News

POST TYPE

NEWS

ဂျက်ကော့ဇူးမားကို နိုင်ငံအကြီးအကဲအဖြစ်မှ ဖယ်ရှားရန် တောင်အာဖရိက ANC ပါတီ ဆုံးဖြတ်
14-Feb-2018



ကိပ်တောင်း၊ ဖေဖော်ဝါရီ ၁၃

တောင်အာဖရိက အမျိုးသားကွန်ဂရက်ပါတီ ANC အလုပ်အမှုဆောင်ကော်မတီသည် ၁၃ နာရီကြာ ပါတီခေါင်းဆောင်ပိုင်း အစည်းအဝေးအပြီးတွင် သမ္မတဂျက်ကော့ဇူးမားကို နိုင်ငံအကြီး အကဲအဖြစ်မှရုပ်သိမ်းရန် သို့မဟုတ် ဖယ်ရှားရန် ဆုံးဖြတ်လိုက်သည်ဟု ပါတီအကြီးတန်း တာဝန်ရှိသူတစ်ဦးက ပြောကြားကြောင်း Reuters သတင်းတွင်ဖော်ပြထားသည်။

ဒီဇင်ဘာလ ၇ ရက်တွင် ဒုသမ္မတ ဆိုင်ရီလ်ရမ်ဖိုဆာပါတီ ခေါင်းဆောင်အဖြစ် ရွေးချယ်တင်မြှောက်ခံရပြီးနောက်ပိုင်း ဇူးမားသည် ၂၀၀၉ နှစ်လယ်တွင် ကုန်ဆုံးမည့် ၎င်း၏ ဒုတိယသက်တမ်းကို အဆုံးသတ်ရန် ပါတီတွင်းမှ တောင်းဆိုလာခြင်းကို ရင်ဆိုင်ခဲ့ရသည်။

ဇူးမား (၇၅ နှစ်) သည် တောင်အာဖရိကတွင် ၁၉၉၄ ခုနှစ် အသားအရောင်ခွဲခြားမှု အဆုံးသတ်ပြီးနောက်ပိုင်း စီးပွားရေးကျဆင်းမှု၊ အဂတိလိုက်စားမှုများ ရှုပ်ထွေးနေခဲ့သော ကိုးနှစ်ကြာအုပ်ချုပ်မှု သက်တမ်းကို ဖြတ်သန်းခဲ့သည့် အငြင်းပွားဖွယ်ရာအဖြစ်ဆုံး သမ္မတတစ်ဦးလည်း ဖြစ်သည်။

ပါတီအလုပ်အမှုဆောင် ကော်မတီက ဇူးမားကို နိုင်ငံအကြီးအကဲအဖြစ်မှ ဖယ်ရှားရန် အခွင့်ရှိသော်လည်း ဇူးမားက ငြင်းပယ်ဖွယ်ရှိသည်ဟု ပြည်တွင်းမီဒီယာများက ရေးသားကြသည်။

ရမ်ဖိုဆာ (၆၅ နှစ်) သည် သမ္မတ၏ ကြမ္မာကိုဆုံးဖြတ်မည့် အစည်းအဝေးသို့ ပြန်မသွားမီ တနင်္လာနေ့ညက ဇူးမားထံ သွားရောက်တွေ့ဆုံခဲ့သည်ဟု သိရှိရသည်။

“ဇူးမားကို ရုပ်သိမ်းဖို့ ဆုံးဖြတ်လိုက်ပါပြီ။ သူ့ကိုတော့ မပြောရသေးပါဘူး။ ဆိုင်ရီလ်က သူ့ဆီသွားနေပါတယ်။ ဒီကိစ္စဆုံးဖြတ်ဖို့ ဆွေးနွေးရတာတင်းမာမှုတွေ ရှိခဲ့ပါတယ်”ဟု ပါတီအကြီးတန်းတာဝန် ရှိသူတစ်ဦးက ပြောကြားသည်။

ရာထူးမှ နုတ်ထွက်ရန် ၄၈ နာရီ အချိန်ပေးသည့် အကြောင်းကြားစာကိုပေးရန် ရမ်ဖိုဆာက ဇူးမားထံသွားရောက် တွေ့ဆုံနေသည်ဟု နိုင်ငံပိုင် SABC ရုပ်သံလွှင့်ဌာနက သတင်းထုတ်ပြန်သည်။

ဇူးမားနှင့်တွေ့ဆုံစဉ် ရမ်ဖိုဆာက“ရာထူးမှ နုတ်ထွက်ရန် သဘောတူမလား။ ရာထူးမှ ရုပ်သိမ်းမှုကို ရင်ဆိုင်မလား”ဟု မေးသောအခါ သမ္မတဇူးမားက “မင်းက ဘယ်လိုလုပ်စေချင်သလဲ”ဟု ပြောဆိုခဲ့ကြောင်း ပြည်တွင်း Eye Witness သတင်းဌာနက ထုတ်ပြန်ဖော်ပြထားသည်။

ဇူးမားရာထူးမှ နုတ်ထွက်မည့် လက္ခဏာများကြောင့် တစ်ဖန်ပြန်လည် တက်ရိပ်ပြလာသည့် တောင်အာဖရိကသုံး ရန်းငွေကြေးသည် တနင်္လာနေ့က နိုင်ငံရေးအရှုပ်အထွေးကြောင့် မရေမရာ ဖြစ်နေခဲ့သည်။

ဇူးမားကိုယ်တိုင်သည်လည်း ၂၀၀၈ ခုနှစ်က ပါတီခေါင်းဆောင်ဖြစ်လာပြီးနောက် ထိုစဉ်က သမ္မတသာဘိုအမ်ဘီကီ နုတ်ထွက်ရေးကို စီမံခဲ့သူဖြစ်သည်။

အမ်ဘီကီသည် သက်တမ်းကိုးနှစ်အတွင်း စီးပွားရေးဖွံ့ဖြိုးမှုများရှိခဲ့သော်လည်း အာဏာအလွဲသုံးစားပြုလုပ်မှု စွပ်စွဲခံရခြင်းများ ရှိလာခဲ့ပြီးနောက် ပါတီက ဖယ်ရှားခြင်းကို ခံခဲ့ရသည်။

ဇူးမားသည် ၂၀၀၉ တွင် အာဏာရလာပြီးကတည်းက အရှုပ်အထွေးများဖြင့် စတင်ခဲ့သည်။ ၎င်းနှင့် ရင်းနှီးသောဂုပတား မိသားစုသည် အစိုးရကန်ထရိုက်လုပ်ငန်းများကို ရယူခဲ့သည့်အပြင် အစိုးရအဖွဲ့ ရာထူးခန့်အပ်မှုများကိုပါ ဝင်ရောက်စွက်ဖက်ခဲ့ကြသည်ဟု ပါတီတွင်းနှင့် အတိုက်အခံအုပ်စုများက ပြောကြားကြသည်။

ဒုသမ္မတ ရမ်ဖိုဆာသည် ANC ခေါင်းဆောင်ရွေးပွဲတွင် ဇူးမားက လိုလားသောဆက်ခံသူ ဇနီးဟောင်းဖြစ်သူ ဆာဇန်နာဒလာမီနီဇူးမားကို အနိုင်ရရှိပြီးနောက် အဂတိလိုက်စားမှု တိုက်ဖျက်ရေးနှင့်စီးပွားရေး ပြန်လည်ရှင်သန်ရေးတို့ကို အာရုံစိုက်လုပ်ဆောင်လျက်ရှိသည်။

အလုပ်သမား သမဂ္ဂခေါင်းဆောင်ဟောင်း ရမ်ဖိုဆာသည် ဇူးမားကို ဂုဏ်သိက္ခာထိခိုက်စေလိုခြင်းမရှိဟု ပြောကြားနေသော်လည်း ရာထူးမှအချိန်စော၍ အနားယူစေရန် နောက်ကွယ်မှ စည်းရုံးခဲ့သူ ဖြစ်သည်။  

F-04

  • VIA