News

POST TYPE

NEWS

သက်ငယ်မုဒိမ်း သမားများကို ဓာတုနည်းဖြင့် သင်းကွပ်ရန် တူရကီစီစဉ်
21-Feb-2018


အန်ကာရာ၊ ဖေဖော်ဝါရီ ၂၁

သက်ငယ်မုဒိမ်းသမားများကို ဓာတုနည်းဖြင့်သင်းကွပ်ရန် တရားသူကြီးများ က စီရင်ချက် ချမှတ်နိုင်ရန် ခွင့်ပြုပေးထားသော ဥပဒေသစ်တစ်ရပ်ကို လွှတ်တော်သို့ တင်သွင်းသွားမည်ဖြစ်ကြောင်း တူရကီအစိုးရက ထုတ်ပြန်ခဲ့သည်ဟု DW သတင်းဌာနက ဖော်ပြသည်။

အရွယ်မရောက်သေးသူများကို လိင်ပိုင်းဆိုင်ရာ စော်ကားနှောင့်ယှက်မှုများ လျော့ကျသွားရန် ရည်ရွယ်ပြီးရက်ပိုင်းအတွင်း ဥပဒေကြမ်းကို လွှတ်တော်သို့ တင်ပြသွားမည်ဟု တရားရေးဝန်ကြီး အဗ္ဗဒူလာမစ် ဂူးလ်ကပြောကြားသည်။

၂၀၁၆ တွင် ကလေးသူငယ်လိင်ပိုင်းဆိုင်ရာ အကြမ်းဖက်ခံရမှု အမှုအခင်း အရေအတွက်မှာ လွန်ခဲ့သော ၁၀ စုနှစ်ကထက် လေးဆ ပိုများလာခဲ့သည်ဟု တရားရေးဝန်ကြီးဌာနက လူ့အခွင့်အရေးအဖွဲ့များ၏ အချက်အလက်များကို ကိုးကားပြုစုထားသော အစီရင်ခံစာတွင် ဖော်ပြထားသည်။

၂၀၀၆ ခုနှစ်အတွင်း သက်ငယ်မုဒိမ်းမှု ၃၇၇၈ မှု ရှိခဲ့ရာမှ ၂၀၁၆ ခုနှစ်တွင် ၂၁၁၈၉ မှုအထိ ရှိလာခဲ့ပြီး စွပ်စွဲခံရသူ ၆၀ ရာခိုင်နှုန်းမှာ အပြစ်ရှိကြောင်း ဆုံးဖြတ်ခြင်း ခံခဲ့ရသည်။
 
ဓာတုနည်းဖြင့် သင်းကွပ်ခြင်းဆိုသည်မှာ လိင်စိတ်ဆန္ဒ လျော့ကျသွားစေသော Anaphrodisiac ဆေးဝါးများ အသုံးပြုပြီး လူတစ်ဦးကို လုံးဝ လိင်ဆက်ဆံလိုစိတ် မရှိတော့အောင် ပြုလုပ်ခြင်း ဖြစ်သည်။ ယင်းဆေးဝါးကို သောက်ဆေးအဖြစ်ဖြစ်စေ၊ ထိုးဆေးအဖြစ်ဖြစ်စေ သုံးစွဲရပြီး လတိုင်း သုံးလအထိ သုံးစွဲပြီးပါက ဓာတုနည်းဖြင့် သင်းကွပ်ပြီးသား ဖြစ်သွားမည်ဖြစ်သည်။

ယင်းအစီအမံကို အမျိုးသမီး အစည်းအရုံးများ အသင်းစုကြီးက ဝေဖန်ခဲ့ပြီး လူ့အခွင့်အရေးကို ဆန့်ကျင်သော ပြစ်ဒဏ်ဖြစ်သလို ခေတ်သစ်ဥပဒေများမှ သွေဖည်နေကြောင်း ဝေဖန်ခဲ့သည်။

၂၀၁၆ ခုနှစ်ကလည်း လိင်ပိုင်းဆိုင်ရာ ပြစ်မှုကျူးလွန်သူများကို ဓာတုနည်းဖြင့် သင်းကွပ်နိုင်ရေး ဥပဒေပြဋ္ဌာန်းရန် စီစဉ်ခဲ့ဖူးပြီး တူရကီနိုင်ငံ၏ အမြင့်ဆုံး တရားရုံးဖြစ်သော နိုင်ငံတော်တရားရုံးက ပယ်ချခဲ့သည်။ အဓိပ္ပာယ် ဖွင့်ဆိုချက်များနှင့် ကန့်သတ်ချက်များမှာ ယေဘုယျ ဆန်လွန်းနေသည်ဟု နိုင်ငံတော်တရားရုံးက သုံးသပ်ခဲ့သည်။

သို့သော်လည်း ကလေးသူငယ် အလွဲလုပ်မှုများ မြင့်တက်လာမှုအပေါ် လူထုက မကျေမနပ် ဖြစ်နေကြချိန်တွင် အချို့သော ပြစ်မှုများ၌ ဓာတုနည်းဖြင့် သင်းကွပ်သည့်နည်းကို သုံးသင့်ကြောင်း ဆွေးနွေးငြင်းခုံမှုများ ရှိလာခဲ့သည်။

ယခုလအစောပိုင်းတွင် တောင်ပိုင်းပြည်နယ် အဒါနာ၌ မင်္ဂလာဆောင်တစ်ခုတွင် ၃ နှစ်သမီးကို အဓမ္မ ကျင့်ခဲ့သော အသက် ၂၀ အရွယ် အမျိုးသားတစ်ဦးကို ရုံးတင်စစ်ဆေးခဲ့သည်။

ကျူးလွန်သူကို ထောင်ဒဏ် ၆၆ နှစ်အထိ အပြစ်ပေးရန် ဥပဒေအရာရှိများက တောင်းဆိုထားကြပြီး တရားရင်ဆိုင်နေဆဲဖြစ်သည်။

ယင်းဖြစ်စဉ်မှာ လူပြောစရာဖြစ်ခဲ့ပြီးနောက် အစိုးရက ကလေးသူငယ်များ လိင်ပိုင်းဆိုင်ရာ အလွဲလုပ်ခံရမှု တိုက်ဖျက်ရေး ကော်မတီတစ်ရပ် ဖွဲ့စည်းခဲ့သလို သမ္မတ ရီဆက်တာယစ် အာဒိုဂန်ကလည်း သက်ငယ်မုဒိမ်းကောင်များကို အပြင်းထန်ဆုံးနည်းဖြင့် ပြစ်ဒဏ်ပေးမည်ဟု ကြေညာခဲ့သည်။

သက်ငယ်မုဒိမ်းသည် လူ့အဖွဲ့ အစည်းကို ပြိုလဲသွားစေနိုင်သည့် ဒိုင်းနမိုက်ဖြစ်သည်ဟုလည်း သမ္မတက မှတ်ချက်ပေးသွားခဲ့သည်။

နိုင်ငံအချို့တွင် လိင်ပိုင်းဆိုင်ရာ ပြစ်မှုကျူးလွန်သူများကို ဓာတုနည်းဖြင့် သင်းကွပ်မှုများ ပြုလုပ်နေပြီး ယင်းအထဲတွင် ရုရှား၊ အင်ဒိုနီးရှား၊ ဩစတြေးလျ၊ တောင်ကိုရီးယားနှင့် အမေရိကန်ပြည်ထောင်စု ပြည်နယ်အချို့ပါ ပါဝင်သည်။

F-03