News

POST TYPE

NEWS

မြန်မာနိုင်ငံတောင်ပိုင်း ဖွံ့ ဖြိုးရေးစီမံကိန်း USAID က ကန်ဒေါ်လာ ၄၈ သန်း ကူညီ
22-Feb-2018

ရန်ကုန်၊ ဖေဖော်ဝါရီ ၂၂

မြန်မာနိုင်ငံတောင်ပိုင်းဒေသ ဖွံ့ဖြိုးတိုးတက်ရေး ငါးနှစ် စီမံကိန်းအသစ်အတွက် အမေရိကန် နိုင်ငံတကာ ဖွံ့ဖြိုးရေးအေဂျင်စီ (USAID) က အမေရိကန် ဒေါ်လာ ၄၈ သန်းကူညီမည်ဖြစ်ကြောင်း အဆိုပါ အဖွဲ့အစည်းက ထုတ်ပြန်သည်။

ယင်းစီမံကိန်းသည် USAID က အကောင်အထည်ဖော် လုပ်ဆောင်နေသည့် မြန်မာနိုင်ငံတောင်ပိုင်းဒေသတွင်း လူမှုအသိုက်အဝန်း စွမ်းရည်မြှင့်တင်မှု တိုးတက်ရေး ဆောင်ရွက်နေမှု၏ အစိတ်အပိုင်းတစ်ခုဖြစ်သည့် ကယားပြည်နယ်အတွင်းရှိ လူမှုအသိုက်အဝန်းများအတွက် လိုအပ်သော ကျန်းမာရေး၊ ပညာရေး၊ ရေနှင့် ရေသန့်ရှင်းရေး ကဏ္ဍတို့ကို မြှင့်တင်ပေးခြင်းနှင့် အသက်မွေးဝမ်းကျောင်းမှု အခွင့်အလမ်းများ တိုးပွားခြင်းဖြင့် လူမှုအသိုက်အဝန်းများကို ပိုမိုအားကောင်းလာအောင် လုပ်ဆောင်မည့် စီမံကိန်းဖြစ်သည်။

“ဒီစီမံကိန်းအသစ်မှာ ၂၀၁၁ ခုနှစ်ကစတင်ပြီး ရှေ့သို့စီမံကိန်းနဲ့ အကောင်အထည်ဖော် ဆောင်ရွက်ရာမှာ အောင်မြင်ခဲ့တဲ့ နည်းလမ်းတွေကို အသုံးချသွားမှာ ဖြစ်ပါတယ်”ဟု Pact မြန်မာ၏ မြန်မာနိုင်ငံဆိုင်ရာ ဒါရိုက်တာ Mr.Richard Harrison ၏ ပြောကြားချက်ကို ထုတ်ပြန်ချက်၌ ဖော်ပြသည်။

အဆိုပါ မြန်မာနိုင်ငံ တောင်ပိုင်းဒေသတွင်း လူမှုအသိုက်အဝန်း စွမ်းရည် မြှင့်တင်မှု တိုးတက်ရေးစီမံကိန်းကို Pact မြန်မာ၊ Community Partners International, Mercy Corps နှင့် Save the Children အဖွဲ့တို့က ပူးပေါင်း အကောင်အထည်ဖော်လျက်ရှိကြောင်း ယင်းအဖွဲ့အစည်းများထံမှ သိရသည်။

J-01