News

POST TYPE

NEWS

မွတ်ဆလင် ခြောက်နိုင်ငံမှ နိုင်ငံသားများ ပြည်ဝင်ခွင့်ပိတ်သည့် ထရမ့်အမိန့်ကို အမေရိကန် တရားရုံးချုပ် ခွင့်ပြု

ဝါရှင်တန်၊ ဒီဇင်ဘာ ၄

မွတ်ဆလင် လူများစုနိုင်ငံခြောက်ခုမှ နိုင်ငံသားများ အမေရိကန်သို့ ခရီးသွားလာမှု ပြည်ဝင်ခွင့် ပိတ်ပင်ထားသည့်  သမ္မတဒေါ်နယ်ထရမ့်၏ အမိန့်အပေါ် ကန့်ကွက်မှုများကို တရားရုံးများတွင် ကြားနာစစ်ဆေးနေစဉ်ကာလအတွင်း အဆိုပါအမိန့်အတိုင်း အပြည့်အဝ အာဏာသက်ဝင်ခွင့်ပြုရန် တရားရုံးချုပ်က ဆုံးဖြတ်လိုက်ကြောင်း USA Today သတင်းစာက ဖော်ပြသည်။

ကန့်ကွက်မှု နှစ်ခုနှင့်ပတ်သက်ပြီး တရားရုံးချုပ်၏ တစ်ပုံစံတည်း တူညီသည့် အမိန့်အရ အီရန်၊ လစ်ဗျား၊ ဆီးရီးယား၊ ယီမင်၊ ဆိုမာလီယာ၊ ချဒ်တို့မှ ခရီးသွားအများစုမှာ ယင်းအမိန့်အပေါ် ကန့်ကွက်သည့်အမှုများကို ကြားနာစစ်ဆေးနေစဉ်အတွင်း အမေရိကန်ပြည်ထောင်စုသို့ ဝင်ရောက်ခွင့်ရတော့မည် မဟုတ်ပေ။

အောက်ရုံးများသည် အမေရိကန်နှင့် သဘောရိုး အဆက်အသွယ်ရှိသော ခရီးသွားများ၊ ဆိုလိုသည်မှာ ဘိုးဘွားများ၊ ဆွေမျိုးသားချင်းများကို ဝင်ရောက်ခွင့်များ ခွင့်ပြုပေးထားသည်။ ယင်းချွင်းချက်များမှာ ဇွန်လအတွင်း တရားရုံးချုပ်က သတ်မှတ်ပေးသော ချွင်းချက်များနှင့် အလားတူပင်ဖြစ်ပြီး ထိုစဉ်က တရားသူကြီးများသည် ကနဦး ယာယီပိတ်ပင်မှု၏ တစ်စိတ်တစ်ဒေသကိုသာ ခွင့်ပြုပေးခဲ့ခြင်းဖြစ်သည်။ စက်တင်ဘာလတွင် ထုတ်ပြန်သောပိတ်ပင်မှုအသစ်မှာမူ ကာလအကန့်အသတ်မရှိပေ။ 

ထရမ့်၏ အမျိုးသား လုံခြုံရေး အကြံပေးပုဂ္ဂိုလ်ဟောင်း မိုက်ကယ်ဖလင်း ပြဿနာတက်နေချိန်တွင် ယခုအမိန့်မှာ ထရမ့်အတွက် အရေးပါသည့် အောင်ပွဲတစ်ရပ်ဖြစ်သည်။ ဖလင်းသည် FBI ကို လိမ်လည်ထွက်ဆိုမှုဖြင့် အပြစ်ရှိကြောင်း ဝန်ခံထားပြီး ၂၀၁၆ ရွေးကောက်ပွဲ ရုရှားစွက်ဖက်မှုကို စုံစမ်းစစ်ဆေးနေသော အထူးအတိုင်ပင်ခံ ရောဘတ်မူလာ၏ စစ်ဆေးမှုတွင် ပူးပေါင်းဆောင်ရွက်ရန် သဘောတူလိုက်ရပြီဖြစ်သည်။

“အခု တရားရုံးချုပ်က ပိတ်ပင်မှုကို ကန့်သတ်ထားတာတွေကို ရုပ်သိမ်းလိုက်ဖို့  အမိန့်ပေးလိုက်ပါပြီ။ အမေရိကန်ပြည်ထောင်စုတွင်း ဝင်ရောက်မှုအတွက် အနိမ့်ဆုံး လုံခြုံရေး စံသတ်မှတ်ချက်တွေ စိုးမိုးအာဏာတည်နိုင်ပြီ ဖြစ်ပါတယ်”ဟု သမ္မတရုံး အမှုဆောင်ညွှန်ကြားရေးမှူး မိုက်ကယ်ဂလက်ဆ်နာက ပြောကြားသည်။

ဆောင်းနှင့် နွေဦးကာလတစ်လျှောက်တွင် ထရမ့်အစိုးရသည်  ပြည်ထောင်စုအဆင့် ခရိုင်နှင့် အယူခံတရားရုံး အားလုံးနီးပါးတွင် အရေးနိမ့်ခဲ့ပြီးနောက် ဇွန်လအတွင်း တရားရုံးချုပ်က ထရမ့်အမိန့် တစ်စိတ်တစ်ဒေသကို လက်ခံပေးခဲ့သည်။ ထိုစဉ်က မွတ်ဆလင်လူများစု နိုင်ငံခြောက်နိုင်ငံမှ ခရီးသွားများ(ထိုစဉ်က ချဒ်မပါဘဲ ဆူဒန်ပါဝင်သည်)သည် အမေရိကန်ပြည်ထောင်စုရှိ လူပုဂ္ဂိုလ်များသို့မဟုတ် အဖွဲ့အစည်းများနှင့် တိုက်ရိုက် အဆက်အသွယ်မရှိပါက ပိတ်ပင်နိုင်သည်ဟု တရားသူကြီးများက ဆုံးဖြတ်ပေးခဲ့သည်။

ယင်းပိတ်ပင်မှုမှာ စက်တင်ဘာလတွင် သက်တမ်းကုန်ဆုံးခဲ့သော်လည်း အစိုးရသည် နိုင်ငံခြားအစိုးရများ၏ စိစစ်မှု လုပ်ထုံးလုပ်နည်းများကို တစ်ကမ္ဘာလုံး အတိုင်းအတာဖြင့် သုံးသပ်မှုပြီးစီးခဲ့ပြီးနောက် အမြဲတမ်းမူဝါဒသစ်တစ်ရပ် ထပ်မံကြေညာခဲ့ပြန်သည်။ သို့ဖြစ်ရာ တရားရုံးချုပ်က အကျုံးမဝင်တော့သော မူလပိတ်ပင်မှုနှင့် ပတ်သက်သည့် ကန့်ကွက်သည့်အမှုများကို ပယ်ချခဲ့သည်။

သို့သော်လည်း တတိယအကြိမ် ပိတ်ပင်မှု စတင်မသက်ဝင်မီ ဟာဝိုင်အီနှင့်မေရီလင်းပြည်နယ်မှ ခရိုင်တရားရုံးများက ထရမ့်၏အမိန့်ကို ပယ်ချခဲ့ပြန်သည်။ ရှေ့အမိန့်ကိုလည်း ပယ်ချခဲ့သည့် ရုံးများပင်ဖြစ်သည်။ ယခုအခါ တရားရုံးချုပ်က အပြီးသတ် ဆုံးဖြတ်ချက်မချမီ ထရမ့်အမိန့်ကို  စိုးမိုးသက်ဝင်ခွင့်ပြုပေးလိုက်ခြင်း ဖြစ်သည်။

ထရမ့်၏ နောက်ဆုံးအမိန့်မှာ လတ်တလော စိုးမိုးသက်ဝင်သွားပြီ ဖြစ်သော်လည်း ဆီယက်တဲလ်ရှိ အမှတ် ၉  နယ်လှည့် အယူခံတရားရုံနှင့် ရစ်ခ်ျမွန်ရှိအမှတ် ၄ နယ်လှည့် အယူခံတရားရုံးတွင် ယင်းနောက်ဆုံးအမိန့်ပေါ် ကန့်ကွက်မှုများကို ဆက်လက် ကြားနာစစ်ဆေးသွားမည် ဖြစ်သည်။

ထိုတရားရုံးများက မည်သို့ပင် ဆုံးဖြတ်သည်ဖြစ်စေ တရားရုံးချုပ်သို့ ထပ်အယူခံဝင်ကြမည်ဖြစ်ရာ တရားရုံးချုပ်၏ အပြီးသတ် အဆုံးအဖြတ်က အဓိကကျလာမည် ဖြစ်သည်။ တရားရုံးချုပ်အနေနှင့် လာမည့်နှစ်ဇွန်လ ရုံးသက်တမ်း မကုန်ဆုံးမီ ကြားနာဆုံးဖြတ်ဖွယ် ရှိသည်။   

F-03