News

POST TYPE

NEWS

ကျောက်ဖြူရှိ မောရစ်ကောလစ်နေအိမ် အကြီးစားပြင်ဆင်
ရန်ကုန်၊ နိုဝင်ဘာ ၁၈

ရခိုင်ပြည်နယ် ကျောက်ဖြူရှိ ဗြိတိသျှ အစိုးရလက်ထက် အရေးပိုင်တာဝန်ထမ်း ဆောင်ခဲ့သူ စာရေးဆရာ မောရစ် ကောလစ်၏နေအိမ်ကို ပြည်နယ်အစိုးရ ဘတ်ဂျက်ဖြင့် အကြီးစားပြင်ဆင်နေ ကြောင်း ကျောက်ဖြူမြို့နယ်အုပ်ချုပ်ရေးမှူးရုံးထံမှ သိရသည်။

မောရစ်ကောလစ်သည် မြန်မာနိုင်ငံကို အုပ်ချုပ်ခဲ့သော ဗြိတိသျှအစိုးရ၏ အုပ်ချုပ်ရေး ယန္တရားများကို ဖော်ထုတ်၍ နာမည်ကျော် စာအုပ်များ ပြုစုရေးသားခဲ့သည့် စာရေးဆရာတစ်ဦးလည်း ဖြစ်သည်။

ကျောက်ဖြူမြို့ အစိုးရရပ်ကွက်၊ ကမ်းနားလမ်းရှိ ၎င်းနေအိမ်ကို ပြည်တွင်း၊ ပြည်ပမှ လာရောက် လေ့လာသူ များပြားလာသော်လည်း ပြုပြင်ထိန်းသိမ်းမှု အားနည်းခြင်းကြောင့် ၂၀၁၇- ၂၀၁၈ ပြည်နယ် ဘတ်ဂျက် ကျပ် ၃၀၂ သန်း အသုံးပြု၍ ရှေးမူမပျက် ဗိသုကာ လက်ရာများအတိုင်း ပြုပြင်မွမ်းမံနေခြင်းဖြစ်ကြောင်း ကျောက်ဖြူခရိုင် အုပ်ချုပ်ရေးမှူးရုံးမှ အကြီးတန်း တာဝန်ရှိသူတစ်ဦးက ပြောကြားသည်။

“အဆောက်အအုံရဲ့ စိုးရိမ်ရတဲ့ အစိတ်အပိုင်းတွေ အားလုံး ရှေးမူမပျက် အစားထိုး ပြင်ဆင်ရတယ်။ တံခါးရွက်၊ ဝရန်တာနဲ့ ပင်မအိမ်ကြီးရဲ့ ခေါင်မိုးသွပ်တွေ အဓိက လုပ်ရတယ်။ ဒီနှစ် ဘတ်ဂျက်ကာလ အပြီးသတ်ဖို့ လျာထားတယ်။ စိတ်ဝင်စားသူတွေလည်း လည်ပတ်နိုင်အောင်ပါ”ဟု ၎င်းက ဆိုသည်။

မောရစ်ကောလစ် နေအိမ်ခြံဝင်းတွင် နှစ်ထပ်အမြင့်ရှိ ခရိုင်အဆင့် အထွေ ထွေအုပ်ချုပ်ရေးမှူးရုံးခန်းတစ်ခု ဖွင့်လှစ် ရန် ပြည်နယ်အစိုးရအစီအစဉ်ဖြင့် သီးခြားတည်ဆောက်နေကြောင်း ရခိုင်ပြည်နယ် အစိုးရအဖွဲ့ထံမှ သိရသည်။

“အဆောက်အအုံတစ်ခုလုံး အရင်သုတ်ထားတဲ့ သင်္ဘောဆေးရောင် အဖြူနဲ့ အပြာ မသုံးတော့ဘူး။ အဆောက်အအုံပုံစံ ပိုအသက်ဝင်လာအောင် အနီ၊ အဖြူ ရောစပ်ပြီး မွမ်းမံထားတယ်”ဟု ကျောက်ဖြူမြို့နယ်၊ ဒေသခံတစ်ဦးက မှတ်ချက်ပြု ပြောဆိုသည်။

အဆိုပါ အဆောက်အအုံသည် ရခိုင်ပြည်နယ်တွင် တာဝန်ထမ်းဆောင်စဉ် ၁၉၂၀ ခုနှစ်ခန့်က အရေးပိုင် ရာထူးနှင့် နေထိုင်ခဲ့ခြင်းဖြစ်ပြီး ဗြိတိသျှ အဆောက်အအုံဒီဇိုင်းဖြစ်ကာ ကျောက်ဖြူမြို့ကို ကျောခိုင်း၍ ပင်လယ်ဘက်သို့ မျက်နှာမူ တည်ဆောက်ထားသည်။

မြန်မာပြည်နှင့်ပတ်သက်၍ မောရစ်ကောလစ် ရေးသားခဲ့သည့် နာမည်ကျော် စာအုပ်များအနက် စာရေးဆရာမကြီး လူထုဒေါ်အမာက Trials in Burma စာအုပ်ကို (မြန်မာပြည်တွင် စစ်ဆေးခဲ့သော အမှုများ) အမည်ဖြင့်လည်းကောင်း၊ ဦးစံဝင်းက Siamese White စာအုပ်ကို (ယိုးဒယားဝှိုက်) အမည်ဖြင့်လည်းကောင်း၊ စာရေးဆရာကျော်အောင်က Last and First in Burma စာအုပ်ကို (မြန်မာပြည် လွတ်လပ်ရေးတိုက်ပွဲ) အမည်ဖြင့်လည်းကောင်း၊ စာရေးဆရာမြသန်းတင့်က She was a Queen စာအုပ်ကို (ဧကရီဖွားစော) အမည်ဖြင့်လည်းကောင်း အသီးသီး ဘာသာပြန် ထုတ်ဝေထားကြသည်။

J-17