကောင်း တောင်းဆိုလာလိမ့်မည်။ နည်းပညာက လူသားကိုအနိုင်ယူရန် တီထွင်နေမည်သာဖြစ်သည်။ အနာဂတ်တွင် စက်ရုပ်ကိုနိုင်မည့် တင်းနစ်ကစားသမား လူသားတွေ မရှိနိုင်လောက်အောင် ဖြစ်လာလိမ့်မည်။ ထို့ကြောင့် စက်ရုပ်ကို နိုင်အောင်ကစားသည့် လူသားကို မွေးမည်လား၊ လူသားကို နိုင်အောင်ကစားနိုင်မည့် စက်ရုပ်ကို ဖန်တီးမည်လားဆိုသည့် တွေးစရာပေါ်လာသည်။ 

တက္ကသိုလ်ကို အဆင့်မြင့်ပညာရပ်များနှင့် အနာဂတ်ကို ဖန်တီးနေသည့် နေရာများအဖြစ် ဆက်လက်ရပ်တည်လိုပါလျှင် ပြောင်းလဲမှုတစ်ခုခုကို လုပ်ရပေတော့မည်။ 

E-01
(Ref: Universities in the Age of AI, Andrew Wachtel)


  • VIA