News

POST TYPE

NEWS

မြို့ပတ်ရထား စီးနင်းသည့် နိုင်ငံခြားသား ခရီးသွား ယခင်ထက် နှစ်ဆတက်
07-Jan-2018 tagged as မီးရထား


ရန်ကုန်၊ ဇန်နဝါရီ ၇

ရန်ကုန်မြို့ပတ်ရထား ခရီးစဉ်များတွင် နိုင်ငံခြားသားစီးနင်းမှုမှာ ယခင် ၂၀၁၆-၂၀၁၇ ဘဏ္ဍာနှစ်ထက် နှစ်ဆကျော် မြင့်တက်လာကြောင်း မြန်မာ့မီးရထားထံမှ သိရသည်။

“ဖြေလျှော့မှုတွေ အပါအဝင် စီးနင်းမှု လွယ်ကူအောင် လုပ်ဆောင်ချက်တွေကြောင့် နိုင်ငံခြားသား စီးနင်းမှုက ထက်ဝက်ကျော် တိုးလာတာပါ”ဟု မြန်မာ့မီးရထား၊ တိုင်း(၇)၊ သွားလာရေးဌာန အထွေထွေ မန်နေဂျာ ဦးဇော်လွင်က ဆိုသည်။

နိုင်ငံခြားသား ခရီးသည်များ ရထားစီးနင်းရာတွင် ၂၀၁၅ ခုနှစ်ခန့်က ကောက်ခံသည့်လက်မှတ်ခ အမေရိကန် တစ်ဒေါ်လာကို မကောက်ခံတော့ဘဲ မြန်မာနိုင်ငံသား စီးနင်းသည့် လက်မှတ်ခအတိုင်းသာ ပြောင်းလဲကောက်ခံခဲ့သည်။

မြို့ပတ်ရထား ခရီးစဉ်များတွင် ၂၀၁၆ ခုနှစ်က ကောက်ခံသော လက်မှတ်ခကို စီးနင်းမှုမိုင်နှုန်းအလိုက် သတ်မှတ်ပြီး ၁၅ မိုင်လျှင် ကျပ် ၁၀ဝ၊ ကျော်လျှင် ကျပ် ၂၀ဝ ပြောင်းလဲ ကောက်ခံခဲ့ကြောင်း မြန်မာ့မီးရထားထံမှ သိရသည်။

မြို့ပတ်ရထား ခရီးစဉ်စီးနင်းမှုမှာ ၂၀၁၆-၂၀၁၇ ဘဏ္ဍာနှစ်၌ တစ်လလျှင် နိုင်ငံခြားသား ခရီးသည် ၃၅၀ဝ၊ ၄၀ဝ၀ ဦးခန့်သာ စီးနင်းခဲ့ပြီး တစ်ရက်လျှင်ပျမ်းမျှ ၁၀ဝ ဦးကျော်ရှိခဲ့ကာ ၂၀၁၇-၂၀၁၈ ဘဏ္ဍာနှစ်၌ နိုင်ငံခြားသားခရီးသည် တစ်လလျှင် ၈၀ဝ၀ ဦးကျော် စီးနင်းကာ တစ်ရက်ကို ၂၇၆ ဦးကျော်ရှိကြောင်း မြန်မာ့မီးရထားထံမှ သိရသည်။

ရန်ကုန်မြို့တွင် လက်ရှိပြေးဆွဲနေသည့် မြို့ပတ်ရထား ကိုးစင်းရှိပြီး ဘူတာ ၃၈ ခုရှိကာ တစ်ရက်လျှင် အခေါက်ရေ ၂၁၅ ခေါက်ဖြင့် ပြည်တွင်း၊ ပြည်ပ ခရီးသွားပြည်သူ ကိုးသောင်းကျော် စီးနင်းမှုရှိကြောင်း မြန်မာ့မီးရထားထံမှ သိရသည်။

J-06